आफ्नी १८ वर्षकी छोरीको नांगो तस्वीर पत्रिकामा छापिएको देखेपछि एकजना पुरुषले झुण्डिएर आत्महत्या गरेका छन् । घटना रोमानियाको हो । लोरेन्डाना चिभु नामकी युवतीको निर्वस्त्र तस्वीर चर्चित प्लेब्वाय म्यागेजिनमा छापिएपछि उनका बुवाले आफ्नो इज्जतमा ठेस लागेको र नाक काटिएको ठानेर आत्महत्या गरेका हुन् । यसअघि पनि आफ्नो इन्साग्राममा कैयन् अर्धनग्न तस्वीर राख्ने गरेकी आफ्नी छोरीसँग राम्रै सम्बन्ध रहेका ती पुरुषले पत्रिकामै छोरी नांगिएपछि सहन सकेनन् । पत्रिकामा नांगो तस्वीर छापिएपछि उनी सुरुमा निकै रिसाए, छोरीसँग बोलचाल समेत गर्न छाडे । बाउछोरीमा शितयुद्ध नै सुरु भयो । तर आफ्नो कामका कारण बुवालाई चित्त दुखेर निकै रिसाएको महसुस गरेपछि लोरेन्डाना बुवालाई सम्झाउने र माफी माग्ने योजनामा थिइन् । तर एक्कासी बुवाले झुण्डिएर आत्महत्या गरेको अवस्थामा फेला पारेपछि उनी निकै आत्तिइन् । आफ्नो फोटोका कारण बुवाले आत्महत्या गरेको घटनाको पीडा अझै निको नभएको उनी बताउँछिन् । राजधानी बुखारेष्टमा बस्दै आएकी लोरेन्डाना त्यस विषयमा बुवासँग कुरा गर्न नपाएकोमा अझैपनि थकथकी मानिरहेकी छिन् ।

१८ माघ, काठमाडौं । पाकिस्तान क्रिकेट बोर्डले नेपाली क्रिकेट टीममा पाकिस्तान भ्रमणको निम्तो दिएको छ । तर, नेपाल क्रिकेट संघ क्यानले भने अहिलेसम्म कुनै निर्णय गरेको छैन । पाकिस्तान क्रिकेट बोर्डका प्रमुख शहायर खानले नेपालसँगै नेदरल्याण्ड र नामिबियाको राष्ट्रिय टीमलाई क्रिकेटका लागि पाकिस्तान बोलाएको जानकारी दिए । उनका अनुसार श्रीलंका, बंगलादेश, जिम्बाबेले जुनियर टीम पठाउने आश्वासन दिएको बताएको छ । पाकिस्तान क्रिकेट बोर्डका प्रमुखको दाबीबारे बुझ्दा क्यानका अधिकारीहरुले पनि प्रस्ताव अएको स्वीकार गरेका छन् । तर सुरक्षाका कारण नेपाली टीमले पाकिस्तान भ्रमण गर्ने इच्छा नदेखाएको स्रोतले बतायो । सन् २००९ मा लाहोरमा श्रीलंकाको क्रिकेट टीममाथि आतंकवादी आक्रमण भएपछि कुनै पनि अन्तराष्ट्रिय टीमले पाकिस्तान भ्रमण गरेको छैन ।