मुम्बई । अभिनेता तुषार कपुरले पोर्न स्टार सन्नी लियोन बलिउडको नम्बर वान कलाकार भएको बताएका छन् । हिन्दी फिल्म ‘मस्तीजादे’ मा सन्नीसँग काम गरेका तुषारले सुटिङ अवधिमा निकै रमाइलो भएको बताए । ‘सन्नी वास्तवमै गज्जब हिरोइन रहिछन् । उनी क्षमतावान पनि छिन्, फिल्म हिट हुन्छ ।’ उनले भने । मिलाज जावेरी निर्देशित यस फिल्ममा सन्नीले लैला लिलीको भुमिका निर्वाह गरेकी छिन् । तुषारले आफ्नो भुमिका वारे खुलाउन चाहेनन् । हिन्दी फिल्म ‘जिस्म २’ वाट बलिउडमा प्रवेश गरेकी सन्नीले रागीनी एमएमएस २ मा मुख्य भुमिका निर्वाह गरेकी थिइन् । उनी अभिनित फिल्म चर्चित नभएपनि फिल्म रिलिजताका सन्नी चर्चामा रहन्छिन् ।

यौन सम्पर्कका बेला प्रयोग गर्न सजिलो हुने गरी डिजाइन गरिएको एक अनौठो कण्डमले स्वर्ण पदक प्राप्त गरेको छ । नेदरल्याण्डको एक कम्पनीले बनाएको विन्जम्यान नामको उक्त कण्डमले यसको नौलो डिजाइनका कारण आइ एफ गोल्ड अवार्ड प्राप्त गरेको हो । नौलो डिजाइनका प्रडक्ट निर्माण गर्ने कम्पनीलाई प्रदान गरिने यो विश्वस्तरीय अवार्ड यसअघि नोकिया तथा एप्पल लगायतले समेत प्राप्त गरेका थिए । यौन सम्पर्कका बेला पुरुषको यौनांगमा पहिराउन दुवै हातको प्रयोग गर्नुपर्ने र होसियारी नअपनाउँदा कण्डम फुट्ने तथा बिगि्रने जस्ता समस्या हुने गरेको अवस्थामा यो नयाँ डिजाइनको कण्डम एउटै हातले पनि पहिराउन सकिन्छ । यो कण्डममा परम्परागत कण्डममा भन्दा निकै भिन्न अर्थात् दुइवटा पखेटा हुन्छन् दुइ साइडमा । कण्डममा हुने पखेटाले कण्डम लगाउन सजिलो हुनुका साथै एउटै हातले वा अँध्यारोमा समेत पहिरिन सकिन्छ । युरोपेली मुलुकहरुमा उपलब्ध यो कण्डमको मूल्य एक दर्जनको ९.९५ युरो पर्ने बताइएको छ ।

छिमेकी महिलाहरुका पेन्टी र ब्रा चोरेर १० वर्षदेखि हैरान पार्दै आएका एक चर्चित अन्तरवस्त्र चोर अन्ततः पक्राउ परेका छन् । चीनको दक्षिणपूर्वी युनिल सहरका ती ब्रा चोरलाई २ हजार पेन्टी सहित प्रहरीले पक्राउ गरेको छ । पूरै नाम नखुलाइएका ती झण्डै ३० वर्षीय पुरुषको थर टान रहेको बताइएको छ । युलिन सहरस्थित उनको अपार्टमेन्टको सिलिङमा बनाइएको खोपामा २ हजार थान ब्रा र पेन्टी भेटिए । ब्रा र पेन्टीको संख्या निकै धेरै हुँदा धेरै वजनका कारण सिलिङ भत्किएर ठूलो आवाज आएपछि अपार्टमेन्टमा बस्ने अन्य मानिसहरुले प्रहरीलाई बोलाएर उनको कोठाभित्र हेर्दा कोठाभरि ब्रा र पेन्टी फेला परेका हुन् । ती ब्रा तथा पेन्टी चोरले पछिल्लो १० वर्षदेखि छिमेकीको अपार्टमेन्ट तथा घरमा छिरेर महिलाका अन्तरवस्त्र चोर्दै आफ्नो कोठामा ल्याएर सिलिङमा बनाएको कोठरीमा थुपार्ने गरेका रहेछन् । उनी बसेको अपार्टमेन्टको मुख्य साँचो अर्थात् मास्टर की उनीसँग रहेका कारण अपार्टमेन्टमा बस्ने अन्य मानिसहरु दिउसोमा काममा गएको बेला ढोका खोलेर कोठाभित्र छिरेर महिलाका अन्तरवस्त्र उनले चोर्ने गरेका थिए । उनले अहिलेसम्म ७ सय ५० जना छिमेकीको घर तथा कोठामा छिरेर ब्रा पेन्टी चोरेको स्विकार गरेका छन् । यसरी एउटै घरछिमेकमा बस्ने मानिसले आफुहरुका अन्तरवस्त्र चोरेर थुपारिरहेको सुइँको सम्म पनि पाउन सकेनन् मानिसहरुले । तर जब ब्रा र पेन्टीको वजनले सिलिङ नै भत्किएर ठूलो आवाज आयो तब पुलिसलाई बोलाएर उनको कोठाभित्र छिर्दा पो थाहा भयो, आफ्ना हराएका सबै ब्रा पेन्टी उनले चोरेर थुपारेका रहेछन् । टा ले आफुले ब्रा र पेन्टी चोर्ने गरेको स्विकार गरेका छन् । आफुमा बाल्यकालदेखि नै मानसिक समस्या रहेको र महिलाका भित्रीवस्त्र चोर्ने लत आफुलाई कहिलेदेखि लाग्यो भन्ने कुराको हेक्का नरहेको दाबी उनको छ ।

काठमाडौं : सार्वजनिक यातायातका साधनको यात्रु भाडा दर घटाउने सरकारको निर्णय बुधबारबाट लागू भएको छ । सवारी साधनमा प्रयोग हुने इन्धनको मूल्य घटेसँगै सार्वजनिक यातायात भाडा दर एक प्रतिशत घटाउने सरकारको निर्णय आजदेखि लागू भएको हो । सार्वजनिक यातायातका साधनमा प्रयोग हुने इन्धन डिजेलको मूल्य चार महिनायता पटकपटक गरी १३ रुपयाँले घटेपछि सार्वजनिक यातायातका साधनको भाडा घटाउनुपर्ने आवाज चौतर्फी उठ्न थालेपछि सरकारले भाडा घटाउने निर्णय गरेको थियो । यातायात व्यवस्था विभागको सिफारिसमा सरकारले एकदेखि २.७३ प्रतिशतसम्म भाडा घटाएको छ । नयाँ भाडादरअनुसार यात्रुबाहक सवारी साधानमा एक प्रतिशत, ढुवानीतर्फ तराईमा चल्ने ट्रक तथा कन्टेनरमा २.०७ प्रतिशत र पहाडमा चल्नेमा २.७३ प्रतिशत भाडा घटेको छ । रासस

 राजकुमार हिरानी र आमिर खानबीचको समानता के भने दुवै फिल्मलाई मनोरञ्जनको सस्तो साधन मान्दैनन् । बरू गम्भीर विषयलाई रसिलो ढंगबाट पर्दामा पेस गर्छन् । थ्री इडियट्स यसको ज्वलन्त उदाहरण हो । पाँच वर्षपछि यो जोडीको नयाँ फिल्म पीके संसारभरका करबि ६ हजार सिनेमा घरमा प्रदर्शन भइरहेको छ । फिल्मको वजन रििलजअगाडिको मिडिया हाइप र अपेक्षाभन्दा ज्यादा छ । हिरानीले भगवान्प्रतिको अन्धविश्वास र ढोँग गहकिलो रूपमा पर्दाफास गरेका छन् । तर, कुनै क्रान्तिकारी पात्रमार्फत होइन, एउटा निर्दोष एलियनमार्फत । अर्कै ग्रहबाट पृथ्वीमा ओर्लेकै दिन पीके (आमिर)को लकेट चोरी हुन्छ । त्यही लकेटले उसको ग्रहसँग प्रत्यक्ष सम्पर्क गराउँछ । अनुसन्धानका लागि यो संसारमा आएको पीके आफ्नो लकेटको खोजीमा लाग्छ । भाषा, संस्कार र सभ्यता केही नजानेकाले धेरै हन्डर बेहोर्छ । त्यही क्रममा उसको भेट टीभी रपिोर्टर जग्गु (अनुस्का शर्मा)सँग हुन्छ । कमेडी लाग्ने समाचार सामग्री प्रस्तुत गर्दागर्दा वाक्क भएकी जग्गु पीकेको व्यवहार र तर्कमा स्कुप देख्छे । साथै, उसको लकेट खोजीमा सघाउने प्रण गर्छे । तर, लाखौँ भक्तका शक्तिशाली बाबा -सौरभ शुक्ला)को हातमा पुगेको लकेट फिर्ता लिन पीके र जग्गु सफल होलान् त ? फिल्म यसमै घुमेको छ । पीकेको सबैभन्दा सशक्त पक्ष अभिजित जोशीसँग मिलेर हिरानीले लेखेको पटकथा हो । अत्यन्त संवेदनशील विषयलाई सरल र विश्वसनीय रूपमा पेस गर्न पटकथामा निकै मिहिनेत गरएिको छ । फिल्ममा धर्मलाई डरको व्यापारका रूपमा व्याख्या गरएिको छ । जनमानसमा सकेसम्म धेरै डर पैदा गरेर फाइदा लुट्न खो ज्ने धार्मिक गुरुहरूको खिल्ली उडाइएको छ । निर्दोष पीकेको तार्किक सवाल दर्शकको मथिंगल हल्लाउन पर्याप्त छ । उसको निर्दोषपनाले दर्शकलाई हाँस्दा हाँस्दै रुवाउँछ । उसको नाम कसरी पीके रहन गयो भन्नेबाटै सामाजिक सोचको दरदि्रता देखाउँछ । खासमा यो फिल्मलाई हिरानीले आधुनिकताकै रफ्तारमा अगाडि बढिरहेको धार्मिक कुसंस्कारको विरोधको हतियार बनाएका छन् । फिल्म हेरसिकेपछि यस्तो लाग्छ, रोहित सेट्टी, प्रभु देवा मार्काका मसलादार फिल्मका कथित हिट निर्देशकसँग तुलना गर्नु नै हिरानीको अपमान हो । हरेक फिल्ममा फरक भूमिका निर्वाह गर्न माहिर आमिरले फेर िएकपटक आफ्नो अभिनय कौशल सिद्ध गरेका छन् । उनको अभिनय अविस्मरणीय र तार्किक छ । टेलिभिजन सो सत्यमेव जयतेमार्फत सामाजिक अभियन्ताका रूपमा आमिरको छवि यो फिल्मले अझ उच्च बनाएको छ भने धुम ३ मा गरेको 'पाप' पखालिएको छ । अनुस्काको लुक्सले ताजा महसुस हुन्छ । एउटा एलियनलाई मार्गदर्शक बनाउन उनले खेलेको भूमिका सराहनीय छ । सुशान्त राजपुत, बोमन इरानीलगायत कलाकारको अभिनय पनि मूर्त लाग्छ । कथाको बहावलाई प्रभावकारी र बुलन्द बनाउने गीत/संगीत फिल्मको अर्को सकारात्मक पक्ष हो । मध्यान्तरभन्दा केहीअगाडि खुद्रा विषयमा बढी केन्दि्रत भएकाले फिल्मको गति धीमा लाग्न सक्छ । खुराकयुक्त मनोरञ्जन खोज्ने दर्शकले पीके छुटाउनु हुन्न । कम्तीमा भगवान् र धर्मप्रति रहेको भ्रम निमिट्यान्न पार्न पनि यो फिल्म हेर्नैपर्छ । ढुक्क भए हुन्छ, फिल्मले लगानीभन्दा धेरै प्रतिफल दिन्छ ।