अमेरिकामा जन्मियो चमत्कारी गाइ, दुइ टाउका एक मस्तिष्क (फोटोफिचर)
दुइवटा टाउको, दुइवटा थुतुनो, चारवटा आँखा तथा एउटा मात्र मस्तिष्क । यस्तो चमत्कारिक गाइको बाच्छी जन्मिएको छ अमेरिकामा । हामीकहाँ भए त त्यस्तो बाच्छी जन्मिँदा बित्तिकै भगवान भनेर पुजा गर्नेको ताँती लाग्थ्यो होला । तर अमेरिकामा त्यस्तो हुने कुरै भएन ।
तथापि त्यसलाई इश्वरकै वरदान भन्ने मानिसको भने कमी छैन । समाचार माध्यमहरुले त्यसलाई पवित्र गाइ भनेका छन् । भर्मोन्टमा रहेको एक कृषि फार्ममा यस्तो अनौठो बाच्छी जन्मिएको हो । उक्त बाच्छीको नाम भने राखिएको छैन ।
गाइपालक क्रिस्टेन क्विन्सेलले आफ्नो फार्ममा यस्तो गाइ जन्मिँदा आफुहरु निकै खुसी रहेको बताउँछिन् । मस्तिष्क एउटै भएकाले एउटा मुखले जे गर्यो अर्को मुखले पनि त्यहीँ गर्छ । त्यो बाच्छीले दुबै मुखले खान सक्छ र कराउन पनि सक्छ ।
त्यसलाई चमत्कार भनेपछि, अद्धितिय भनेपनि वा जे मनलाग्छ त्यो भनेपछि आखिर त्यो बाच्छी बरदान रहेको र आफुले त्यसको सधै हेरचाह गर्ने गाइधनी क्विन्सेल बताउँछिन् । स्मरण रहोस् अमेरिकाको जर्जियामा गएको जनवरीमा पनि दुइ टाउके बाच्छो जन्मिएको थियो भने गएको वर्ष ओक्लोहामामा ६ खुट्टा भएको बाच्छो जन्मिएको थियो ।
भिडियो
0 comments
Write Down Your Responses