काठमाडौं, भाद्र १५ - नेपाल साफको १६ वर्षे इतिहासमा पहिलोपल्ट च्याम्पियन बन्ने अभियानमा छ । ट्रफी चुम्नेमा नेपाली खेलाडी आत्मविश्वासी देखिएका छन् । मिहिनेत पनि गरिरहेका छन् । यस्तै तयारीसाथ मैदानमा उत्रिएर पनि विगतमा राम्रो नतिजाका निम्ति तडपँदै आएको थियो । आठौं साफमा भने बंगलादेशविरुद्ध सुरुको ३१ मिनेटभित्रै दुई गोल गर्दै नेपालले उपाधि जित्ने अभियानको सुरुआत शनिबार सुखद बनाएको छ ।
अनिल गुरुङ र भरत खवासले एक-एक गोल गरेपछि २-० को जित रच्दै नेपालले १४ वर्षपछि साफको पहिलो खेलमै जित आत्मसात् गरेको हो । नेपालले सन् १९९९ मा भएको गोवा साफको पहिलो खेलमा नरेश जोशीको ह्याटि्रकसँगै श्रीलंकालाई ३-२ ले पराजित गरेको थियो । त्यसअघि र पछि नेपालले साफको पहिलो खेलमै ३ अंक जोड्न सकेको थिएन । कुनै पनि संस्करणको पहिलो खेलमै नेपालले गोल बेहोर्नु नपरेको पनि पहिलो अवसर नै हो ।
प्रशिक्षक ज्याक स्टेफनोस्कीको ४-४-१-१ को नयाँ संरचनामा नेपालको अग्रपंक्ति सम्हालेका अनिलले १८ औं मिनेटमै गोलको खाता खोलेका थिए । मैदानको मध्यभागबाट सन्दीप राईले प्रहार गरेको पि|m-किकमा बंगलादेशी डिफेन्सले क्लियर गर्न नसकेको बल नियन्त्रण गर्दै भोला सिलवालले क्रस पास दिएका थिए । सिक्स यार्ड बक्समा रहेका अनिलले त्यही बललाई हेडद्वारा सेकेन्ड बारमा जाली चुमाएका थिए ।
'राष्ट्रिय टिमबाट दुई वर्षपछि गोल गरेकामा साह्रै खुसी लागेको छ,' अनिलले भने । उनले पछिल्लोपल्ट वल्र्डकप छनोटको प्रारम्भिक चरणमा इस्ट टिमोरविरुद्ध दशरथ रंगशालामा दुई वर्षअघि हात पारेको ५-० को जितमा एक गोल गरेका थिए । उनले बंगलादेशविरुद्ध गरेको गोल नेपालको जर्सीमा आठौं हो ।
उनले साफको तयारीमा बहराइन र कुवेतको तीन साता भ्रमणमा सर्वाधिक चार गोल गरेका थिए । 'अभ्यासमा राम्रो गरेको थिएँ । त्यसैले साफमा गोल गर्छु भन्ने लागेको थियो । गरें पनि । त्योभन्दा ठूलो हाम्रो टिमले खेल जित्यो । साह्रै खुसी लागेको छ,' उनले भने । उनले २३ औं मिनेटमा विराज महर्जनको क्रसमा गरेको हेडर पोस्टनजिकिँदै बाहिरिएको थियो ।
दोस्रो गोलमा पनि अनिलको योगदान रह्यो । जगजित श्रेष्ठको कर्नरमा अनिलले हेडद्वारा फि्लक गरेको बल बंगलादेशी डिफेन्सले क्लियर गर्न सकेन । यस्तोमा सिक्स यार्ड बक्सबाट भरतले वान टच गोल गरेपछि नेपालले ३१ औं मिनेटमा २-० को अग्रता लियो । अन्ततः त्यही अग्रता जोगाउँदै नेपालले सुखद सुरुआत गर्‍यो । नेपाली सेनाको अधिकृत आधार तालिममा सहभागी भएकाले ५ दिनमात्र प्रशिक्षणको अवसर पाएका भरतले नेपालका निम्ति गरेको यो आठौं गोल हो ।
दुई गोलले अग्रता लिए पनि नेपाली टिम ४० मिनेटसम्म सम्हालिएको थिएन । पहिलो हाफको अन्त्यतिर १४ पास खेल्यो । त्यसबाहेक ३-४ पासभन्दा धेरै खेल्न सकेन । फागुनमा दशरथ रंगशालामै भएको च्यालेन्ज कप छनोटमा नेपाललाई २-० ले निराश पारेको बंगलादेश यसपालि चुस्त खेल्न पस्कन असफल रह्यो । उसले एकपल्ट पनि गतिलो आक्रमण गर्न सकेन ।
पूर्ण क्षमताअनुसार १८ हजार दर्शकले भरिएको रंगशालामा नेपालले दोस्रो हाफमा केही सुधारिएको प्रदर्शन गर्‍यो । र, अन्त्यतिर थप तीन गोलको अवसर पनि सिर्जना गर्‍यो । तर, गोलमा परिणत गर्न सकेन । 'म्यान अफ द म्याच' भरतको आकर्षक पासमा पेनाल्टी क्षेत्रमा एक्लो रहेका अनिलले प्रहार गरेको बलले ८० औं मिनेटमा पोस्टको दिशा लिएन ।
डिफेन्सबाट मिडफिल्डमा सरेका रोहित चन्द दुई अवसरमा चुके । उनले गोलकिपर मामुन बिट भइसकेको स्थितिमा ८३ औं मिनेटमा बललाई पोस्टको दिशा दिन सकेनन् । इन्ज्युरी टाइममा जुमनु राईसँगको वान टु वानमा अघि बढाएर वान भर्सेस
वानमा प्रहार गरेको बल गोलकिपर मामुनले रोके ।
जितपछि नेपालका प्रशिक्षक ज्याक स्टेफनोस्कीले भने, 'घरेलु मैदान, समर्थक र बलियो डिफेन्सका कारण सफलता हात पार्‍यौं । सबै खेलाडीले मिहिनेत गरेर राम्रो खेले । यो नतिजाले हामीलाई मजबुत बनाएको छ ।' कप्तान सागर थापाले भने, 'हाम्रो खेल पहिलोकै जस्तो हो । स्कोरिङ मात्र फेरिएको हो । त्यसैले जित दिलायो ।' प्रकाश बुढाथोकीले अन्तर्राष्ट्रिय प्रतियोगितामा डेब्यु गरे ।
'सुरुको ३० मिनेट डिफेन्समा गल्ती गर्‍यौं । त्यसैको मूल्य चुकायौं । हाम्रा खेलाडीमा एकाग्रता पनि देखिएन । त्यसैले नतिजा निराशाजनक रह्यो । यस्तो नतिजाबाट प्रतियोगिता सुरु गर्नु साह्रै खराब हो,' बंगलादेशका प्रशिक्षक लुडोभिक डे क्रुफले भने, 'हाम्रा निम्ति दिन खराब रह्यो । नेपालले च्यालेन्ज कपको मीठो बदला लियो ।' नेपालले दोस्रो खेलमा मंगलबार पाकिस्तानको सामना गर्नेछ ।

भाद्र १४ - 
दक्षिण भारतीय फिल्मको रिमेक गर्दागर्दै बलिउडलाई त्यही स्वादको बानी पर्न थालेजस्तो छ । 'चेन्नई एक्सप्रेस' पछि 'मद्रास क्याफे' पनि दक्षिणकै कथा लिएर आएको छ ।
लोकेसन दक्षिण मन पराएजस्तै बलिउडले मुख्य भूमिकामा भने जासुसलाई बढी मन पराउन थालेको छ ।
'एक था टाइगर' मा सलमान र 'एजेन्ट विनोद' मा
सैफअलि खानपछि 'मद्रास क्याफे' मा जोन अब्राहम भारतीय जासुस बनेका छन् । यी अघिल्ला जासुसहरू आपmनो देशको सुरक्षाको काममा खटिएका थिए । तर, मद्रास क्याफेको जासुसचाहिँ बाहिरी देश श्रीलंकाको आन्तरिक मामिलामा काम गर्न खटिएको छ, जसले अन्ततः आपmनो देशलाई एउटा ठूलो धक्का लगाएर छोड्छ । अघिल्ला दुई फिल्ममा हिरोइन पनि पाकिस्तानी जासुस थिए, जसले हिरोलाई साथ दिन्छन् । यसमा भने हिरोइन एउटी विदेशी पत्रकार छिन् ।
सुरुमै बताउँ 'मद्रास क्याफे' राजनीतिक फिल्म होइन । केही राजनीतिक र केही सुरक्षा जोडिएको विषयमाथि बनेको एउटा थि्रलर हो । यो फिल्मले कुनै राजनीतिक विचार वा आदर्शको कुरा गर्दैन । गृहयुद्धमा रहेको श्रीलंकाको लिट्टे र अरू विद्रोह समूहको व्यवस्थापनमा संलग्न भारतीय सरकार र गुप्तचरले कसरी त्यसको ठूलो मूल्य चुकाउन पुग्छन् भन्ने कथा भन्छ, त्यो युद्धको राजनीतिक पाटो वा उद्देश्यका बारे विवेचना गर्दैन । संकटग्रस्त श्रीलंकामा भारतीय इच्छा अनुसार चाल चल्न पठाइएको गुप्तचर संस्था 'र' को एजेन्ट जोन अब्राहमका माध्यमबाट फिल्मले राजीव गान्धी हत्याको विवरण प्रस्तुत गर्छ ।
कश्मीरको विषयमा 'यहाँ' र स्पर्म डोनेसनमाथि 'विकी डोनर' बनाएका सुजित सरकारले 'मद्रास क्याफे' को निर्देशन गरेका हुन् । अहिले चेन्नई भनिने मद्रास सहर श्रीलंका नजिकको राज्य तमिलनाडुको ठूलो सहर हो । फिल्मको कथा मद्रास, दिल्ली र श्रीलंका वरपरको भए पनि कथाका तन्तुहरू भने सिंगापुर लन्डनसम्म फैलिएका छन् । जासुस हिरो भएकाले कथाको मुख्य तत्त्व षड्यन्त्र हुने भइहाल्यो । शीर्षकको मद्रास क्याफे एउटा यस्तै षड्यन्त्रको तानाबाना बुनिने क्याफेको चेन हो, जसको नाम 'मद्रास क्याफे' छ ।
लिट्टेको आन्दोलन चर्किएर आपmनै देशलाई खतरा हुन थालेपछि भारत जासुसी र सुरक्षा संयन्त्र प्रयोग गरेर श्रीलंका प्रवेश गर्छ । एउटा विद्रोहीविरुद्ध अर्को खडा गर्ने 'र' को घनचक्करमा परेर राजीव गान्धीको लिट्टेले हत्या गरेका थिए । फिल्मले यस्ता ऐतिहासिक तथ्यहरूलाई आपmनो कथाको आधार बनाएको छ । र, त्यसमा केही आफ्नो राष्ट्रिय स्वार्थ र मान्यता सापेक्ष 'सुधार' पनि गरेको छ । जस्तै- फिल्मले लिट्टेलाई कुनै बेला कसरी भारतले नै सहयोग गरेको थियो र बलियो बनाएको थियो भन्ने कुरा भन्दैन । त्यस्तै, आपmना केही अधिकारीको कमजोर चरित्र र सनकको भरमा श्रीलंका मिसन असफल भएको फिल्मले देखाउन खोज्छ । यथार्थ यतिमात्रै थिएन । समानान्तर रूपमा आफैंले चालेका दुईधारे कदमको चेपुवा भारत आफैं परेको थियो ।
'मद्रास क्याफे' डकुमेन्ट्री जसरी खिचिएको, तथ्यहरूमा आधारित गरिएको फिल्म भए पनि यो डकुमेन्ट्री होइन, फिक्सन फिल्म हो । यसैले केही तथ्य यताउता हुन सक्छन् । बाँकी कुरामा भने 'मद्रास क्याफे' एउटा हेर्नलायक फिल्म हो । यो थि्रलर हो । यसैले यसमा कथालाई अलमल्याउने गरी हिरो हिरोइनको रोमान्स छैन, डाँडापाखामा कम्मर मर्काइने गीत छैनन्, आइटम डान्सको त झन् कुरै भएन । फिल्मकी हिरोइनले एउटै संवाद हिन्दीमा बोल्दिनन्, धेरै पात्रले तमिल बोल्छन् । तर, पनि यिनको अरू भाषा 'चेन्नई एक्सप्रेस' को जस्तो इरिटेटिङ छैन ।
फिल्ममा हिरोको परिवार, सँगै काम गर्ने साथीको संसार पनि छ । तर, गोप्य मिसनमा हिँडेको हिरोको कसैसँग प्रस्ट र सुखद सम्बन्ध छैन । पात्रको कामअनुसारको मनोदशा र सम्बन्धलाई निर्देशकले राम्ररी स्थापित गरेका छन् । फिल्म नै हिरोको कन्फेसनबाट सुरु हुने भएकाले यो परम्परागत अर्थमा बुझिने हिरो नभई गल्ती गर्ने मान्छे हो भन्ने पनि बुझिन्छ ।
फिल्मका निर्मातासमेत रहेका जोन अब्राहम 'ह्यान्डसम हिरो' मानिए पनि एकदमै राम्रो अभिनेता मानिँदैनन् । उनलाई एउटै मात्र 'एक्सप्रेसन' भएको हिरो पनि भनिन्छ । निर्देशकले जोनका एकदम धेरै 'क्लोजअप' र 'इमोसनल सिन' राखेका छैनन् । यसो गर्दा उनको कथा बिगि्रएको छैन । फिल्मका दुवै हिरोइन पनि औसत अभिनेत्री हुन् । उनले यिनलाई पनि धेरै 'फुटेज दिएका छैनन् ।' छोटो भूमिकामा आउने कलाकारको उपयोग राम्रोसँग गरेका छन् । श्रीलंकाको लोकेसन, युद्धको फैलावट र आतंक देखिने गरी लङ सटको राम्रो उपयोग गरेका छन् ।
उनको अर्को चलाखी श्रीलंकाको गृहयुद्धको कथा भए पनि कथामा श्रीलंका सरकारको पक्षको कुनै उपस्थिति छैन । यस्तो लाग्छ, मानौं, युद्धको एउटा पक्षमा भारत छ अर्कोमा लिट्टे ! यसलाई फिल्मको कमजोरी पनि मान्न सकिन्छ । सिनेम्याटोग्राफीबाहेक फिल्मको प्रशंसायोग्य पक्ष यसको संगीत हो । सान्तनु मोयत्राको पाश्र्व संगीतले फिल्मको मुड र 'अप-डाउन' लाई बाँधेर राखिदिन्छ । यो फिल्म हेर्दा दस वर्षसम्म चलेको द्वन्द्व र त्यसपछिका राजनीतिक खिचातानीमा भारतको भूमिका, अझै यस्ता जासुसहरूको भूमिका कस्तो थियो होला भन्ने प्रश्न पनि उब्जिन्छ । कुनै दिन नेपाली फिल्ममेकरहरूले यसमा फिल्म बनाउन सक्छन् ।
'विकी डोनर' जस्तो सामाजिक विषयको कमेडी फिल्म बनाएर दर्शकको मन जितेका सुजित सरकारको यो फिल्मको पहिलो दिनको व्यापार राम्रो नभए पनि विस्तारै व्यापार बढेको छ । यो राम्राे फिल्मको एउटा लक्षण हो । जसले विस्तारै 'माउथ पब्लिसिटी' बाटै दर्शक कमाउँछ । र, कमेडीपछि थि्रलर पनि राम्रो बनाएर सुजित सरकारले एउटा 'जनरा' मा राम्रो फिल्म बनाउने निर्देशकले अर्कोमा पनि राम्राे बनाउन सक्छ भन्ने देखाइदिएका छन् ।

काठमाडौ, भाद्र १५ - चर्चित पप गायिका साकिराले आफ्नो जन्मथलो कोलम्बियाका सडक बालबालिकाहरूका लागि नयाँ योजना सार्वजनिक गरेकी छिन्।

साकिराले एउटा फाउन्डेसनमार्फत आफ्नो देशका विभिन्न ग्रामीण क्षेत्रमा ६ वटा विद्यालय निर्माण गर्ने छिन् जसमा अभिभावकविहीन बालबालिकाहरूले अध्ययन गर्न सक्नेछन्।

साकिराले आफ्नो बाल्यकाल दुःखका साथ बिताएको स्मरण गर्दै पैसाको अभावलाई नजिकबाट नियालेकाले अहिले आफू सक्षम भएपछि आफ्नो देशमा समाजसेवालाई निरन्तरता दिएको बताएकी छिन्।

काठमाडौ, भाद्र १५ - उच्चस्तरीय राजनीतिक समितिले उपेन्द्र यादव नेतृत्वको सङ्घीय लोकतान्त्रिक मोर्चासँग भएको सहमतिबारे राष्ट्रपति रामवरण यादव र मन्त्रिपरिषद्का अध्यक्ष खिलराज रेग्मीलाई आज औपचारिक जानकारी गराएको छ । समितिले सहमतिको पत्रसमेत बुझाएको छ ।
राष्ट्रपति यादवलाई राष्ट्रपति भवन र अध्यक्ष रेग्मीलाई बालुवाटारमा बेग्लाबेग्लै भेटेर समितिमा आबद्ध पाँचै दलका शीर्ष नेताले सङ्घीय लोकतान्त्रिक मोर्चासँग भएको सहमतिको औपचारिक जानकारी गराएका हुन् । सो भेटमा सङ्घीय समाजवादी मोर्चासँग भएको वार्ताको प्रगति तथा नेकपा–माओवादी नेतृत्वको ३३ दलीय मोर्चासँग पनि वार्ताको ढोका खुल्लै राखिएकाबारे जानकारी गराएको थियो ।
   
“राजनीतिक दलका मोर्चासँग अहिलेसम्म भएका सहमतिबारे राष्ट्रपति र मन्त्रिपरिषद्का अध्यक्षलाई सहमतिपत्र बुझाएका छौँ,” राष्ट्रपतिसँग भएको भेटपछि नेपाली काँग्रेस केन्द्रीय सदस्य डा मीनेन्द्र रिजालले भने ।
उनले अशोक राई नेतृत्वको सङ्घीय मोर्चासँग भएको वार्तामा विश्वास र भरोसा बढेको भन्दै कोही पनि निर्वाचनबाट बाहिर रहन नदिन मोहन वैद्य नेतृत्वको मोर्चासँग पनि वार्ताको ढोका खुला राखिएको बताए  ।
“त्यसपछि कसरी कानुनी प्रक्रियालगायतका विषयमा अघि बढ्ने भन्नेमा ध्यान केन्द्रित हुनेछ,” डा रिजालले बताए ।    
   
उच्चस्तरीय राजनीतिक समितिको शुक्रबार नयाँ बानेश्वरमा बसेको बैठकले उपेन्द्र यादव नेतृत्वको मोर्चासँग भएको सहमतिको निर्णयलाई राष्ट्रपति र मन्त्रिपरिषद् अध्यक्षलाई बुझाउने निर्णय गरेको थियो ।
सो बैठकले निर्वाचन सम्बन्धमा असन्तुष्ट नेकपा–माओवादी नेतृत्वको ३३ दलीय मोर्चा र सङ्घीय समाजवादी पार्टीसँग भएको वार्ताको समीक्षा गर्दै यादव नेतृत्वको मोर्चासँग भएको सहमतिको वैधानिकताको प्रक्रियालाई अघि बढाउनको लागि राष्ट्रपति र मन्त्रिपरिषद् अध्यक्षलाई भेट्ने निर्णय गरेको थियो ।
उच्चस्तरीय राजनीतिक समितिले उपेन्द्र यादव नेतृत्वको मोर्चासँग समानुपातिकको २४० को सिट सङ्ख्या बढाएर ३३५ र मन्त्रिपरिषद्बाट मनोनीत ११ लाई १० पु¥याउने सहमति गरेको थियो । सहमतिअनुसार संविधानसभाको कुल सङ्ख्या ५८५ हुनेछ ।
   
गएको फागुन ३० गते प्रमुख राजनीतिक दलहरुबीच भएको सहमतिमा भने समानुपातिक र प्रत्यक्षतर्फ २४०÷२४० र मन्त्रिपरिषद्बाट ११ जना मनोनीत गर्ने सहमति भएर  २५ बुँदे बाधा अड्काउ फुकाउ आदेश जारी भएको थियो ।
   
अब नयाँ सहमति कार्यान्वयन गर्न २५ बुँदे बाधा अड्काउ फुकाउ आदेश संशोधन गर्नुपर्ने भएकाले उच्चस्तरीय समितिले सो बारेमा समितिमा छलफल अघि बढाउनुका साथै राष्ट्रपति र मन्त्रिपरिषद्का अध्यक्षलाई पछिल्लो सहमतिबारे अवगत गराएको हो ।
काँग्रेस केन्द्रीय सदस्य डा रिजालले सरकार, राजनीतिक दल र निर्वाचन आयोगले निर्वाचनको तयारी गरिरहेको र असन्तुष्ट पक्षसँग पनि वार्तालाई जारी राखेर सहमतिको प्रयास निरन्तर गरिने बताए ।  असन्तुष्ट दलसँग वार्ता गर्न समितिमा रहेका दलले एउटै धारणा बनाएर वार्तामा जाँदा सहज हुने भएकाले त्यसमा पनि ध्यान दिइएको उनले बताए । रासस

ललितपुर, भाद्र १५ - मधेशी जनअधिकार फोरम (लोकतान्त्रिक)का अध्यक्ष विजय गच्छदारले १० वर्षमा आफ्नो पार्टी मुलुककै ठूलो बन्ने दाबी गरेका छन् ।
पार्टी कार्यालय सानेपामा शनिवार पूर्व सभासद् राजकुमार नाल्मो लिम्बुलाई पार्टी प्रवेश गराउँदै गच्छदारले आफू ठूला पार्टीका नेताहरु प्रचण्ड, बाबुराम, शुसिल, देउवाभन्दा कुनै पनि विषयमा कम नभएको भन्दै पहिलो पार्टी बनाएर देखाईदिने बताए ।
'कांग्रेसमा छँदा देउवालाई दुई पटक मैंले नै प्रधानमन्त्री बनाएँ' उनले भने, 'अहिले प्रचण्ड, बाबुरामबाट धेरै कुरा सिकेको छु, अबको १० वर्षमा मेरो पार्टी पहिलो हुनेछ, त्यो अस्वभाविक होइन ।' आफ्नो पार्टी मधेश र मधेशका जनताको मात्रै नभएको भन्दै उनले पहाड र हिमाली जिल्लाका व्यक्तिहरु पनि आकषिर्त भईरहेको उल्लेख गरे ।
'पहाड र हिमाली क्षेत्रका वासिन्दाहरु एमाले, कांग्रेस छाडेर हामीकहाँ आईरहेका छन्' उनले सुनाए, 'एमाओवादी, एमाले र कांग्रेसहरु असफल भए, उनीहरुलाई अब हामी सेफ ल्याण्डिङ गराउँछौं ।' आगामी निर्वाचनमा २ सय ४० निर्वाचन क्षेत्रमध्ये आफ्नो पार्टीले २ सय वटा क्षेत्रमा उम्मेदवार खडा गर्ने उनले जनाए । आइतबारदेखि विराटनगरमा हुने पार्टीको सम्मेलनमा ५० वटा जिल्लामा प्रत्यक्षमा खडा गर्ने उम्मेदवारबारे बहस हुने उनले बताए । देशभरबाट करिब ५ सय जना सहभागी हुने फोरम लोकतान्त्रिकले बताएको छ ।

मुम्बई (एजेन्सी), भाद्र १३ - 
'चेन्नई एक्सप्रेस' ले दर्शकको चित्त बुझाओस्/नबुझाओस्, बक्स अफिसमा गरेको कारोबारले फिल्म युनिटको चित्त भने मजैले बुझाएको छ । त्यसैले त फिल्मका नायक शाहरुख खानमा हिजोआज कन्पिmडेन्ट पावर बढेको छ । बिग बजेट फिल्म 'रा.वन' डब्बा भएपछि नैतिक रूपमा कमजोर बनेका शाहरुखलाई चेन्नईको रेकर्ड्ससहितको कमाइले अलिकति घमण्डी पनि बनायो कि ?
शाहरुखले हालै आफ्नी छोरीलाई ब्वाइप|mेन्ड आफूजस्तै भलाद्मी खोज्न सुझाएका छन् । 'प्रेम गर्नका लागि म असल मान्छे हुँ । म एकदमै उचित, मायालु, शिक्षित र ध्यान दिने खालको छु,' ४७ वषर्ीय शाहरुखले १३ वषर्ीया छोरी सुहानालाई भनेको कुरा सुनाए, 'म मेरी छोरीलाई अक्सर भन्ने गर्छु कि यदि उनी प्रेमीको खोजीमा छिन् भने मेरो कहिलेकाहीं उठ्ने रिसबाहेक मजस्तै खोजून् ।' केही महिनाअघि मात्रै सरोगेट मदरबाट तेस्रो सन्तान अबरामको अभिभावक बनेका शाहरुखले माहिली छोरीको प्रेमी कस्तो होला भनेर अहिल्यैदेखि चिन्ता जाहेर गर्न थालेका हुन् । त्यसो त उनले उक्त टिप्स छोरीका लागि मात्रै नभई सबै युवतीका लागि पनि उपयोगी हुने जिकिर गरे । भने, 'यदि यो कुरा म आफ्नो छोरीलाई भन्न सक्छु भने अरू सबै युवतीका लागि पनि भन्न सक्छु ।' आमाको निधनपछि सन् १९९१ मा इस्लाम धर्म मान्ने शाहरुखले हिन्दु युवती गौरीलाई बिहे गरेका थिए । त्यसयता दुईको जोडीलाई बलिउडमा नमुनाका रूपमा समेत व्याख्या गरिन्छ ।
शाहरुखलाई बलिउडका सबैभन्दा सफल लभरब्वाई पनि मानिन्छ । उनका 'दिलवाले दुल्हनियाँ ले जाएगें', 'दिल तो पागल हे', 'कल हो ना हो', 'कुछ कुछ होता है', 'देवदास' लगायत लभस्टोरी फिल्म ब्लकबस्टर्स हिट भएका छन् । दीपिका पादुकोणसँगको जोडीमा आएको उनको पछिल्लो फिल्म 'चेन्नाई एक्सप्रेस' ले भने देशभित्र दुई सय करोड भारुको सीमा पार गर्दै समग्रमा सर्वाधिक कमाइ गर्ने बलिउड फिल्ममा दरिएको छ ।

नयाँ दिल्ली, भाद्र १४ - 
कीर्ते राहदानी प्रयोग गर्दै दिल्लीबाट कुवेत उड्न लागेका झापा लक्ष्मीपुरका तीन महिला पहाडगंजको एक गेष्ट हाउसमा फेला परेका छन् ।
लक्ष्मीपुरकी ३५ बर्षीया धनमाया किस्कु, २२ बर्षीया मालती आस्था र ४० बर्षीया शोभा हेमरोङ कुवेत जाने भन्दै २५ दिनअघि काँकडभिट्टा-सिलिगुढीबाट दिल्ली आएका हुन् । धनमाया र मालतीले साथैमा आएकी गाउँले छिमेकी शोभा हेमरोङले यहाँ ल्याएको बताइरहेका छन् भने शोभाले सबैजना आफैं आएको बताइन् । यीमध्ये मालती रसुवा धुन्चेकी छिरिङ मेन्दु गुरुङका नाममा र धनमाया चितवनकी सरस्वती क्षेत्रीका नाममा रहेको पासपोर्टमा कुवेत उड्ने तयारी गरिरहेका थिए ।
पहाडगंजस्थित संस्था हेल्प नेपाली मिसनका प्रतिनिधिले स्थानीय बजरंग गेष्ट हाउसमा सम्पर्क गर्दा यी महिला भेटिएका थिए । 'झापा गाउँकै मेरो धर्मभाइ बिष्णु भट्टराईले हामीलाई कुवेत लैजाने भनेका छन्,'शोभाले भनिन्,'मैंले कसैलाई ललाइफकाई गरेको छैन् ।' तीनै महिलासँग आफ्नो नागरिकता र अरु कुनै परिचयपत्रसमेत छैन । बिगतमा एकपटक साउदी अरेबिया गएर छोटो समयमैं फिरेकी शोभाले आफूहरुलाई विदेश जाँदा हुने फाइदाको प्रलोभन देखाएर यहाँसम्म ल्याएको धनमाया र मालतीले हेल्प मिसनसमक्ष बयान दिएका थिए ।
मिसनका अध्यक्ष कवि कार्कीका अनुसार तीनै महिलालाई बिहीबार दिल्लीस्थित नेपाली दुतावासमा लगेर बुझाइएको छ । दुतावासले झापा जिल्ला प्रशासनसाग समन्वय गरेर यी महिलालाई गाउँ फर्काउने भएको छ ।
दुतावासका अधिकारीले हस्तलिखित पासपोर्टको दुरुपयोग गरेर मानव तस्करी गर्ने क्रम उत्तिकै रहेको र यसबारेका घटनाहरु दुतावासको जानकारीमा रहेको बताए । केही अघि मात्रै भारत पश्चिम बंगाल बागडोग्राकी एक युवती बिराटनगरकी प्रमिला थापाको पासपोर्टमा जोर्डन पुगेकी थिइन् । नक्कली पासपोर्ट र श्रम स्टिकरका भरमा जोर्डन पुगेपनि त्यहाँको अध्यागमनमा पक्राउ गरेर दिल्ली फिर्ता गरिएको थियो । 'हस्तलिखित राहदानीमाथि पूर्णतया बन्देज नलगाइन्जेल यस्तो समस्या यथावत रहने छ भनेर हामीले परराष्ट्रलाई अवगत गराइसकेका छौं,'ती अधिकारीले भने,'तर सुनुवाइ हुन सकेको छैन

काठमाडौ, भाद्र १४ - सार्क राष्ट्रका अर्थमन्त्रीहरुको छैटौं बैठक श्रीलंकाको कोलम्बोमा सुरु भएको छ । बैठकमा नेपाल, भारत, पाकिस्तान, श्रीलंका, बंगलादेश, भुटान, माल्दिभ्स र अफगानिस्तानका अर्थमन्त्रीहरुको सहभागिता छ ।
सातै देशका अर्थमन्त्रीहरुले सामूहिक रुपमा पानसमा बत्ती बालेर बैठकको उद्घाटन गरेका थिए । बैठक उद्घाटन सत्रलाई सम्बोधन गर्दै आयोजक राष्ट्र श्रीलंकाका वरिष्ठ अन्तर्राष्टिय अनुगमन सहायता तथा अर्थ र योजना उपमन्त्री डा. सरथ अमुगामाले  आपसी सम्बन्ध सुदृढ गर्ने मात्र नभई संगठित आतंकवादलाई पराजित गर्न सार्क राष्ट्रबीच दरिलो एकता आवश्यक भएकोमा जोड दिए ।
सार्क सचिवालयका महासचिव अहमद सलिमले विश्व अर्थतन्त्रमा आएको परिवर्तन अनुसार सार्क सदस्य राष्ट्रले पनि समीक्षा गर्नुपर्ने खाँचो औंल्याए ।
बैठकमा दक्षिण एशिया क्षेत्रमा दीर्घकालिन वित्तिय पूाजी लगानीका लागि प्रवाह बढाउने उपायको खोजी हुनेछ । यसैगरी बैठकले लगानी प्रवर्द्धन र सुरक्षा सम्बन्धी मस्यौदालाई अन्तिम रुप दिनेछ । विश्वले झेलिरहेको वित्तिय संकटबाट यसक्षेत्रलाई कसरी सुरक्षित राख्ने भन्ने विषयमा पनि अर्थमन्त्रीहरुले छलफल गर्ने बताइएको छ । 
सार्क राष्टका अर्थमन्त्रीहरुले आजै श्रीलंका राष्ट्रपति महिन्द्रा राजापाक्षसंग सामूहिक शिष्टाचार भेट गरेका छन् । सो अवसरमा राष्ट्रपति राजापाक्षेले विश्व मञ्चमा सार्क सदस्यहरुका एउटै स्वर हुनुपर्ने बताए । उनले यसक्षेत्रका जनताको जीवनस्तर उकास्न सार्कका भावी कार्यदिशा लक्षित हुनुपर्ने खाँचो औंल्याए । नेपालको तर्फबाट अर्थमन्त्री शंकरप्रसाद कोइरालाले नेतृत्व गरेको टोलीमा अर्थ सचिव शान्तराज सुवेदी, श्रीलंकाका लागि नेपाली राजदूत सुशीलचन्द्र अमात्य, अर्थ मन्त्रालय वैदेशिक महाशाखा प्रमुख मधु मरासिनी, परराष्ट मन्त्रालयका मणिरत्न शर्मा, कैलाश पोखरेल र रामसिंह थापा सहभागी छन् । सार्क अर्थमन्त्री स्तरीय सातौं बैठक अर्को वर्षमा नेपालमा बस्ने यसअघि नै तय भइसकेको छ ।

भनिन्छ दाँत बलियो भएमात्र आँत बलियो हुन्छ । दाँत कमजोर भयो भने त्यसले सरीरको सम्पूर्ण स्वास्थ्य, खासगरी पाचन प्रणालीमा नकारात्मक असर पूराउँछ । दाँतको अभावमा मानिसले जतिधेरै पौष्टिक तत्वले भरिएका भएपनि अलि कडा चिज खानै सक्दैन ।

त्यसैले दाँत बिनाको जिन्दगी जिउनु निकै गाह्रो हुन्छ । त्यसैले दाँत मजबुत हुनु र स्वस्थ हुनु मानिसको स्वास्थ्यका लागि अति महत्वपूर्ण हुन्छ । दाँतलाई स्वस्थ र मजबुत बनाउन नियमित दाँत माझ्ने, दाँतको सुरक्षामा ध्यान दिने गर्नुका साथै स्वस्थ भोजनमा पनि ध्यान दिनु आवश्यक हुन्छ । हामीले यहाँ केही त्यस्ता भोजनको नाम प्रस्तुत गरेका छौँ जसको सेवनले दाँतलाई चम्किलो तथा स्वस्थ बनाउन मद्दत गर्छ :
१.सोँफ अर्थास सम्फो – खाना वा खाजा खाइसकेपछि अलिकति भएपनि सोँफ चपाउनु दाँत तथा पाचन प्रणालीका लागि लाभदायक मानिन्छ । यसले दाँतको प्राकृतिक ब्रसको काम पनि गर्छ ।
२. चीज- चीज तथा पनीर दाँतका लागि निकै लाभदायक हुन्छ । चीज वा पनीरमा प्रसस्त मात्रामा क्याल्सियम पाइन्छ जो दाँतलाई मजबुत बनाउन सहयोगी हुन्छ । यदि तपाइँको दाँत सड्न सुरु गरेको छ भने दिनहुँ चीजको एक टुक्रा खाने गर्नुहोस् । यसले दाँत सड्न रोक्नेछ ।
३. दाँत स्वस्थ राख्न प्रसस्त पानी पिउनु आवश्यक हुन्छ । यसले सरीरका विषाक्त तत्व बाहिर फाल्नुका साथै दाँत सड्न पनि रोक्दछ ।
४.चुइंगम- चुइंगम चपाउनु पनि दाँतका लागि लाभदायक हुन्छ । यसले दाँतका छिद्र तथा गिँजाको सफाइ गर्न मद्दत पूराउँछ र चपाइरहँदा दाँतको व्यायाम पनि हुन्छ । यद्यपि शुगर फ्री चुइंगम नभएमा त्यसले सरीरमा चीनीको मात्रा बढाउन सक्छ ।
५. किबी फल – किबी फल भिटामिन सी को निकै राम्रो श्रोत हो । यदि सरीरमा पर्याप्त भिटामिन सी भएमा कोलाजेन तत्वको स्तर पनि सन्तुलित हुन्छ । यसले दाँत र गिँजा मजबुत बनाउन मद्दत गर्छ ।
६.नाशपाती- नाशपाती एक रेशादार फल हो । यसको नियमित भोजनले दाँतलाई चम्किलो तथा सेतो बनाउन मद्दत गर्नुका साथै मजबुत समेत बनाउँछ ।
७. सुन्तलाको जुस-प्रतिदिन सुन्तलाको जुस पिउनाले शरीरमा भिटामिन सी तथा क्याल्सियम प्रसस्त मात्रामा पाइन्छ । यसले दाँत तथा हड्डीलाई मजबुत बनाउन तथा सरीरमा उर्जा प्रदान गर्न समेत मद्दत गर्छ ।
८.दुध-दिनहुँ कम्तिमा एक गिलास दुध पिउनु दाँतका लागि समेत निकै लाभदायी हुन्छ । दुधमा भरपूर मात्रामा क्याल्सियम तथा अन्य पौष्टिक तत्व समेत पाइन्छ जो दाँतको स्वास्थ्यका लागि महत्वपूर्ण हुन्छ ।
९.स्याउ-गिजालाई स्वस्थ तथा दाँतलाई मजबुत बनाउन दिनहुँ एक गेडा स्याउ निकै महत्वपूर्ण हुन्छ । स्याउ खानाले दाँत सफा समेत हुन्छ ब्याक्टेरियाको वृद्धि हुन पाउँदैन ।
१०.तिल-तिल चपाउनु पनि दाँतको लागि निकै लाभदायक हुन्छ । तिलमा क्याल्सियम प्रसस्त मात्रामा पाइन्छ । यसले दाँतलाई मजबुत बनाउनुका साथै यसलाई चपाउँदा दाँतका छिद्रमा जमेको फोहोर पनि हट्दछ ।

काठमाडौ, श्रावण १८ - प्रहरीले विष्फोटक पदार्थ बनाउने सामग्री सहित संयुक्त जातीय मुक्ति मोर्चाका व्यक्तिहरुलाई राजधानीबाट पक्राउ गरेको छ । २ वर्ष अगाडि बबरमहलमा उक्त मोर्चाले गराएको विष्फोटमा ३ जनाको ज्यान गएको थियो ।
महानगरी प्रहरी अपराध महाशाखाका प्रमुख एसएसपी विजयलाल कायस्थका अनुसार पक्राउ परेकाहरु विरेन्द्रकुमार तामाङ(उदयपुर), सुनबहादुर परियार(उदयपुर), निमा शेर्पा(रामेछाप), सन्तोष माझी-बारा) र भानीनाथ(कंचनपुर) रहेका छन् ।
उनीहरु बैद्ध, बालाजु र कपन क्षेत्रबाट पक्राउ परेका हुन् । उनीहरुको साथबाट बम बनाउन प्रयोग हुने पाइप, डेटोनेटर र सकेट बरामद भएको छ ।

रसुवा, श्रावण १८ - चार वर्षअघि हराएकी अमेरिकी युवती मारिएको खुलासा भएको छ । लाङटाङ पदयात्रामा गर्न सन् २०१० मा नेपाल आएकी २३ वर्षीया अवुरी कोरोलाईन साकोको लाङटाङ जाने पदयात्रामार्गको रिभरसाइड क्षेत्रमा हत्या गरिएको स्रोतले बताएको छ ।
हत्यापछि उनको शवलाई लाङटाङ खोलामा फालिएको हत्यामा संलग्न रहेका व्यक्तिले केन्द्रीय प्रहरी अनुसन्धान व्यूरोबाट खटिएका प्रहरीलाई बताएको स्रोतको दावी छ । उनको हत्या रिभर साइडरहेको ठाउँभन्दा केहीमाथि भएको हत्यामा संलग्नले बयान दिएको स्रोतले बताएको छ ।
हत्यामा संलग्न भएको आरोपमा लाङटाङका पेम्वा लामा र जगत तामाङलाई पक्राउ गरेको छ । पेम्बालाई व्युरोले बुधबार लाङटाङ लगेर हत्या भएको स्थान र संलग्न अरु व्यक्ति देखाउन लगाएको थियो । रिभर साइडभन्दा केहीमाथि ठूलो ढुंगानजिक लगेर हत्या गरी खोलामा फालेको बयान प्रहरीलाई दिएको स्रोतको भनाइ छ । उनीसंग रहेको पासपोर्ट र अन्य कागजपत्र पनि खोलामै फालिएको थियो ।
उनको साथमा रहेको क्यामेरा भने जगत तामाङले लगेका थिए । पेम्वा लामाको बयानको आधारमा लाङटाङकै ल्हाक्पा लोप्चनलाई पनि पक्राउ गरिएको छ । साकोलाई मार्ने योजनाकार लोप्चनले गरेको स्रोतको दावी छ । हत्याको योजना बनाएको लोप्चनले स्वीकारेका छन् ।
विदेशी पर्यटक हत्या र स्थानीय पक्राउ परेपछि लाङटाङमा रुवावासी चलेको छ । पर्यटक हत्याले स्थानीयमा लाङटाङमा पर्यटक नआउने हो कि भन्ने चिन्ताले गाउँ नै स्तव्ध भएको छ । शुक्रबार विहान साढे ५ बजे हत्यामा संलग्न देखिएका व्यक्तिको घर घेर्न स्थानीय जम्मा भएका थिए । हत्या गरिएकी साकोको लुगा लोप्चनको घरमा रहेको स्रोतको दावी छ । स्थानीयवासी पर्यटक हत्याको बारेमा कोही पनि बोल्न चाहेका छैनन् । हत्यामा संलग्न र प्रमाणहरु लिएर व्युरोका प्रहरी शुक्रबार धुन्चे आउँने भएका छन् । उनी २०१० को २१ अप्रिलमा स्याफ्रु लामा होटल घोडातबेला गएको स्थानीयले बताएका थिए । उनी गत २९ अप्रिलमा काठमाडौंबाट अमेरिका फकर्नु पर्थ्र्यो । उनी नफर्केपछि बाबु पावलले खोजी गर्न थालेका थिए । अबुरीले २० अप्रिलमा सदरमुकाम धुन्चेबाट अनलाईनमार्फत् बुवा पावललाई अन्तिम सम्पर्क गरेको परिवारले जनाएको थियो ।

न्युयोर्क, श्रावण १८ - पूर्व प्रधानमन्त्री एवं एमाले अध्यक्ष झलनाथ खनाल र संयुक्त राष्ट्रसंघका महासचिव वान की मुन बीच बिहीबार राष्ट्रसंघको मुख्यालयमा भेटवार्ता भएको छ । भेटमा बिशेषतः आगामी संविधान सभाको निर्वाचनमा बिषयमा चर्चा भएको थियो । भेटको सुरुवातमा पूर्व प्रधानमन्त्री खनालले आगामी निर्वाचनको महत्व बारे महासचिव मुनलाई जानकारी गराउँदै निर्वाचनको तयारी सन्तोषजनक रहेको दाबी समेत गरेका थिए । खनालको भनाई उदृत गर्दै सहभागीले भने 'निर्वाचनको तयारी सन्तोषजनक छ । चुनाव सम्पन्न गराउन हामी दृढ छौं ।' मुन समक्ष खनालले निर्वाचनका लागि छिमेकी मित्र राष्ट्रहरु एवं राष्ट्र संघ सहित अन्र्तराष्ट्रिय समुदायको सर्मथन र सदभावको प्रशंसा गरेका थिए ।  खनालले निर्वाचनको तयारी सम्बन्धी राजनीतिक, प्रावधिक र कानुनी पक्षहरुको बारेमा महासचिव मुनलाई जानकारी गराएका थिए ।
निर्वाचनमा नेकपा माओवादी लगायत ३३ घटकहरुको सहभागिताको संभावना शंकाकै घेरामा रहेको वर्तमान पृष्ठभूमिमा महासचिव मुनले चार दलीय उच्चस्तरीय राजनीतिक संयन्त्रले अन्य सबै राजनितीक दलहरुलाई पनि चुनावी प्रतिस्पर्धामा ल्याउनुपर्ने विचार व्यक्त गरेको ती सहभागीले बताए । नेपालको शान्ति प्रक्रिया र राजनीतिक उतार चढावलाई नजिक बाट नियालिरहेका मुनले प्रजातन्त्रमा निर्वाचनको महत्व बारे चर्चा गर्दै आगामी निर्वाचन शान्तिपुर्ण एवम व्यवधान बिना सम्पन्न हुने आशा व्यक्त गरेका थिए । एमाले अधयक्ष खनालले चारदलीय उच्चस्तरीय संयन्त्रले सबै राजनितीक पार्टीहरुलाई निर्वाचनमा सहभागी गराउने प्रयास गरिरहेको जानकारी गराए । भेटमा मुनले राष्ट्रसंघीय शान्ति मिसनमा नेपालको सहभागिता र कार्यको प्रशंसा गरेका थिए भने खनालले नेपालको शान्ति प्रक्रिया र अघिल्लो संविधान सभाको निर्वाचनमा राष्ट्र संघले खेलेको भूमिकाको लागि मुनलाई धन्यवाद ज्ञापन गरेका थिए ।
खनाल र मुनले सन २०११ मा टर्कीको ईस्तानाबुलमा सम्पन्न अति कम विकसित राष्ट्रहरुको चौथो सम्मेलनको स्मरण गर्दै नेपालको आर्थिक समृद्वि बारे चर्चा गरेका थिए । खनालले सन २०२२ सम्म नेपाल अति कम विकसित मुलुकको श्रेणी बाट माथि उठिसक्ने सरकारी निर्णय मुनलाई सुनाएका थिए । भेटमा लुम्बिनी विकास परियोजना बारे चर्चा भएको र खनालले मुनलाई लुम्बिनी भ्रमणको निम्तो दिएका थिए । सो अवसरमा एमाले नेता भिम रावल उपस्थिति थियो । अमेरिकामा रहेका एमाले सर्मथकहरुको संस्था प्रवासी नेपाली मंन्चको अधिवेशनका लागि एमाले अध्यक्ष खनाल बुधबार अमेरिका आएका हुन् । खनालले शनिबार अधिवेशनलाई सम्बोधन गर्ने कार्यक्रम रहेको आयोजक समितीका संन्जय थापाले ईकान्तिपुर लाई बताए ।

 सामसङले ग्यालेक्सी सिरिजका थप ३ नयाँ स्मार्टफोन बजारमा ल्याएको छ । ग्यालेक्सी मेगा, कोर पकेट नियो मोडलका ती सेट परक विशेषतायुक्त रहेको कम्पनीले जनाएको छ ।
ग्यालेक्सी मेगामा ५.८ जीबी र्‍याम १.४ गिगाहर्जको ड्युल कोर प्रोसेसर, ८ जीबीको इन्टरनल मेमोरी र ६४ जीबी एक्स्टर्नल मेमोरी  सपोर्ट गर्ने क्षमता छ । यसमा एन्ड्रोइड ४.२.२ जेलिविन अपरेटिङ सिस्टम छ । यसको मूल्य ४४ हजार रुपैयाँ छ ।

भारतीय एजेन्सी, श्रावण १६ - भारतीय टिभी रियालिटि शो 'बिग बोस' सिजन ७ मा सलमान खानले सर्वाधिक पारिश्रमिक लिने अभिनेता भएका छन् । अहिलेसम्म अन्य कलाकारहरुले पाएको  राशी भन्दा  उनले पाउने यो रकम अहिले सम्मकै बढी हो ।
भारतीय टिभी च्यानल कलर्सले यो रियालिटि शो पर्दशन गर्दै आएको छ ।  बिग बोस सिजन ७ कालागि प्रति श्रृखला पाँच  कोरोड भारतीय रुपैयाँ सलमानले पाउने छन् । २६ भागसम्म हुने उक्त शो सलमानलाई डबल रोलको भूमिकामा देख्न सकिनेछ । शोको पूरै श्रृखलामा देखिने उनी देवदूत र शैतानको अवतारको भूमिकामा छन् ।  यसकालागि सलमानले बिगबोस सिजन ७ बाट १ अर्ब ३० करोड भारतीय रकम लिने छन् ।
यसअघि बिग बोस सिजन ६ चलाई सकेका  खानले टिभी शो बाट ठूलो राशी पाउनेमा अमिताभ बच्चन, आमिर खान, शाहरुख खान, अक्षयकुमार, हृतिक रोशनलाई पछि पारेका छन् । ।  

काठमाडौं, श्रावण १८ - सरकार संविधानसभा निर्वाचन दुई चरणमा गर्दा बढी सुरक्षित हुने निष्कर्षमा पुगेको छ । प्रहरी, सशस्त्र प्रहरी, राष्ट्रिय अनुसन्धान विभाग (राअवि) का क्षेत्रीय सुरक्षा प्रमुखसहित तीन वटै निकायका प्रमुख र उच्चपदस्थ अधिकारीसँगको सोमबारको छलफलपछि सरकार यस्तो निष्कर्षमा पुगेको स्रोतले बतायो ।
एकै दिन निर्वाचन गर्दा ठूलो संख्यामा म्यादी प्रहरी भर्ना गर्नुपर्ने र त्यसो गर्दा राजनीतिक दलका कार्यकर्ता भर्ना भई पक्षपात हुनसक्ने भएकाले यस्तो निष्कर्ष निकालिएको हो । गृह मन्त्रालयले तयार पारेको एकीकृत चुनावी सुरक्षा योजनाको मस्यौदामा एकै चरणमा निर्वाचन गर्दा ७७ हजार म्यादी प्रहरी भर्ना गर्नुपर्ने उल्लेख छ । कति चरणमा निर्वाचन गर्ने भन्ने निर्णय भने तत्काल नगरिने भएको छ । उच्च स्रोतका अनुसार भदौ मसान्तसम्म चुनावी माहोल र चुनौतीबारे धेरै स्पष्ट भइसक्ने भएकाले त्यसपछि मात्रै कति चरणमा गर्ने भन्ने टुंगो गरिनेछ ।
'चुनाव पक्षधर मात्र होइन, चुनाव विरोधी दलका कार्यकर्तासमेत म्यादी प्रहरीका रूपमा घुसपैठ हुनसक्ने खतरा छ । विगतमा पनि योग्यता र अनुभवभन्दा दलका नेताको सिफारिसमा अधिकांश म्यादी प्रहरी भर्ना भएका थिए,' एक उच्चपदस्थ गृह अधिकारीले भने । एकै चरणमा गर्ने र म्यादी प्रहरी भर्ना गर्नुपर्ने अवस्थामा नेपाली सेना, प्रहरी, सशस्त्र र राअविका अवकाशप्राप्त कर्मचारीलाई प्राथमिकता दिनुपर्ने निष्कर्ष निकालिएको छ ।
दुई चरणमा गरेको अवस्थामा महत्त्वपूर्ण स्थलको सुरक्षा सेनालाई दिूदा प्रहरी र सशस्त्रकै करिब ७० हजार सुरक्षाकर्मी परिचालन गर्न सकिने र बहालवाला सुरक्षाकर्मीले जागिरकै लागि भए पनि कसैको पक्ष लिने सम्भावना न्यून हुने सुरक्षा अधिकृतहरूको भनाइ छ । सेनालाई महत्त्वपूर्ण स्थानबाहेक प्रहरी र सशस्त्र प्रहरी इकाईको समेत सुरक्षा गर्न लगाउन सकिने गृहको निष्कर्ष छ । जस्तो सय जना बराबर रहेको प्रहरी वा सशस्त्र इकाईको सुरक्षा सेनालाई दिएर प्रशासनिक कामका लागि १० देखि २० जनासम्म मात्र इकाईमा राखी ८० देखि ९० जनासम्मलाई निर्वाचन प्रयोजनमा खटाउन सकिन्छ । 
गृहमन्त्री माधवप्रसाद घिमिरेले निर्वाचनका लागि बाह्य परिस्थिति एकदमै अनुकूल भएकाले प्रतिकूल घरेलु परिस्थितिलाई अनुकूलतामा प्रयोग गर्नुपर्ने बताएका थिए । उनले सोहीअनुरूप काम गर्न सुरक्षा निकायलाई निर्देशनसमेत दिएका छन् । 'दुवै छिमेकी र अन्तर्राष्ट्रिय समुदाय जसरी पनि मंसिरमै निर्वाचन हुनुपर्छ भन्नेमा छन् र त्यसका लागि जस्तोसुकै सहयोग गर्न तयार छन्,' गृहमन्त्रीको भनाइ उद्धृत गर्दै स्रोतले भन्यो, 'अब घरेलु प्रतिकूलतालाई अनुकूलतामा बदलेर निर्वाचन सफल पार्नु हाम्रो दायित्व हो ।'
निर्वाचनका लागि घरेलु प्रतिकूलतामा निर्वाचन बिथोल्ने घोषणा गरेको नेकपा-माओवादी र अन्य असन्तुष्ट दल तथा समूह प्रमुख कारण रहेको सरकारी बुझाइ छ । चुनाव हुनुपर्छ भनिरहेका प्रमुख दलकै अस्पष्ट अडान घरेलु प्रतिकूलताको अर्को कारण हो ।
उच्चस्तरीय राजनीतिक समितिमा भएकाले मंसिरमै निर्वाचन हुनुपर्छ भने पनि विभाजित अवस्थामा रहेकाले एमाओवादी र संयुक्त लोकतान्त्रिक मधेसी मोर्चाआवद्ध दलले ढुलमुले नीति लिएको सुरक्षा अधिकृतको बुझाइ छ । मोर्चासम्बद्ध दलले पूर्वसहमतिविपरीत बुधबार मात्रै समानुपातिकको अनुपात बढाउनुपर्ने, मतदाता नामावली दर्ता अवधि एक महिना थप्नुपर्ने माग राखेका छन् । आयोगले भने ती मागको सुनुवाइ नगर्ने संकेत गरेको छ । उसले बिहीबारमात्रै निर्वाचनसम्बन्धी विस्तृत कार्यतालिका सार्वजनिक गरेको छ ।
'धेरै संख्यामा विभाजित भएकाले अधिकांश मधेसवादी दल निर्वाचनमा जान हिच्किचाएका छन् । एमाओवादी नेतृत्व पनि नेकपामाओवादीलाई फकाउने कसरतमा छ,' राअविका एक उच्चपदस्थ अधिकारीले भने, 'सम्भावित एकताका लागि मंसिरसम्मको समय अपर्याप्त हुन्छ कि भन्ने दुवैको बुझाइ छ ।' बाह्य पक्षले पनि बढीभन्दा बढी मधेसवादी दलबीच एकता होस भन्ने चाहेको र दबाव दिन सशस्त्र समूहलाई समेत एकत्रित गरी कारबाही बढाएको राअविको निष्कर्ष छ ।
सशस्त्र समूहलाई निर्वाचनको विरोध गर्न लगाएर मूलधारका दललाई एक ठाउँमा ल्याउने रणनीति बाह्‍य पक्षले लिएको राअवि अधिकारीहरूले उल्लेख गरेका थिए । केहि दिनअघि मधेसी जनअधिकार फोरमका स्थानीय नेतामाथि गोली प्रहारको प्रसंग निकाल्दै ती राअवि अधिकृतले भने, 'चुनाव बिथोल्ने भनेको सशस्त्र समूहले यथास्थितिमा निर्वाचनमा सहभागी हुन नसक्ने बताइरहेको उपेन्द्र यादव नेतृत्वको फोरमका नेतामाथि नै किन गोली प्रहार भयो ? चुनाव बिथोल्छु भन्नेको निसाना त चुनाव गर्नुपर्छ भन्नेमाथि हुनुपर्ने हो ।' फोरमलाई पनि निर्वाचनमा जान दबाब दिन र बढीभन्दा बढी मधेसवादी दललाई मिलेर जान दबाब दिन त्यस किसिमको कारबाही भएको राअविको निष्कर्ष छ ।

काठमाडौ, श्रावण १८ - संघीय लोकतान्त्रिक गणतान्त्रिक गठबन्धन का दलले चुनावमा एकअर्कालाई सहयोग गर्ने निर्णय गरेका छन् । एमाओवादी कार्यालयमा बिहीबार भएको गठबन्धनले यस्तो निर्णय लिएको हो ।
सद्‍भावनाले गठबन्धनबाट अलग भएको बताइरहेकै बेला बैठकले निर्वाचनसम्म एकतालाई कायम राख्ने निर्णय गरेको एमाओवादी नेता नारायणकाजी श्रेष्ठले बताए । 'निर्वाचनसम्म एकता कायम राख्दै एकअर्कालाई सहयोग गर्ने निर्णय भएको छ,' उनले भने, 'निर्वाचन गर्न वातावरण बनाउन जोड दिइनेछ ।'
पहिचानसहितको संघीयतामा सहमत दलहरू निर्वाचनमा साझा घोषणापत्र र उम्मेदवार बनाउने बताए पनि पछिल्लोपटक भने एकअर्कालाई सहयोग गर्ने जनाएका छन् । 'एजेन्डा मिल्ने दलका उम्मेदवारलाई जिताउन सहयोग गर्ने उद्देश्य हो' उनले भने, 'संघीयताविरोधी विरुद्ध उत्रने कुरा पनि भएको छ ।' 
निर्वाचनमा तालमेल गर्नेबारे भने गठबन्धनका दलहरू टुंगोमा भने पुगेका छैनन् । 'मिल्न सक्ने ठाउँमा तालमेल गरेर जान्छौं' गठबन्धनका प्रवक्ता प्रेमबहादुर सिंहले भने, 'नमिल्ने ठाउँमा प्रतिस्पर्धा गरेर जान्छौं ।'
फोरम लोकतान्त्रिक अध्यक्ष विजयकुमार गच्छदारले पनि चुनावसम्म गठबन्धनलाई कायमै राख्ने निर्णय गरेको जानकारी दिए । गठबन्धनले नेकपा-माओवादी, मधेसी जनअधिकार फोरमलगायत आन्दोलनरत दललाई निर्वाचनमा आउन आग्रह गरेको छ ।
बैठकमा गच्छदारले मधेसी मोर्चाले निर्वाचनमा समानुपातिक प्रतिशत बढाउन गरेको निर्णयबारे जानकारी गराएका थिए । त्यसबारे गठबन्धन संयोजक एमाओवादी अध्यक्ष पुष्पकमल दाहालले आन्दोलनरत दललाई सहभागी गराउन तिनका मागबारे छलफल गर्न सकिने बताएका थिए । मधेसीदलहरू समानुपातिक प्रतिशत ५० भन्दा बढाउनुपर्ने माग गर्दै आएका छन् । एमाओवादीले यसमा छलफल गरी आन्दोलनरत दललाई सहभागी गराउने वातावरण बनाउनुपर्ने बताउँदै आएको छ ।
बैठकमा तराई मधेस लोकतान्त्रिक र सद्भावना पार्टीका नेताहरू भने सहभागी थिएनन् । एमाओवादी नेता श्रेष्ठले तमलोपा र सद्भावना पनि गठबन्धनमै भएको
दाबी गरे ।

दोहा (कतार), श्रावण १८ - वैदेशिक रोजगारका लागि कुबेत आएका तीन नेपाली कामदारको सडक दुर्घटनामा परी ज्यान गएको छ भने एकको हत्या भएको छ । 
कुबेतस्थित नेपाली राजदूत मधुवन पौडेलका अनुसार जुलाई ३० को राति अरेबियन गल्फ स्ट्रिटको मरिना मलनजिकै बाटो काट्ने क्रममा सवारीले ठक्कर दिँदा तीन नेपालीको मृत्यु भएको हो । घटनामा अर्का एक गम्भीर घाइते छन् । मृत्यु हुनेमा मदनपोखरा पाल्पाका विष्णुबहादुर मश्ररंगी, खुदुनाबारी झापाका झरेन्द्रप्रसाद आचार्य, पुरान्धारा दाङका भूपाल ओली हुन् । घाइते हुने पुरान्धारा दाङका वीरबहादुर गाहाको उपचार जारी छ । उनीहरू तीनै जना बुधाई गु्रपअन्तर्गत अल एन्जानमा रेस्टुरेन्टमा काम गर्थे । 'नपाउने स्थानबाटै बाटो काट्दा तीव्र गतिमा आएको सवारी साधनले ठक्ठर दिँदा उनीहरूको घटनास्थलमै ज्यान गयो,' राजदूत पौडेलले भने, 'उनीहरू ड्युटी सकेर घुम्न निस्केका रहेछन् ।' दूतावासले पीडित परिवारलाई जानकारी दिन काठमाडौंस्थित परराष्ट्र मन्त्रालयमा जानकारी दिइसकेको जनाएको छ । क्षतिपूर्तिका लागिसमेत आवश्यक पहल गर्ने उनले बताए । उनीहरू काठमाडौंस्थित रिभर ओभरसिजबाट कुबेत आएका हुन् । तीन जना डेढ वर्ष पहिले र पाल्पाका विष्णुबहादुर २८ दिनअघि आएका हुन् । यसैबीच घरमा काम गर्ने महोत्तरीका लालबाबु यादवको गत शुक्रबार हत्या भएको
छ । हत्या अभियोगमा प्रहरीले सहकर्मी एक सुडानी नागरिकलाई पक्राउ गरेको छ । 'सुडानी र यादव एउटै घरमा काम गर्थे, अरू नभएका बेला विवाद हँुदा सुडानीबाट हत्या भएको जानकारीमा आएको छ,' पौडेलले भने ।

अमेरिकी वैज्ञानिकहरु मानव कोषबाट कृत्रिम कानको विकाश गर्न सफल भएका छन् । सेल इन्जिनियरिङ क्षेत्रमा प्राप्त यो नविन उपलब्धी सँगै अब मानिस तथा जनावरको कोष प्रयोग गरी मानिसको कान तयार पार्न सकिने बताइएको छ ।
म्यासाच्युसेट्स जनरल हस्पिटलका शोधकर्ताहरुका अनुसार कृत्रिम रुपमा प्रयोगशालामा तयार पारिएको यो कानले पूरै रुपमा वास्तविक कानले जस्तै काम गर्न सक्छ ।
यो प्रविधिको माध्यमबाट भविष्यमा कान नभएका वा विभिन्न कारणले कान तथा श्रवण शक्ति गुमाएका मानिसहरुमा कानको प्रत्यारोपण सहित सुन्ने शक्ति समेत दिन सम्भव हुने दाबी वैज्ञानिकहरुको छ । मानिसको कोषबाट मात्र होइन भेँडाको सरीका कोषको प्रयोग गरेर पनि कृत्रिम कानको विकाश गर्न सकिने शोधकर्ताहरु बताउँछन् ।
कोषबाट मानिसको कानको विकाश गर्ने यस प्रविधिको अझै थप अनुसन्धान आवश्यक रहेको र ५ वर्षभित्रमा मानिसको सरीरमै प्रत्यारोपण गर्न सकिने कानको विकाश गर्न सकिने अपेक्षा वैज्ञानिकहरुको छ । स्मरण रहोस् वैज्ञानिकहरुले मानिसको कृत्रिम मृगौलाको विकाशका बारेमा पनि अनुसन्धान गरिरहेका छन् ।

यसैवीच राजनीतिक समितिका संयोजक समेत रहेका एमाओवादी अध्यक्ष प्रचण्डले विहीवार नै मन्त्रिपरिषद्का अध्यक्ष खिलराज रेग्मीसँग छलफल गर्नु भएको छ । रेग्मीको निवास बालुवाटारमा भएको भेटवार्तामा निर्वाचन प्रक्रियाका विषयमा कुराकानी भएको थियो ।
भेटमा अध्यक्ष रेग्मीले निर्वाचनको विपक्षमा रहेका दलहरुलाई सहमतिमा ल्याएर निर्वाचनलाई कसरी स्वच्छ, भयरहित र निष्पक्ष बनाउने भन्ने विषयमा जिज्ञासा राख्नुभएको थियो । जवाफमा अध्यक्ष प्रचण्डले चुनावको विपक्षमा रहेका दलहरुलाई सहमतिमा ल्याउन उच्चस्तरीय राजनीतिक समितिले छलफल गरिरहेको वताउनु भएको प्रचण्डका सहयोगी शीव खकुरेलले जानकारी दिनुभयो । प्रचण्डले निर्वाचनको विरोध गरिरहेका दलहरुलाई सहमतिमा ल्याएर निर्वाचनको वातावरण बनाउन आफू लागि परेको वताउनु भएको थियो ।

एकजोर जुत्ताको मूल्य कति पर्ला ? हजार, दुइ हजार पाँच हजार अर्थात् त्यो भन्दा केही बढि । तर के तपाइँले एकजोर जुत्ताको मूल्य झण्डै ३ करोड पर्छ भन्दा पत्याउनुहुन्छ – पत्याउने कुरै भएन । जाबो खुट्टामा लगाउने जुत्तालाई पनि के त्यति धेरै भाउ पर्ला र भन्ने हाम्रो सहज जवाफ हुन्छ । तर हामीले त्यसो भनेर के भो र ? विश्वमा साँच्चीकै ३ करोड मूल्य पर्ने जुत्ता पनि बनाइएका छन् र यस्ता जुत्ता लगाउने मान्छे पनि यहीँ धर्तीमै छन् ।

इटालीका हाइ हिल जुत्ताका डिजाइनर अल्बटरे मोरातीले विश्वमै पहिलोपटक यस्तो जुत्ताको डिजाइन गरेका हुन् जुन २४ क्यारेट सुनबाट बनेको छ । उनले पुरुषका लागि लोर्फस जुत्ता र महिलाका लागि हाइ हिल बनाएका छन् । उनले दुइ वर्षघिबाट आफ्नो भाइसँग मिलेर आफ्नै नामको ब्राण्डबाट उक्त सुनका जुत्ताको निर्माण थालेका थिए । उनले बनाएका जुत्ता क्यामरुन दियाज देखि लिएर लेडी गागा जस्ता विश्व प्रसिद्ध सेल्रि्रेटीले समेत मन पराए ।
यी सुनौला जुत्ताको मूल्य २ करोड ८० लाख रुपैयाँबाट सुरु हुन्छ र डिजाइन तथा सुनको मात्रा हेरिकन त्यसभन्दा माथि पनि पर्छ । यो जुत्ता विश्वका केवल ५ वटा पसलमा मात्र पाइन्छ । लण्डनको हेरड्स, न्युयोर्कको बर्नेज, लस एन्जल्सको फ्रेड सिगल, हंगकंगको स्वेन्क र दुबइको लेबल सू मा ।
हुनत सुनको जुत्ता मात्र होइन, भारतमा एक जना मानिसले सुनको शर्ट नै लगाएको तथा हंगकंगमा सुनको ट्वाइलेट बनाइएको कुरा पनि समाचारमा आउने गरेको छ । यस्तै जापानमा अनुहारमा सुनको लेपन लगाएर गोल्ड फेसियल समेत गर्ने गरिन्छ, त्यसो गर्दा ५ सय डलर भए पुग्छ । एजेन्सी
9 Comments on “विश्वमा ५ वटा पसलमा मात्र

गैर कानुनी रुपमा अर्को देशमा गएर बसेको तथा विभिन्न अपराध गरेको आरोपमा विभिन्न देशबाट विदेशी नागरिकहरुलाई देश निकाला गरिएका खबर त सुन्ने गरिएकै हो । तर एक जना अभागीले भने कुनै अपराध नगरिकनै विदेश छाड्नु परेको छ । विचरा ती अभागीका लागि आफु मोटाउनु नै उनले गरेको अपराध भयो ।
हो, बढि मोटो भएको आरोपमा एक दक्षिण अफि्रकी नागरिकलाई न्युजिल्याण्डले देश निकाला गरेको छ । ६ वर्षअघिदेखि न्युजिल्याण्डको क्राइस्टचर्च सहरमा बस्दै आएका अल्बर्ट बुटेनहुइसलाई न्युजिल्याण्ड सरकारले देश निकाला गर्ने निर्णय गरेको हो ।
१३० किलो तौल भएका अल्बर्ट आफ्नो देशमा बस्नका लागि योग्य नभएको निष्कर्ष न्युजिल्याण्ड सरकारको छ । सन् २००७ मा श्रीमती सहित न्युजिल्याण्ड आएका अल्बर्टको तौल सुरुमा १६० किलो थियो । उनले यो ६ वर्षमा आफ्नो तौल घटाएर १३० किलोमा झारेका थिए । तरपनि त्यो घटाएको तौल उनलाई न्युजिल्याण्डमा बस्न दिनका लागि पर्याप्त भएन ।
वर्किङ भिषामा न्युजिल्याण्डमा काम गर्दै आएका अल्बर्टले होटलमा खाना पकाउने काम गर्दै आएका थिए । ५ वर्षसम्म उनको भिषा नविकरण गर्न उनको वजनले छेकेन तर गत मे मा उनीहरु भिषा नविकरणका लागि अध्यागमन विभागमा जाँदा त्यहाँका अधिकारीहरुले अल्बर्ट बढि मोटो भएको भन्दै उनको भिषा नविकरण गर्न नसकिने बताए ।
१६० किलो तौलको हुँदा भिषा पाएका अल्बर्टले अहिले ३० किलो तौल घटेको बेला भिषा नविकरण नहुनु र देश निकालामा पर्न बाध्य हुनु निकै आश्चर्यको कुरा भएको उनी श्रीमती बताउँछिन् । त्यसैले उनीहरुले अध्यागमन विभागको यस्तो निर्णय विरुद्द न्युजिल्याण्डको आप्रवासन मन्त्रालयमा अपिल गरेका छन् । अध्यागमन अधिकारीहरुका अनुसार उनको तौल बढि हुँदा त्यसले उनको स्वास्थ्य उपचारको खर्च बढ्ने र त्यसको भार न्युजिल्याण्ड सरकारमाथि पर्ने भएकाले उनको भिषा नविकरण नगरिएको हो ।
स्मरण रहोस् न्युजिल्याण्ड सबैभन्दा बढि मोटोपनाको दर रहेको विश्वको विकशित मुलुकमध्येको एक हो । जहाँ सयमा ३० जना मानिस मोटोपनाबाट पीडित छन् ।