काठमाडौं– नेपालले एसिसी वुमन्स प्रिमियर क्रिकेटको निराशाजनक यात्रा टुंग्याएको छ। थाइल्यान्डमा भइरहेको प्रतियोगितामा नेपाल सोमबार हङकङसँग ७ विकेटले पराजित भयो। एसियाली क्रिकेट परिषद् (एसिसी) ले पहिलोपल्ट आयोजना गरेको ४० ओभरको प्रतियोगितामा ६ राष्ट्र सहभागी हुँदा नेपाल चौथो भयो। सोमबारको हार नेपालको प्रतियोगिता तेस्रो हो।
नेपाल थाइल्यान्डसँग सजिलै ८ विकेट र चीनसँग ६९ रनले पराजित भएको थियो।
एसिसीले सन् २००७ मा पहिलोपल्ट महिला प्रतियोगिता आयोजना गरेदेखि सहभागी हुँदै आएको नेपालको दोस्रो कमजोर प्रदर्शन हो। २०११ मा कुवेतमा भएको एसिसी वुमन्स ट्वान्टी–२० च्याम्पियनसिपमा नेपाल चौथो नै भएको थियो। त्यतिखेर हङकङसँगै सेमिफाइनलमा ९ विकेटले पराजित भएको नेपालले चौथो स्थानको प्लेअफमा थाइल्यान्डलाई १३ रनले नतिजा सुम्पेको थियो।
चियाङमाइस्थित प्रेम ओभलमा टस जितेको नेपाल ३६.१ ओभरमा १ सय ३ रनमा अलआउट भयो। हङकङले २४ ओभरमै लक्ष्य पूरा गर्योम। लाइ वि किङले ४० रन बनाउँदै हङकङलाई सजिलो विजय दिलाए। उनले ३९ बल खेली ६ चौका प्रहार गरे। यिप स्जे वानले अविजित ३० रन बनाइन्। उनले ५२ बलको इनिङ्समा ३ चौका प्रहार गरिन्। नेपालबाट सीता रानामगरले २ र सोनु खड्काले १ विकेट लिए।
नेपालको सुरुआत राम्रो थिएन। नीरा राजोपाध्याय ३ रनमै आउट भइन्। सरिता मगरले खाता खोल्न सकिनन्। सीता १० र ममता थापा १२ रनमा पवेलियन फर्किए। सरस्वती चौधरी र कप्तान रुबिना क्षेत्रीले नेपालको इनिङ्स तान्ने प्रयास गरेका थिए। सरस्वतीले १६ र रुबिनाले २२ रन बनाए। रुबिनाले ३६ बल खेली ४ चौका प्रहार गरिन्। त्यसपछि ममता चौधरी १, तृष्णा सिंह ७, करुणा भण्डारी ८ र कविता गौतम १ रनमा आउट भए। हङकङबाट मारिना लामप्लोघले ४ र इशिता गिडवानीले ३ विकेट लिए।

६ फागुन, कञ्चनपुर । नविल बैंकको रकम लुट प्रकरण नबिल बैंक महेन्द्रनगर शाखाको २ करोड ३१ लाख रकम लुटपाटमा संलग्न रहेको आशंकामा प्रहरीले पाँच जनालाई नियन्त्रणमा लिएको छ ।

पक्राउ पर्नेमा नबिल बैंक शाखा महेन्द्रगरका प्रबन्धक बिसन सिंहका भाइ दिलबहादुर सिंह समेत छन् । उनलाई चाँदनीबाट पक्राउ गरिएको कैलालीका प्रहरी नायब उपरीक्षक रमेश पण्डितले बताए ।

बैंकका कर्मचारी र सवारी चालकसमेत अनुसन्धानमा तानिएका छन् । यसअघि पक्राउ गरी हिरासतमा राखिका कर्मचारीलाई पनि पुनः सोधपुछका लागि पक्राउ गरिएको हो ।

गत मंसिर २४ गते नबिल बैंक शाखा कार्यालय महेन्द्रनगरबाट धनगढीस्थित राष्ट्र बैंकमा रकम जम्मा गर्न जाने क्रममा हतियारधारी समूहले कैलाली र कञ्चनपुरको सीमा क्षेत्र मालाखेतीबाट दुई करोड ३१ लाख लुटपाट गरेका थिए । रासस

१ फागुन, काठमाडौं । राजधानीबासीलाई खुशीको खबर छ । नेपाल टेलिकमले राजधानीका सार्वजनिक स्थानलाई वाईफाई हटस्पट जोन बनाएको छ, जुन स्थानमा २२ दिनसम्म निःशुल्क वाईफाई इन्टरनेट चलाउन सकिनेछ । टेलिकमले आफ्नो १०औं वाषिर्कोत्सवको अवसर पारी २२ दिनसम्म निःशुल्क वाईफाई सेवा उपलब्ध गराएको हो । पछिल्लो समय टेलिकमले ५ सय भन्दा बढी सार्वजनिक स्थानहरुमा वाईफाई हटस्पट जोन बनाउन लागिरहेको छ ।

टेलिकमले राजधानीका धरहरा क्षेत्र, गोंगबु बसपार्क, लाजिम्पाट चोक (उत्तरढोका), नयाँ बानेश्वर चोक, कोपुण्डोल गुसिंगाल एडभान्स ईन्जिनियरिङ कलेज वरपर, सितापाइला चोक, एक्मी इन्जिनियरिङ कलेज वरपरको स्थानलाई वाईफाई हटस्पट जोन बनाएको हो ।

त्यसैगरी, हेल्पिङ हृयाण्ड कम्युनिटी हस्पिटल चाबहिल, बयोधा हस्पिटल बल्खु, स्टार हस्पिटल सानेपा, नेको नेपाल मनमोहन स्मृति हस्पिटल, भृकुटीमण्डप, नरसिङ चोक ठमेल, वीर हस्पिटल, गंगालाल हस्पिटल, टिचिङ हस्पिटल, कालिमाटी काठमाडौं इन्जिनियरिङ कलेज वरपर, काठमाडौं मेडिकल कलेज हस्पिटल सिनामंगल, केशर महल चोक, पाटन हस्पिटल, मंगल बजार ललितपुर चेम्बर अफ कमर्शको सचिवालय वरपर निःशुल्क वाईफाई इन्टरनेट चलाउन पाइने बताईएको छ ।
वाईफाई हटस्पट चलाउनका लागि टेलिकमको पोष्टपेड तथा पि्रपेड मोबाइलका ग्राहकहरुले वाईफाई टाईप गरी १४१६ मा म्यासेज पठाउनुपर्ने छ । म्यासेज पठाएपछि टेलिकमले पासवर्ड उपलब्ध गराउने छ ।
टेलिकमका अनुसार मोबाइल वा ल्यापटपको वाईफाई मेनुमा गएर एनटी वाईफाई लाई कनेक्ट गर्नुपर्ने हुन्छ । त्यसपछि आउने वेब पेजमा युजर नेम बक्समा आफ्नो मोबाइल नम्बर टाइप गर्ने र पासवर्ड बक्समा म्यासेजबाट प्राप्त पासवर्ड टाइप गरी इन्टरनेट चलाउन सकिने छ ।

१ फागुन, काठमाडौं । एसीसी वुमन प्रिमियर क्रिकेटमा नेपाल थाइल्याण्डसँग ८ विकेटले पराजित भएको छ । थाइल्यान्डमा जारी प्रतियोगितामा पहिले व्याटिङ थालेको नेपालले ४० रनको लक्ष्य प्रस्तुत गरेको थियो ।

नेपालले २८ ओभरमा सबै विकेट गुमाएर ३९ रन मात्र जोड्न सक्यो । निकै खराव प्रदर्शन गरेको नेपालका लागि सरस्वति चौधरीले ११ रन बनाउनु बाहेक अन्यले दोहोरो रन जोड्न सकेनन् ।

नीरा राजोपाध्यायले ५ रन जोडिन् भने ममता थापाले ३, सरिता मगर, ममता चौधरी, शोभा आले र रुविना क्षेत्री समान २ रनमा आउट भइन् भने कालन श्रेष्ठले १ रन बनाइन् । सीता मगर, करुणा भण्डारी र सोनु खड्का खाता नै नखोली पभेलियन फर्किइन् । नेपालले ११ अतिरिक्त रन जोडेको थियो ।

जवाफी व्याटिङ गरेको थाइल्याण्डले १३ ओभर खेल्दै २ विकेटको क्षतिमा निर्धारित लक्ष्य पूरा गरेको थियो ।

काठमाडौ, माघ २८ - नेपालमा फिल्म बन्न थालेको पचास वर्ष भएको छ । नेपालबाहिर बनेको फिल्मलाई गणना नगर्दा पनि नेपाली फिल्मले 'हाफ सेन्चुरी' पुरा गरेको छ । तर, यो अवधिमा बनेका एकदमै राम्रा, अर्थपूर्ण र स्मरणीय तपाईं कतिवटा फिल्म सम्झिन सक्नुहुन्छ ? पछिल्लो दस वर्षमा यस्ता फिल्म बन्ने क्रम बढ्दो छ । चाहे 'लुट' होस् वा 'साँघुरो', 'नुमाफुङ' र 'मुकुन्डो'बाट सुरु भएको भिन्न स्वादका फिल्मको निर्माण जारी छ ।

'झोला' यो क्रमको एउटा कडीका रूपमा आइपुगेको छ । तर, सुरुमै प्रस्ट पारौं, 'झोला' न 'लुट' जस्तो 'इन्टरनेटिङ' फिल्म हो न 'नुमाफुङ' जस्तो 'ग्राउन्डबे्रकिङ' फिल्म । तैपनि, यसले केही विशेषता बोकेको छ, जसका कारण यो फिल्म सजिलै स्मृतिबाट मेटिंदैन ।

कृष्ण धरावासी नेपाली साहित्यमा नाम कमाएका लेखक हुन् । 'राधा' उपन्यासबाट मदन पुरस्कार पाएका भए पनि उनका धेरै प्रशंसकहरू 'झोला' र 'शरणार्थी'लाई धरावासीका उत्कृष्ट रचना मान्दछन् । उनको त्यही चर्चित कथा 'झोला' माथि यादव भट्टराईले यो फिल्म बनाएका हुन् ।

'झोला' अहिलेको समयबाट सुरु भए पनि यसले कथा भने सय वर्ष पहिलेको भन्छ । इतिहासको कालखण्ड वा पात्रहरूमाथि बनिने 'पिरियड ड्रामा'हरूको हाम्रोमा नितान्त कमी छ । यादवले त्यसतर्फ पहल गरेका छन् । चलेका फिल्मी मसलाको मिश्रण नगरिएको यो फिल्म अन्य फिल्मको तुलनामा छोटो पनि छ । र, एउटै ट्रयाकमा हिँड्ने मूल कथामात्रै समातेकाले फिल्म यताउता भड्किंदैन पनि ।

एउटा वृद्ध पति, उसकी जवान श्रीमती र नाबालक छोराको वरिपरि फिल्मको कथा घुमेको छ । कुनै गाउँका यी निवासीको जीवनमा एउटा मृत्युले ल्याउने परिवर्तनको कथाको किलोमा यो 'झोला' अडिएको छ । पतिको मृत्यु भएपछि पत्नीले उसको चितामा जिउँदै जलेर सती जानुपर्ने कुप्रथालाई फिल्मले दर्साउँछ । र, बिस्तारै त्यो कुप्रथाविरुद्ध कसरी विद्रोह सुरु भएको थियो भन्ने पनि बताउँछ ।

नेपालको इतिहासमा सती प्रथा एउटा लैंगिक विभेद, उत्पीडन र अन्यायको प्रथाका रूपमा रहेको देखिन्छ । नेपालमा मात्र नभएर यो प्रथा भारतका हिन्दुहरूमा पनि भएको पाइन्छ । सन् १८५७ को लखनउ विद्रोहको कथामा केतन मेहताले बनाएको हिन्दी फिल्म 'मंगल पाण्डे, द राइजिङ'मा पनि सतीको प्रसंग छ । अन्य साहित्यमा पनि यो प्रसंग पाइन्छ । 'झोला'ले सुरुदेखि नै दर्शकलाई त्यतिबेलाका नारीको पीडा देखाएर रुवाउने प्रयास गरेको छ । यो प्रयासमा फिल्म सफल छ । यो करुणाकै बीचमा समाजमा रहेको बेमेल र असमानता दर्साउने काम पनि फिल्मले गर्छ ।

कथाकारले साहित्यिक कथाका रूपमा लेखेको कथाबाट तलमाथि नगरी जस्ताको तस्तै निर्देशकले फिल्ममा उतारेका छन् । सकेको भए, साहित्यिक कथाभन्दा अझै विस्तारमा गएर त्यो बेलाको समाजको चित्रण गरेको भए झन् राम्राे हुने थियो । त्यो बेलाको सामाजिक तथा आर्थिक संरचना तथा राजनीतिक परिदृश्यको कल्पना पनि निर्देशकले गर्न सक्थे । तर, उनी त्यतातिर लागेका छैनन् । तर, जति कथा समाएका छन्, त्यसमा इमानदार छन् । ठूलो कथा नभई एउटा घटनामाथि बनाइएका कारण पनि फिल्मले आफ्नो लय गुमाउँदैन ।

इतिहासलाई फर्किएर हेर्दा जहिल्यै एउटा दृष्टिकोणसहित हेरिन्छ । सपाट नजरले हेर्ने इतिहासले कुनै अर्थ दिंदैन । यादव भट्टराईले चन्द्रशमशेरले सती प्रथा उन्मूलन घोषणा गर्नुअघिको त्यो इतिहासलाई विद्रोह र करुणा मिश्रति नारी नजरले हेरेका छन् । जसले प्रश्न गर्छ, 'लोग्ने मर्दा स्वानी जिउँदै जल्नुपर्ने, तर स्वास्नी मर्दा लोग्नेले हाँसीहाँसी बिहे गर्न पाउने ?' अहिले सती जानु नै नपरे पनि कतिपय महिलाका लागि पीडाको स्थिति उस्तै होला र कतिपय पुरुषका लागि छनोटको सुविधा पनि उस्तै होला । यसैले यो इतिहासलाई मात्र गरिएको प्रश्न होइन, यदि हो भने पनि यसको उत्तर आजमा खोजिनुपर्छ ।

यो फिल्मको अर्को विशेषता कलाकारहरूको राम्रो अभिनय हो । गरिमा पन्त, देशभक्त खनाल, लक्ष्मी गिरी र दीपक क्षत्रीलाई फिल्ममा हेर्दा ती पुरानै समयका मानिस हुन् कि जस्तो लाग्छ । फिल्मको कलर टोन र सिनेम्याटोग्राफी पनि राम्राे छ । साँघुरा र क्लोजअप सटहरू बढी खेलेर सिनेम्याटोग्राफर दीपक बज्राचार्यले अहिलेको समयलाई त्यो फ्रेममा घुस्न दिएका छैनन् भने अर्कातिर फिल्मको कथामा पनि ती सटहरू अर्थपूर्ण रूपमा मिलेका छन् ।

आफ्नो पहिलो फिल्ममा यादव भट्टराईले प्रशस्त मेहनत गरेको देखिन्छ । बाबु मर्दा छोराले बनाएको दाउराको टाँड भत्किनेजस्ता केही सुन्दर विम्ब उनले प्रयोग गरेका छन् । उनको कलात्मकता लामा लामा दृश्यहरूमा पनि देखिएको छ । नायिकालाई घरदेखि घाटसम्म पुर्‍याउँदाको लामो प्रक्रियालाई उनले सुन्दर ढंगले उतारेका छन् ।

कृष्ण धरावासयी आफैंमा 'रुवाउने' साहित्य लेख्ने लेखकका रुपमा चिनिन्छन्, त्यसमा यादवले आफ्ना पनि आँसु थपिदिएका छन् । पात्रहरुको मनोदशालाई अझैबढी मौनमा खेल्न सकेको भए, फिल्मको गहिराई अझै बढ्थ्यो होला । अत्यन्त 'लाउड' र बढी भावुक हुनु यो फिल्मको गुण र दोष दुवै हो । यसले कतिपय दर्शकलाई झर्को लाग्न पनि सक्छ । अन्यथा, एउटा फरक फिल्मको रुपमा 'झोला'को लामो समयसम्म चर्चा हुनेछ ।

२९ माघ, काठमाडौँ । प्रधानमन्त्री एवम् नेपाली कांग्रेसका सभापति सुशील कोइरालाले एमालेलाई गृह मन्त्रालय दिने कुनै सहमति नभएको वताएका छन् ।
संविधानसभाको भवन नयाँ बानेश्वरमा बुधवार बसेको संविधानसभाको बैठकपछि पत्रकारहरुसँग संक्षिप्त कुराकानी गर्दै प्रधानमन्त्री कोइरालाले गृह मन्त्रालय दिनेबारे एमालेसँग सहमति नभएको वताएका हुन् ।
उनले सरकारले केही दिनमै पूर्णता पाउने समेत दावी गरे ।
यस्तै विनाविभागीय मन्त्री एवम् कांग्रेसका तर्फवाट वार्ता टोलीका सदस्य समेत रहेका डा. रामशरण महतले एमालेलाई गृह मन्त्रालय दिने कुनै कुराकानी नभएको वताए ।
उनले भने,’गृहमा दुबै दलको दावी छ । तर गृह मन्त्रालय एमालेलाई दिने सहमति भएको भन्ने कुरा सहि होइन ।’ गृहमन्त्रालय नपाएर नै हिजो सपथ ग्रहण कार्यक्रममा एमाले सभासदहरु उपस्थित नभएको कुरा आफूहरुले जानकारी पाएको महतले वताए । महतले एमालेलाई सरकारमा ल्याउनका लागि प्रयास भइरहेको जानकारी दिए ।
गृहमन्त्रालय एमालेलाई दिने भएको सहमति कांग्रेसले उल्लंघन गरेर बेइमानी गर्‍यो रे हो ? भन्ने पत्रकारहरुको प्रश्नको जवाफ दिँदै महतले बेइमानी कांग्रेस र एमाले दुवै दलवाट नभएको वताए । उनले भने,’ गृहदिने त्यस्तो सहमति केही भएको छैन । बेइमानी कांग्रेसवाट पनि भएको होइन र उहाँहरु एमालेवाट पनि भएको छैन । सहमतिको प्रयास भइरहेको छ र केही दिनमै टुंग्याउँछौँ ।’

यति तपाई एण्ड्रोइड फोनको प्रयोगकर्ता हो भने तपाईंले किनेको केही समयमा यसको गति कम भएको महसुस गर्नुभएको होला ।
जब तपाईं फोनमा एउटा एप्स्बाट अर्को एप्समा जान चाहनुहुन्छ तब यसको गतिशीलतामा कमी आउँछ । कतिपय अवस्थामा तपाईंको फोन ह्याङ् हुने समस्या पनि देखिन्छ ।
उच्च गतिका पछिल्ला प्रोसेसरहरु प्रयोग गरिएका महंगा एन्ड्रोइड फोनमा पनि यस्तो समस्या देखिन्छ । यसो हुनु फोन बिगि्रएर वा तपाईले झुर फोन किनेका कारण हैन् । एन्ड्रोइड स्मार्टफोनमा तपाईले जति बढि एप्स इन्स्टल गर्दै जानुहुन्छ त्यति नै फोन लोड बढ्छ ।
तपाईले केही सामान्य उपायहरु अपनाउनु भयो भने स्मार्टफोनलाई सुरुकै जस्तो गतिशिल राखिरहन सकिन्छ ।
(१) अनाबश्यक Apps हटाउनुहोस्
हरेक फोनमा इन्टरनल मेमोरी रहेको हुन्छ । एउटा कुरा याद राख्नुस्, फोनमा जति धेरै इन्टरनल मेमोरी रहन्छ, उति नै फोनको गतिशीलता बढी हुन्छ । मेमोरीलाइ खुकुलो राखिरहन  फोनमा फोटो, म्युजिक वा एप्स धेरै छन् भने अनाबश्यक डाटा मेटाउनुस् । आफूलाई नियमित आवश्यक पर्ने एप्समात्र फोनमा राख्नुहोस् । अन्य सामाग्री पनि कमभन्दा कम राख्नुस् । धैरे लोड दिनुभयो भने फोनको स्पीड कम हुन्छ । फोनमा भएको फोटो, म्युजिक, डाटाहरु तपाईंले ड्रपबक्स वा गुगल ड्राइभ क्लाउड स्टोरेज सर्भिसमा स्टोर गर्न सक्नुहुन्छ ।
एप्सलाई एक्सटर्नल मेमोरीमा सेभ गरेर फोन जोगाउन सक्नुहुन्छ । कतिपय एप्स आफूलाई नियमित प्रयोगमा चाहिन्छ । तर, फोनको स्पीड कायमै राख्न खोज्नुहुन्छ भने ती एप्सहरु एक्सटर्नल मेमोरीमा सेभ गर्नुस् ।

एक्सटर्नल मेमोरीमा सेभ गर्नको लागि सेटिङ्गमा जानुहोस् अनि एप्स मेनु क्लिक गर्नुहोस् । अब जुन एप मूभ गर्न चाहनु भएको छ त्यसलाई सेलेक्ट गर्नुस् अनि ‘मूभ टू एसडी कार्ड’मा क्लिक गर्नुस् ।
(२)  Cache क्लियर गर्नुस्
जब तपाईले फोनमा कुनै एप्स वा ब्राउजरमार्फत् कुनै वेबसाइट खोल्नुहुन्छ, त्यसबेला त्यहाँ रहेका निश्चीत डाटा मोबाइलको मेमोरीमा पनि स्टोर हुन्छन् । तपाईले अर्कोपटक खोल्दा तपाईको लोकल मेमोरीमा भएको चिज खुलोस र छिटो भन्नाका लागि यसो गरिएको हुन्छ । तर, यसले तपाईको मोबाइल मेमोरी उपयोग गरिरहेको हुन्छ र तपाईको मोबाइललाई ढिला बनाइराखेको हुन्छ ।
मोबाइललाई छिटो बनाउने हो तपाइले बेलाबेला यसरी स्टोर भएका डाटा हटाइरहनुपर्छ ।
यसका लागि फोनको सेटिङमा गएर एप्स मेनु खोल्नुस् । त्यसमा आवश्यक एप सेलेक्ट गर्नुहोस् र क्याच क्लियर गर्न सक्नुहुनेछ । यो प्रकृया केही झन्झटिलो अबश्य छ । यदि सजिलै फोनमा रहेको क्याच क्लियर गर्न चाहानुहुन्छ भने केही निःशुल्क डाउनलोड गर्न मिल्ने एप्सको पनि सहारा लिन सक्नुहुन्छ ।
यसका लागि गुगल प्लेमा गएर एप क्याच क्लिनर, क्लिन मास्टर वा एभीजी ट्यून अपजस्ता एपहरू  डाउनलोड गरी त्यसमार्फत् सजिलै छोटो समयमा क्याच क्लिएर गर्न सकिन्छ ।
(३) widgets र live wallpapers  कम राख्नुस्
धेरैजनाको तर्क छ, वीजेट्सले स्मार्टफोन सहज बनाउँछ । जबकि वीजेट्सको मात्र भर पर्ने हो भने यसले फोनको व्याट्री ब्याकअप घटाइदिन्छ । यदि तपाइ एन्ड्रोइड फोनलाइ तिब्र गतिमा चलाउन चाहानुहुन्छ भने कमभन्दा कम  widgets चलाउनु पर्छ ।
नचाहिने widgets हटाउनका लागि तपाइले widget को icon माथि  पाँच सेकेन्डजति प्रेस गर्नुहोस र  फोन स्क्रीनको माथिल्लो भागमा remove सेक्सनमा ड्रयाग गर्नुस् ।
widgetsफोन स्लो गर्नुमा लाइभ वालपेपरहरु पनि जिम्मेवार छन् । यसले पनि वीजेट्स जस्तै फोन स्लो पार्छ । व्याट्री ब्याक अप कम गर्छ । त्यसैले लाइभ वालपेपरहरु कमभन्दा कम प्रयोग गर्नुस् ।


(४) एनिमेशन डिसेबल गर्नुस्
फोनमा एनिमेशन बढी भयो भने पनि फोनको गतिशीलतामा अवरोध आउँछ । एनिमेशन डिसेबल गरी फोनको प्रोसेसिङ स्पीड बढाउन सकिन्छ ।

android_developerएनिमेशन डिसेबल गर्न सेटिङमा जानुस् र डेभलपर अप्सन देखिन्छ । त्यसमा क्लिक गरेपछि तल ड्रअिङ अप्सन आउँछ । यहाँ विन्डो एनिमेशन स्केल, ट्रान्जिसन एनिमेशन स्केल र एनिमेशन ड्युरेशन स्केल आदि अफ गर्नुस् ।
(५) सफ्टवेयर अपडेट गर्दै रहनुस्
हामी कतिपयले फोन किनेपछि त्यसमा रहेको सफ्टवेयर अपडेट गर्न चासो दिदैंनौं । तर, फोनको गतिशीलता कायम राख्नको लागि नियमित सफ्टवेयर अपडेट गर्दै रहनुपर्छ । सुरुमा कम्पनीले दिँदा समस्या आउने सफ्टवेयर हुन सक्छ । यसलाई अपडेट भर्सनको सफ्टवेयर हालेर समाधान गर्न सकिन्छ । सामान्यतयाः अपडेटेड भर्सनमा समस्याहरु सुधार गरिएको हुन्छ ।
यसरी आफ्नो फोनको गतिशीलता कायम राख्न यसलाई नियमित अपडेट तथा अनावश्यक सामाग्रीहरु हटाउने काम गरिराख्नु पर्छ ।

त्यसबाहेक तपाइले परिक्षणाका लागि इन्स्टल गरेका वा जरूरी नै नपर्ने एप्स अनइन्स्टल गरेर पनि मेमोरी लोड कम गर्न सक्नुहुन्छ । यसका लागि  फोनको सेटिङमा जानुस् र एप्स मेनु क्लिक गर्नुहोस् । जुन एप अनइन्स्टल गर्न खोज्नुभएको हो त्यसलाई सेलेक्ट गरी अनइन्स्टलमा क्लिक गर्नुहोस् । तर, कतिपय फोन कम्पनीले सुरुमै केही एप्स राखिदिएका हुन्छन जसलाइ तपाइ अनइस्न्टल त गर्न सक्नुहुन्न तर डेसएवल भने गर्न सक्नुहुन्छ ।

२९ माघ, काठमाडौं । आईपीएल-सातको लिलामीमा रोयल च्यालेन्जर्स बेंङ्ग्लोरले भारतका चर्चित खेलाडी युवराज सिंहलाई १४ करोड भारुमा किनेको छ । उनले पाएको रकम यो लिलामीको सवैभन्दा धेरै हो ।
दिल्लीका विस्फोट व्याट्सम्यान वीरेन्द्र सहवागले भने अपेक्षा गरेजस्तो मूल्य पानन् । उनलाई किङ्ग्स इलाभेन पन्जाबले ३ करोड २० लाखमा किनेको छ । सहवाग र युवराजको आधार मूल्य दुई करोड थियो ।
दिनेश कार्तिकलाई दिल्ली डेडरडेविल्सले १२ करोड ५० लाख भारुको बोली लगाएको छ ।
इंग्ल्याण्डका ब्याट्सम्यान केभिन पिटरसनलाई दिल्ली डेडरडेविल्सले राइट टु म्याच कार्ड प्रयोग गर्दै ९ करोडमा किनेको छ । श्रीलंकाका पूर्व कप्तान माहेला जयवर्द्धने र न्यूजिल्याण्डका रोज टेलरलाई भने कसैले पनि किनेनन् ।
पछिल्लो लिलामीमा मोटो रकम पनएका युसूफ पठानले यो पटक ३ करोड २५ लामा मात्र पाएका छन् । उनलाई पूरानै टिम कोलकत्ता नाइट राइडर्सले किनेको छ ।

काठमाडौ, माघ २८ - जोसिलो युवा उमेरमा सुशील कोइरालाको सपना फिल्मी हिरो बन्ने थियो, त्यो पनि हलिउडको । राजनीतिमा चाख नराख्ने सुशीललाई बाबु बोधप्रसाद भने सरकारी जागिर खुवाउन चाहन्थे ।

कोइराला परिवारसँग लामो सम्बन्ध रहेका कांग्रेस नेता पुरुषोत्तम बस्नेतका अनुसार राजा महेन्द्रले ०१७ पुस १ मा निरंकुश कदम नचालेको भए 'सुशील दा' हलिउड (अमेरिका) हानिइसक्थे । 'त्यसका लागि तारतम्य सबै मिलिसकेको  थियो,' बस्नेत थप्छन्, 'हिरो बन्न अभिनयको तालिम लिन भनेर उनी अमेरिका जाने तयारी भइरहेकै बेला महेन्द्रको निरंकुश कदमले रोकियो ।'

हलिउड हिरो बन्ने सपना तुहिए पनि जीवनको उत्तरार्द्धमा उनी स्वदेशी राजनीतिको 'हिरो' बनेका छन् । दुईतिहाइ मत ल्याई प्रधानमन्त्री निर्वाचित हुँदा अविवाहित कोइराला खुसीभन्दा बढी चिन्तित देखिन्थे । उनी यस्तो सर्तमा  प्रधानमन्त्री बनेका छन्, जसको निर्वाचित हुनासाथ दिनगन्ती सुरु भएको छ । पार्टीको आन्तरिक व्यवस्थापन र वर्तमान राजनीतिमा जेलिएका मुद्दाहरूलाई ठीक ढंगले सम्बोधन गरी एक वर्षभित्र संविधान जारी गर्नुपर्ने दायित्व छ, ७४  वषर्ीय कोइरालाका काँधमा ।

अवसर पाउँदा पनि राजकाजको अनुभव नलिई सिधै प्रधानमन्त्री बनेका कोइरालाका लागि राष्ट्रभित्र र बाह्य शक्तिलाई समन्वय गरेर अघि बढ्ने अर्को चुनौती पनि छ । त्यसलाई थाम्न कोइरालाले सुरुमै आफ्ना वरिपरिको सीमित  घेराबाट बाहिर निस्केर विश्वासिलो टिम बनाउनुपर्ने देखिन्छ ।  

कांग्रेस उपसभापति रामचन्द्र पौडेलको भनाइमा सुशील प्रजातान्त्रिक आन्दोलन र संघर्षका उदाहरणीय प्रतिनिधि हुन् । 'थोरै बोल्ने, लामो वक्तव्यबाजीमा विश्वास नगर्ने, सारभूत कुरा गर्ने र चुनौती सामना गरेरै छाड्ने क्षमता उहाँमा  छ,' उनले भने ।

लोभ-मोह नभएका उनी कृष्णप्रसाद भट्टराईपछिका 'सन्त' कोटिको नेतामा पर्छन् । जीवनशैली सामान्य छ । घर/सम्पत्ति छैन । गृह जिल्ला बाँकेमा रहँदा उनी भाइ अरुण कोइरालाका घरमा बस्छन् । राजधानीमा भने पार्टी सभापति  हुनुअघिसम्म लामो समयसम्म भान्जाका घरमा बस्थे । १२ औं महाधिवेशनबाट सभापति चुनिएपछि भान्जाका डेराबाट महाराजगन्ज सरेका हुन् । सुशील निकट नेता आनन्द ढुंगानाका अनुसार दाजुभाइबीच अंशबन्डा हुँदा पाएको ने पालगन्जको ४ बिघा सम्पत्तिसमेत कोइरालाले बिक्री गरेर सकिसकेका छन् ।

कांग्रेस संस्थापक नेता एवं प्रथम जननिर्वाचित प्रधानमन्त्री बीपीको समाजवादी धारणाबाट प्रभावित सुशील २०१० देखि राजनीतिमा सक्रिय हुन थालेका हुन् । २०१७ पुस १ मा 'प्रजातन्त्र अपहरण' पछि उनी १६ वर्षसम्म भारत  प्रवासमा बसे । प्रवासमा बस्दा कांग्रेसको मुखपत्र तरुणको सम्पादन पनि गरे । प्रजातान्त्रिक आन्दोलनका क्रममा भारत र नेपालमा गरी करिब छ वर्ष जेल परे । २०३० सालमा गिरिजाप्रसाद कोइरालाको कमान्डमा भएको विमान अपहरण काण्डमा उनी तीन वर्ष भारतमा जेल परेका थिए ।

राजनीतिक संघर्षमा ठूलो योगदान भए पनि उनी समाजका बहुआयामिक पक्ष र खुला राजनीतिसँग भने घुलमिल नभएको आलोचना पनि गरिन्छ । २०३६ सम्म कांग्रेस संगठनमा उनको परिचय सामान्य थियो । २०४६ को परिवतर् नपछि तत्कालीन प्रधानमन्त्री गिरिजाप्रसादसँगै उनी बालुवाटार सरे । त्यसपछि मात्रै उनको राजनीतिक हैसियत बढ्दै गएको हो । गिरिजाप्रसाद प्रधानमन्त्री हुँदा सहयोगीका रूपमा सुशील बालुवाटार बस्थे । गिरिजाप्रसादकै आडमा  उनले सत्ता र पार्टीभित्र बिस्तारै आफ्नो पकड बढाएका हुन् । त्यसैक्रममा उनी एकाएक आम कार्यकर्ताको गुनासो सुन्ने र अवसर दिने शक्तिकेन्द्रका रूपमा उदाए । ०४६ पछि पार्टीभित्र गणेशमान सिंह, कृष्णप्रसाद भट्टराई र  गिरिजाप्रसाद कोइरालापछि दोस्रो पुस्ताका नेताका शेरबहादुर देउवा, शैलजा आचार्य र रामचन्द्र पौडेलको नाम लिइन्थ्यो ।

गिरिजाप्रसादले उपप्रधानमन्त्री बनाउन खोज्दा पनि उनले अस्वीकार गरेका थिए । गिरिजाप्रसादपछि कोइराला परिवारको विरासत उनैले धान्दै आएका छन् । नेतृत्वमा ल्याउन गिरिजाप्रसादले नै उनलाई पार्टीको महामन्त्री, उपसभापति  र कार्यवाहक सभापति बनाएका थिए ।

१२ औं महाधिवेशनबाट उनले पार्टीको नेतृत्व लिए । पार्टी नेतृत्वमा आएपछि सुशीलको काम गर्ने शैलीप्रति विवाद भयो । पार्टी सभापति चुनिएर कार्यकाल सकिन लाग्दासमेत केन्द्रीय कार्यसमितिलाई पूर्णता दिन सकेका छैनन् । कायर् सम्पादन समिति बन्न सकेको छैन । विभागहरूले पनि काम गर्न नसकेको भन्दै उनको नेतृत्व क्षमतामाथि प्रश्न उठ्दै आएको छ । सीमित घेरामा रहेर काम गर्ने नेताका रूपमा उनी परिचित छन् । आलोचकहरू उनलाई अन्तर्राष्ट्रिय  छवि नभएको नेताका रूपमा समेत टिप्पणी गर्छन्, जसलाई नेता ढुंगाना मान्न तयार छैनन् ।

'खुला राजनीतिमा नभिजेको भन्ने तर्क गलत हो,' ढुंगानाले भने, 'सुशील'दाले सबै जिल्ला घुमेर जनताको समस्या बुझ्नुभएको छ । गाडी नपुगेका ठाउँमा कयौं दिन हिँडेरसमेत जानुभएको छ ।' लामो समय गिरिजाप्रसादको संगतमा  हुर्के पनि सुशीलमा रहेको गुण भने नसरेको ढुंगाना स्विकार्छन् । भन्छन्, 'गिरिजाप्रसादमा कुनै पनि काममा तुरुन्त एक्सन गर्ने बानी थियो । त्यसका लागि उहाँ रिस्क पनि लिनुहुन्थ्यो, तर सुशीलदामा बिस्तारै काम गर्ने बानी छ ।'

काठमाडौ, माघ २७ - राम-लीला' जोडी रणवीर सिंह र दीपिका पादुकोण अफस्त्रिmनमा पनि उत्तिकै जमिरहेका छन् । आकस्मिक भेटबाट उनीहरूको सम्बन्ध योजनाबद्ध भेटमा पुगिसकेको छ । मस्ती गर्न एकअर्काको आवश्यकता महसुस गर्न थालेका छन् उनीहरूले । यो कुरा रणवीर-दीपिका नै खुलेआम बताउँछन् । यति बेला दुवै प्रेममा परेको ठोकुवा भइरहेको छ ।

तर रणवीर अघि सर्दै भन्छन्, 'हामी असल साथी मात्रै हौं । तर, मेरो जीवनमा उनको बेग्लै महत्त्व छ । मैले कसैलाई आदर र सम्मान गर्छु भने ती उनै हुन्, जोसँग म यति बेला नजिक छु ।' दीपिकाको गुणगान गाएरै नथाक्ने भएका रणवीरले उनका लागि प्रशंसाको पहाडै भएको टिप्पणी गरे ।

आखिर दुईको हित्तचित्त मिल्नुको कारण के हो ? २८ वर्षमा दौडिरहेका रणवीर थप्छन्, 'हामी साथी हौं । हामी प्रायः सँगै घुम्न निस्कन्छौं, रमाइलो गर्छौं । घुम्न म अरूसँग पनि जान्छु, तर उनीहरू दीपिका जस्तो नोटिस हुने हुँदैनन् । हल्ला पनि हुँदैन । हो, म उनको साथमा ज्यादा इन्जोय गर्छु ।' आफूलाई सिंगल भन्न रुचाउने रणवीरलाई पनि मिंगल हुने रहर छ रे ।

हालै हेमा मालिनी-धर्मेन्द्रकी छोरी आहनाको विवाह पार्टीमा भने रणवीरले दीपिकासँग हुँदा खिचिएका तस्बिरमा आपत्ति जनाएपछि हल्ला गर्नेलाई बल पुगेको छ । रणवीर-दीपिका सामीप्य पार्टीमा पनि उस्तै थियो । हूलमूलमा छिरेका एक फोटोग्राफरले लुकेरै जोडीतर्फ लगातार फ्ल्यास हान्न थालेपछि रणवीर उग्र बने । उक्त फोटोग्राफरको कठालो समातेर क्यामेराका फोटाहरू मेटाइदिए । तर, उनका प्रवक्ताले भने रणवीरले अपमान हुने गरी फोटोग्राफरलाई समातेको वा पिटेको जस्ता समाचारको खण्डन गर्दै सम्मानित ढंगले फोटो हटाउन लगाएको दाबी गरेका छन् ।

रणवीरले घटनाबारेको प्रतिक्रियामा भने, 'ती व्यक्तिलाई त्यहाँ न कसैले बोलाएको थियो, न उनी पार्टीको आधिकारिक फोटोग्राफर नै थिए । बलजफ्ती छिरेर वाक्कै लाग्ने गरी फोटो खिच्न थाले । मैले उनलाई अनुमतिबेगर खिचिएका तस्बिर डिलिट गर्न

लगाएँ । पूर्वअनुमति लिएको भए खिच्न कुनै समस्यै थिएन ।'

रणवीर आफू चटपटे स्वभावको भएकाले कहिलेकाहीँ आफ्नै बानीले धोका दिने दुखेसो पनि गर्छन् । 'राम-लीला' को सुटिङका बेला मलेरिया भएका उनले मिडियालाई आफूलाई 'लभेरिया' भएको टिप्पणी गरेपछि दीपिकासँगको उनको सम्बन्धमा थप शंका बढेको थियो । तर यति बेला उनले उक्त अन्तर्वार्तालाई अवैध भनिदिएका छन् ।

काठमाडौ, माघ २७ - केही बेरमै सुशील कोइराला प्रधानमन्त्री
आजको संसद वैठकको कार्यसूची सचिवालयले सार्वजनिक गरेको छ । कार्यसूची अनुसार वैठक सुरु भएपछि प्रधानमन्त्रीका उम्मेदवार कांग्रेस सभापति सुशिल कोइरालाले सदनमा अाफ्नो उम्मेदवारी प्रस्तुत गरेपछि प्रस्तावक र समर्थकले मन्तव्य राख्ने कार्यक्रम छ । कोइरालाको प्रस्तावकमा कांग्रेस उपसभापति रामचन्द्र पौडेल र समर्थकमा एमाले संसदीय दलका नेता केपी शर्मा ओली छन् ।

लगत्तै संसदको अध्यक्षता गरिरहेका सुर्यबहादुर थापाले कोइरालालाई प्रधानमन्त्रीमा निर्वाचित गरियोस् भन्ने प्रस्ताव संसद्मा पेश गर्ने कार्यसूची छ ।

आज हुने निर्वाचनमा कोइराला मात्रै उम्मेदवार छन् । संसदको दोस्रो ठूलो दल एमालेले कोइरालालाई समर्थन गर्ने भएपछि कोइराला प्रधानमन्त्री बन्ने पक्का भएको हो । कांग्रेस र एमालेले हिजै आफ्ना सभासद्लाई कोइरालाको पक्षमा मतदान गर्न ह्वीप जारी  गरिसहेको छ । कांग्रेसको १ सय ९४ र एमालेको १ सय ७३ सभासद छन् । केही साना दलले पनि काेइरालाको पक्षमा मतदान गर्नेछ । एमाअाेवादी सहित केही मधेसवादी दल र राप्रपा नेपाल प्रतिपक्षमा बस्ने घोषणा गरेकाले उनीहरुले कोइरालको विपक्षामा मतदान गर्नेछन् ।

काठमाडौ, माघ २७ - आजको संसद वैठकको कार्यसूची सचिवालयले सार्वजनिक गरेको छ । कार्यसूची अनुसार वैठक सुरु भएपछि प्रधानमन्त्रीका उम्मेदवार कांग्रेस सभापति सुशिल कोइरालाले सदनमा अाफ्नो उम्मेदवारी प्रस्तुत गरेपछि प्रस्तावक र समर्थकले मन्तव्य राख्ने कार्यक्रम छ । कोइरालाको प्रस्तावकमा कांग्रेस उपसभापति रामचन्द्र पौडेल र समर्थकमा एमाले संसदीय दलका नेता केपी शर्मा ओली छन् ।

लगत्तै संसदको अध्यक्षता गरिरहेका सुर्यबहादुर थापाले कोइरालालाई प्रधानमन्त्रीमा निर्वाचित गरियोस् भन्ने प्रस्ताव संसद्मा पेश गर्ने कार्यसूची छ ।

आज हुने निर्वाचनमा कोइराला मात्रै उम्मेदवार छन् । संसदको दोस्रो ठूलो दल एमालेले कोइरालालाई समर्थन गर्ने भएपछि कोइराला प्रधानमन्त्री बन्ने पक्का भएको हो । कांग्रेस र एमालेले हिजै आफ्ना सभासद्लाई कोइरालाको पक्षमा मतदान गर्न ह्वीप जारी  गरिसहेको छ । कांग्रेसको १ सय ९४ र एमालेको १ सय ७३ सभासद छन् । केही साना दलले पनि काेइरालाको पक्षमा मतदान गर्नेछ । एमाअाेवादी सहित केही मधेसवादी दल र राप्रपा नेपाल प्रतिपक्षमा बस्ने घोषणा गरेकाले उनीहरुले कोइरालको विपक्षामा मतदान गर्नेछन् ।

- कार्यव्यवस्था परामर्श समितिको बैठक बसिरहेको छ । नेताहरु संविधानसभा भवन पुगेका छन् ।

- केही क्षणमै संसद बैठक बस्दै ।

- मन्त्रिपरिषद्का अध्यक्ष खिलराज रेग्मी सहित अन्य मन्त्रिगण संसद भवनमा पुगेका छन् । नयाँ प्रधानमन्त्री निर्वाचितसंगै प्रधानन्यायाधीशको नेतृत्व र पूर्व प्रशासकहरु सम्मिलित सरकार विस्थापन हुनेछ । ०६९ चैत्र १ गते बनेको रेग्मी सरकारले ०७० मसिंर ४ गते दोस्रो संविधानसभाको निर्वाचन गराउन सफल भएको थियो ।

काठमाडौ, माघ २७ -
पढ्नुहोस, कसरी बन्यो सहमति ?
'एक वर्षभित्र संविधान बनाउँछु'
कांग्रेस सभापति एवं संसदीय दलका नेता सुशील कोइराला एमालेको समर्थनमा सोमबार प्रधानमन्त्री बन्ने भएका छन् । कांग्रेस र एमालेबीच सहमतिका साथ अघि बढ्न ७ बुँदे सहमति भएपछि ७८ वर्षीय कोइराला  प्रधानमन्त्री निर्वाचित हुने निश्चित भएको हो ।

सहमति बनेपछि कोइरालाले प्रधानमन्त्री चुनावका लागि आइतबारै उम्मेदवारी दर्ता गराएका छन् । उनको उम्मेदवारीमा कांग्रेस उपसभापति रामचन्द्र पौडेल प्रस्तावक र एमाले संसदीय दलका नेता केपी ओली समर्थक छन् ।

दुई दलबीच प्रधानमन्त्रीमा एमालेले कोइरालालाई र सभामुखमा एमाले उम्मेदवारलाई कांग्रेसले मतदान गर्ने सहमति छ । दुई दलबीचको ७ बुँदे सहमतिमा एक वर्षभित्र संविधान जारी गर्ने र त्यसपछिको अन्तरिम अवधिका लागि  राष्ट्रपति, उपराष्ट्रपति, प्रधानमन्त्री, सभामुख, उपसभामुखकै निर्वाचन गर्ने उल्लेख छ । यो राजनीतिक सहमतिलाई संवैधानिक व्यवस्था गर्न संविधान संशोधन गर्ने सहमति पनि बनेको छ ।

सहमतिअनुसार कोइराला प्रधानमन्त्रीको रूपमा १ वर्षसम्म मात्रै रहनेछन् । संविधान जारी हुनासाथ संविधानसभा व्यवस्थापिका संसद्मा परिणत हुने भए पनि सभामुख र उपसभामुखको आयुसमेत एक वर्षका लागि मात्रै हुने सहमति  छ । राज्यका प्रमुख पदहरूमा एकैचोटि निर्वाचन गराउँदा प्रमुख दलहरूबीच सत्ता साझेदारीमा सन्तुलन कायम गरेर अघि बढ्न सकिने भन्दै कांग्रेसले प्रस्ताव ल्याएको थियो ।

राष्ट्रपति रामवरण यादव र उपराष्ट्रपति परामानन्द झालाई संविधानसभाबाट अनुमोदन गरेर निरन्तरता दिने सहमति दुई दलको छ । नयाँ निर्वाचनसँगै संविधानसभाबाट राष्ट्रपति र उपराष्ट्रपतिको निर्वाचन गर्नुपर्ने अडान एमालेले  राखेको थियो । कांग्रेसले अन्तरिम संविधानले नै राष्ट्रपति र उपराष्ट्रपतिको पदावधि संविधान जारी नगरुन्जेल रहेको भन्दै निर्वाचनमा जान नमानेपछि दुई दलबीच मध्यमार्गी सहमति निकालिएको हो । नयाँ सरकार बनेपछि उसैले  राष्ट्रपति र उपराष्ट्रपतिलाई संविधानसभाबाट अनुमोदनका लागि प्रस्ताव ल्याउने भएको छ ।

मन्त्रालय बाँडफाँडका विषयमा भने सहमति बनिसकेको छैन । स्रोत अनुसार, शक्तिशाली र प्रभावशाली मन्त्रालयहरू दुई दलबीच बराबरी बाँड्ने मोटामोटी समझदारी छ । एमाले नेताहरूले गृह मन्त्रालय एमालेले लिने सहमति  भएको बताए पनि कांग्रेस नेताले सहमति भइनसकेको दाबी गरे ।

कांग्रेसले प्रधानमन्त्रीको सजिलोका लागि महत्त्वपूर्ण मन्त्रालय पाउनुपर्ने माग गरेको छ । एमालेले सरकारमा सम्मानजनक हैसियतका लागि गृह मन्त्रालय आफूहरूले पाउनुपर्ने अडान लिएको छ । प्रधानमन्त्री शपथ लिएकै दिन केही  मन्त्रीको पनि शपथ गराउने गरी दुई दलबीच मन्त्रालय बाँडफाँडमा छलफल चलिरहेको छ ।

कसरी बन्यो सहमति ?

आइतबार अपराह्न भएको ७ बुँदे प्रस्ताव कांग्रेस सभापति सुशील कोइरालाको निवास महाराजगन्जमा शनिबार भएको बैठकमा प्रस्तुत गरिएको थियो । कांग्रेसका वार्ताकार रामशरण महतले उक्त प्रस्ताव ल्याएका थिए । दुवै दलको वार्ता समितिबीच सहमति नभएपछि शीर्ष तहमा छलफल भएको थियो । एमालेले राष्ट्रपति र उपराष्ट्रपतिको तत्काल निर्वाचन हुनुपर्ने पार्टीको संस्थागत अडान भइसकेका कारण पछि हट्न नसकिने बताएपछि शनिबार राति सहमति हुन सकेन ।  कांग्रेसले एमाओवादीसँग गठबन्धन गरेर धोका दिन सक्ने आशंका एमालेमा थियो ।

आइतबार बिहानैदेखि कांग्रेस-एमालेका वार्ताकारबीच पटक-पटक छलफल भयो । छलफलमा कांग्रेस नेताहरूले एमालेसँगै मिलेर सरकार गठन गर्न चाहेको विश्वास दिलाए ।

एमाओवादी अध्यक्ष पुष्पकमल दाहाललाई भेट्न उनकै निवास लाजिम्पाट जाँदासमेत एमालेलाई पूर्वजानकारी गराएर गएको स्रोतले बतायो । दाहाल निवास लाजिम्पाटमा बिहान कांग्रेस सभापति सुशील कोइराला, उपसभापति  रामचन्द्र पौडेल, महामन्त्री कृष्णप्रसाद सिटौलासहितका नेताले एमाओवादी नेताहरूसँग छलफल गरे ।

एमालेसँग सहमतिका लागि ल्याइएको प्रस्ताव एमाओवादीसँगको बैठकमा पनि प्रस्तुत गरिएको थियो । एमाओवादी अध्यक्ष दाहालले त्यसलाई 'सकारात्मक' भनेको कांग्रेसको दाबी छ । त्यसपछि एमालेसँग थप छलफल भयो ।  छलफलमा राष्ट्रपति निर्वाचनलाई राजनीतिक प्रस्ताव ल्याएर अनुमोदन गराउने प्रस्ताव पनि कांग्रेसले ल्याएको थियो । त्यसअघि अनुमोदन गराउने विषयमा समेत कांग्रेस तयार थिएन ।

राष्ट्रपति र प्रधानमन्त्री दुवै पद कांग्रेसमा रहने भएपछि सत्ता समीकरणको प्याकेज छलफलमा गृह मन्त्रालय आफूहरूले पाउनुपर्ने माग एमालेले राखेको थियो । सुरुमा कांग्रेस सभापति कोइराला तयार थिएनन् । बिहानै भएको  पदाधिकारी बैठकमा कोइरालाले गृह मन्त्रालय दिने सहमति आफूले नगरेको बताएका थिए । तर, उनलाई महामन्त्री कृष्णप्रसाद सिटौला सहितका नेताहरूले मनाएपछि अनौपचारिक तहमा गृह मन्त्रालय एमालेलाई दिने समझदारी  बनेको स्रोतको दाबी छ । आपसमा मिलेर अघि बढ्न नसके एक वर्षभित्रमा संविधान आउन नसक्ने अनुभूति दुवै दलका नेताहरूले गरेका कारण नै सहमति सम्भव बनेको कांग्रेस महामन्त्री सिटौलाले बताए ।

एमाले महासचिव ईश्वर पोखरेलले पहिलो संविधानसभाले निर्वाचित गरेका राष्ट्रपति निरन्तर रहनुपर्ने अडान कांग्रेसले छाडेपछि सहमति भएको बताए । 'हामीले दोस्रो संविधानसभाले राष्ट्रपति र उपराष्ट्रपतिलाई अनुमोदन गर्नुपर्छ भन्ने अडान राख्दै आएका थियौं,' उनले भने, 'यसमा कांग्रेस आएपछि सहमति भएको हो ।'  

कांग्रेस र एमालेको गठबन्धनमा सरकार बने दुई तिहाइ सहजै पुग्ने र त्यसले संविधान निर्माणमा समेत सघाउने दुवै दलको ठम्याइ छ । शीर्ष तहमा बिहानै समझदारी बने पनि संस्थागत निर्णय लिन एमालेको स्थायी समिति बैठक  संविधानसभा भवनमा नै बसेको थियो । झन्डै तीन घन्टाको बैठकपछि एमालेले कांग्रेस नेतृत्वलाई सघाउने निर्णय लिएको थियो । त्यतिन्जेल संविधानसभा भवनभित्रै  कांग्रेस सभापति एवं दलका नेता कोइराला एमालेको निर्णय पर्खंदै  बसेका थिए । एमालेका नेताहरू बैठक सकारात्मक रहेको भन्दै कोइरालालाई बैठकको बीच/बीचमा खबर गरिरहेका थिए । कोइरालाको ११ बजे नै मनोनयन दर्ताको योजना थियो । तर, एमाले नेतालाई प्रस्तावक या समर्थनमा राखेर  दर्ता गर्ने भन्दै कोइराला कुरिरहेका थिए । कांग्रेस संसदीय दलको बैठकमा एमालेसँग गरिएको सहमतिबारे जानकारी गराइएको थियो ।

एक वर्षभित्र संविधान बनाउँछु: कोइराला
व्यवस्थापिका संसद्बाट सोमबार प्रधानमन्त्री बन्ने निश्चितप्रायः भएपछि कोइरालाले आफ्नो नेतृत्वमा बन्ने सरकारका प्राथमिकता समेत सुनाउन भ्याए । थकित अनुहारमा खचाखच मिडियामाझ करिब १० मिनेट बोलेका कोइरालाले  पहिलो प्राथमिकता १ वर्षभित्रै संविधान जारी गर्नु रहेको बताए । उनले बीपी र गिरिजाप्रसादले लिएको सहमति, सहकार्य र एकताको बाटोबाटै सरकार सञ्चालन गर्ने बताए । '६ महिनाभित्र संविधानको मस्यौदा तयार पार्ने र अर्को ६  महिनाभित्र जारी गरेर छाड्ने प्रतिबद्धता व्यक्त गर्छु,' आफूलाई सहयोग गरेकोमा एमालेका नेताहरूलाई धन्यवाद दिँदै उनले भने, 'संविधानमा सबै पार्टीले आफ्नो स्वामित्व ग्रहण गर्न पाउनेछन् ।'

नेपाली कांग्रेस र नेकपा (एमाले)बीच वर्तमान राजनीतिक परिस्थितिमा अगाडि बढ्ने सम्बन्धमा भएको सहमति

१.१२ बुँदे समझदारी, विस्तृत शान्ति सम्झौता, नेपालको अन्तरिम संविधान, २०६३ र ताजा जनादेशको मूल मर्म र भावनाबमोजिम संघीय लोकतान्त्रिक गणतन्त्रात्मक संविधान एक वर्षभित्र निर्माण गर्ने ।

२.अघिल्लो संविधानसभाबाट संविधान निर्माणको सम्बन्धमा विधिसम्मत भएका सहमतिहरूको निक्र्यौल गर्दै स्वामित्व लिने ।

३.संविधानसभाबाट पारित संविधान सार्वजनीकरण भएपछि र उक्त संविधान प्रारम्भ हुनुअघि संविधानसभा/ व्यवस्थापिका-संसद्बाट राष्ट्रपति, उपराष्ट्रपति, संविधानसभा अध्यक्ष एवं उपाध्यक्ष र प्रधानमन्त्रीको निर्वाचन गर्ने ।  सो सम्बन्धी व्यवस्था गर्न नेपालको अन्तरिम संविधान, २०६३ मा आवश्यक संशोधन गर्ने ।

४.बुँदा ३ मा लेखेबमोजिमको निर्वाचनसम्म वर्तमान राष्ट्रपति र उपराष्ट्रपतिलाई निरन्तरता दिन संविधानसभाबाट अनुमोदन गर्ने ।

५.प्रधानमन्त्री पदका लागि व्यवस्थापिका-संसद्बाट हुने निर्वाचनमा नेपाली कांग्रेस संसदीय दलका नेता माननीय श्री सुशील कोइरालालाई नेकपा

(एमाले) ले समर्थन गरी मतदान गर्ने ।

६.संविधानसभा अध्यक्ष पदमा नेकपा -एमाले)का उम्मेदवारलाई नेपाली कांग्रेसले समर्थन गरी मतदान गर्ने ।

७.नयाँ सरकार गठन भएको सात दिनभित्र साझा सहमतिको न्यूनतम कार्यक्रम र मन्त्रिपरिषद्को आचारसंहिता सार्वजनिक गर्ने ।

    (सुशील कोइराला)                         (झलनाथ खनाल)

     सभापति                                         अध्यक्ष

    नेपाली कांग्रेस                              नेकपा (एमाले)

मिति: २०७० माघ २६

काठमाडौ, माघ २७ -
रेग्मीको चेतावनी- अप्रिय निर्णय गर्नु नपरोस्
शिक्षण अस्पतालका सत्रै विभाग प्रमुखहरूले भने- श्रेष्ठलाई निर्देशक स्विकारिन्न

त्रिभुवन विश्वविद्यालयका उपकुलपतिले शिक्षण अस्पतालका निर्देशक डा. भगवान कोइरालाको राजीनामा स्वीकृत गरेर कनिष्ठ प्राध्यापक डा. रतीन्द्र श्रेष्ठलाई निमित्त निर्देशक बनाएपछि अस्पतालमा फेरि तनाव भएको छ  ।

आइतबार बिहानैदेखि चिकित्सक र विद्यार्थी विरोधमा उत्रेपछि तनाव भएको थियो । चिकित्सकहरू कडा रूपमा प्रस्तुत हुन थालेपछि अस्पताल पुगेको प्रहरी टोली गृहमन्त्रीेको आदेशमा फर्केका थिए । त्रिविले मनोमानीपूर्वक ऐन  नियमको धज्जी उडाएको भन्दै आन्दोलनरत चिकित्सक र विद्यार्थीले चिकित्साशास्त्र अध्ययन संस्थानलाई स्वायत्तसमेत घोषणा गरेका थिए ।

अस्पतालका सबै विभागका प्रमुखहरूले श्रेष्ठलाई निर्देशकको रूपमा स्वीकार नगर्ने जनाएका छन् । अस्पतालका १७ विभागका प्रमुखहरूले आइतबार त्रिवि उपकुलपतिलाई हस्ताक्षरसहितको पत्र लेखेर अस्पतालमा उपनिर्देशक हुँदाहुँदै निमित्त कार्यकारी निर्देशकमा डा. श्रेष्ठको नियुक्ति नियमसंगत नभएको जनाएका हुन् ।  उनीहरूले उक्त निर्णय नसच्चिएसम्म यसको विरोध र अवज्ञा गर्ने उल्लेख गरेका छन् । संस्थानका डिन डा. विमल सिन्हाका अनुसार बिहानको बैठकमा उपस्थित सबै विभागीय प्रमुखहरूले नयाँ निर्देशक नियुक्तिको विरोध गर्दै उक्त  निर्णय नमान्ने अडान व्यक्त गरेका थिए ।

चिकित्सक-विद्यार्थीको व्यापक विरोधका कारण श्रेष्ठले आइतबार पद बहाली गर्न सकेनन् । आवासीय चिकित्सक एवं एमबीबीएस विद्यार्थीले श्रेष्ठ अस्पताल प्रवेश गरे उनको प्रतिकार गर्ने घोषणा गरेका छन् । शिक्षण अस्पतालस्थित  प्राध्यापक संघ र फ्याकल्टी डाक्टर्स एसोसिएसनले नवनियुक्त निर्देशक श्रेष्ठको मातहतमा काम गर्न नसक्ने निर्णय गरेका छन् । एसोसिएसनले विरोधका कार्यक्रम सोमबार तय गर्ने जनाएको छ । रेजिडेन्ट डाक्टर एसोसिएसनले पनि  आन्दोलन थालेको छ । एसोसिएसनले नवनियुक्त निर्देशक श्रेष्ठलाई असहयोग गर्ने उल्लेख गर्दै उनको विरोधमा सोमबारदेखि अस्पतालका आकस्मिकबाहेकका सेवामा सरिक नहुने जनाएको छ ।

नेपाल चिकित्सक संघले सरकार र सरोकारवाला निकायले डा. गोविन्द केसी पुनः आमरण अनशनमा बस्ने परिस्थिति सिर्जना गरिएकोमा आपत्ति जनाउँदै तुरुन्त समस्या समाधान गर्न माग गरेको छ । संघका अध्यक्ष डा. अन्जनी  झाले सरकारसँग दुई साताअघि गरिएको सम्झौता तुरुन्त कार्यान्वयन नगरे कडा पाइला चाल्न बाध्य हुने बताएका छन् ।

रेग्मीको चेतावनी- अप्रिय निर्णय गर्नु नपरोस्

यसैबीच मन्त्रिपरिषद् अध्यक्ष खिलराज रेग्मीले डा.गोविन्द केसीको अनशन प्रकरण धेरै लम्बिसकेको जनाउँदै त्रिवि पदाधिकारीले सकारात्मक निर्णय नगरे सोमबार आफू नै 'अपि्रय निर्णय गर्न बाध्य हुने' चेतावनी दिएका छन् । रेग्मीले  बारम्बारको अनुरोधसमेत त्रिवि पदाधिकारीले बेवास्ता गरेकोमा बैठकमा आपत्ति जनाएका थिए ।

प्रधानमन्त्री कार्यालयमा चिकित्साशास्त्र अध्ययन संस्थानका पदाधिकारी, त्रिविका उपकुलपति, रेक्टर, रजिस्ट्रार, शिक्षा, गृह, स्वास्थ्य र कानुनमन्त्री र मुख्य सचिव एवं अन्य तीन सचिवहरूको उपस्थितिमा गरेको विशेष आकस्मिक बै ठकमा रेग्मीले उक्त चेतावनी दिएका हुन् ।

डिन प्रस्ताव गर्ने तीन सदस्यीय समितिबाट एकले राजीनामा दिएकाले नयाँ समिति बनाएर तुरुन्त डिन प्रस्ताव गर्न उनले निर्देशन दिएको बैठकमा सहभागी रेजिडेन्ट डाक्टर्स एसोसिएसन अध्यक्ष डा. किशोर खनालले बताए । रेग्मीले  त्रिवि पदाधिकारीलाई सोमबार बिहानसम्म डा. केसी अनशनको समाधान नगरे आफू पाइला चाल्न बाध्य हुने चेतावनी दिएका थिए ।

शिक्षामन्त्री माधव पौडेलले डिन लगायतका कुनै नयाँ नियुक्ति नगर्न त्रिवि निकायलाई निर्देशन दिँदादिँदै पनि अवहेलना गर्दै नियुक्त गरेर हालको प्रतिकूल अवस्था सिर्जना गरेको बताएका थिए ।

काठमाडौ, माघ २३ - सोनाक्षी सिन्हा र शाहिद कपुर बलिउडका नयाँ लभ बर्डस् बन्ने सम्भावना देखिँदै गएको छ । पहिले करिना कपुर र पछि प्रियंका चोपडासँग डेटिङ गर्न भ्याएका शाहिद अब सोनाक्षीतिर ढल्किएको पुष्टि हुँदै छ । ताली दुवै हातबाट बजिरहेको छ र ताल पनि खुबै जमिरहेको छ ।

हालैको कुरा हो, करण जौहरले 'दबंग' गर्ललाई आफ्नो टेलिभिजन कार्यक्रम 'कफी विथ करण' मा निम्तो पठाएछन् । सोनाक्षीले भनिदिइन् कि 'शोमा शाहिदलाई पनि निम्त्याए मात्रै म आउँछु ।' २६ वर्षीया 'लुटेरा' नायिकाले जे सोचेको त्यही भयो । करणसँग एकअर्काको प्रशंसा गर्दै दुवैजनाले समय बिताए ।

शाहिद र सोनाक्षी अभिनीत फिल्म 'आर... राजकुमार' ले बक्स अफिसमा राम्रै गरेको थियो । यसपछि नै दुई बीच सम्बन्ध विस्तार भएको मानिन्छ । सम्बन्ध निकै गाढा बनिसकेको अडििल काट्न थालिसकिएको छ । करणले शोमा जब सोनाक्षीलाई मन पर्ने अभिनेताबारे सोधे, सोनाक्षीले अलिकति पनि ढिला नगरीकन भनिदिइन्, 'शाहिद कपुर र अक्षय कुमार ।'

जब यही प्रश्न शाहिदलाई सोधियो, ३२ वर्षीय 'फिदा' ब्वाईले पनि हत्त न पत्त सोनाक्षीकै नाम लिए । 'आजसम्म मैले जति अभिनेत्रीसँग काम गरें,' उनले भने, 'सोनाक्षीजस्ती बेस्ट अरू पाइनँ ।'

केही दिनअघि एउटा अवार्ड समारोहमा जब शाहिदले परर्फम गरिरहेका थिए, सोनाक्षी ताली बजाउँदै 'चियर' गरिरहेकी थिइन् । 

पाल्पा, माघ २३ - सिद्दार्थ राजमार्ग अन्तर्गत पाल्पाको चिदीपानी गाविस-२ भालुखोला नजिकै बिहिबार बिहान भएको रात्रि बस दुघर्टनामा १४ जनाको मृत्यु भएको छ । पोखराबाट भैरहवाकालागि बुधबार साँझ ८ बजे छुटेको लु १ ख ४९२४ नम्बरको रात्रि बस दुर्घट्ना भएको हो । घाइते ७ जनाको उद्दार गरिएको छ । उनीहरुलाई तानसेनको मिसन अस्पताल र प्रभासको लुम्विनी मेडिकल कलेजमा उपचारका लागि ल्याइएको छ ।

दुघर्टनामा परेर ज्यान गएकाहरुको परिचय खुल्न सकेको छैन । जिल्ला प्रहरी कार्यालय पाल्पाका अनुसार दुघर्टनाग्रस्त बस सडकबाट करिब ५ सय मिटर तल खोलामा खसेको छ । प्रहरीका अनुसार बिहान करिब साढे २ बजे दुर्घट्ना भएको हो । नेपाल प्रहरी, नेपाली सेना र स्थानीय बासिन्दा यात्रुको उद्दारका लागि खटिएका छन् । घटनास्थलमा रहेका प्रहरी निरीक्षक कृष्णप्रसाद सापकोटाका अनुसार पहाड र भीर भएकाले उद्दार गर्न समस्या आएको छ ।

काठमाडौ, माघ २३ - राष्ट्रपति/उपराष्ट्रपति निर्वाचनको मुद्दा नसल्टिँदा कांग्रेस र एमालेबीच सत्ता बाँडफाँडको विषय झन् जटिल बनेको छ । संसद्मा आउँदो सोमबार प्रधानमन्त्री चयन गर्ने गरी निर्वाचन कार्यक्रम प्रकाशित भइसकेको छ । तर, कुरा मिल्न नसक्दा मन्त्रालय बाँडफाँड र साझा कार्यक्रमबारे दुई दलबीच छलफल अघि बढ्न सकेको छैन ।

एमाले उपाध्यक्ष वामदेव गौतमले दुवै दलका वार्ता समितिको बुधबार बसेको बैठकमा राष्ट्रपति निर्वाचनकै विषय नमिल्दा सत्ता बाँडफाँडको विषय प्रवेश नभएको जनाए ।

कांग्रेसले संविधान जारी गरिसकेपछि राष्ट्रपति निर्वाचन गर्ने गरी सहमतिमा आउन एमालेलाई आग्रह गरेको छ । एमालेले नयाँ निर्वाचन हुनुपर्ने विषयलाई पार्टीको संस्थागत धारणा बनाइसकेको अवस्थामा पछि हट्न नसक्ने जनाएको छ । उसले सरकार निर्माणका बेला हुने दुई दलबीचको सहमतिभित्रै यसलाई टुंग्याउनुपर्ने अडान राखेको छ ।

'राजनीतिक, संवैधानिक र नैतिक हिसाबले पनि राष्ट्रपति/ उपराष्ट्रपतिको निर्वाचन हुनैपर्छ,' एमाले संसदीय दलका नेता केपी ओलीले बुधबार भने, 'कोही व्यक्ति राम्रो वा नराम्रो लागेर भनेको होइन, यो लोकतान्त्रिक मूल्यमान्यताको विषय हो ।' यसलाई सत्ता बाँडफाँडको 'बार्गेनिङ' मा भने नजोड्ने एमाले नेताहरूले बताएका छन् । दुवै दलका वार्ता टोलीबीच बसेको करिब एक घन्टाको बैठकले राष्ट्रपतिको विषय टुंग्याउन शीर्ष नेतालाई जिम्मा दिने टुंगो लगाएको छ । सभामुख, उपसभामुख, मन्त्रालय, संसदीय र संवैधानिक समितिहरूको बाँडफाँड एकैचोटि प्याकेजमा सक्ने गरी बिहीबार छलफल सुरु गरिने गौतमले जानकारी दिए । समितिमा कांग्रेसबाट केन्द्रीय सदस्यहरू रामशरण महत, दीपकुमार उपाध्याय तथा एमालेबाट उपाध्यक्ष गौतम र सचिव विष्णु पौडेल छन् ।

कांग्रेसका वार्ता समिति सदस्य उपाध्यायले राष्ट्रपति निर्वाचनको विषयमा बिहीबारै शीर्ष तहमा छलफल हुने बताए । औपचारिक वार्तामा दुवै दल पछि नहटे पनि अनौपचारिक तहमा भने बीचको बाटोबाट हल खोज्ने विकल्पहरूमाथि छलफल भइरहेको स्रोतले बतायो ।

ती विकल्पहरूमा तत्काल राष्ट्रपति/उपराष्ट्रपतिको निर्वाचन गर्ने, वर्तमान राष्ट्रपतिलाई निरन्तरता दिनुपर्ने अवस्थामा संविधानसभाले अनुमोदन गर्नुपर्ने, एक वर्षमा संविधान जारी गरी संविधानसभा संसद्मा रूपान्तरण हुनुअघि एक पटकका लागि अन्तरिम राष्ट्रपतिको चुनाव गर्ने छन् । त्यस्तै, राष्ट्रपति र प्रधानमन्त्रीमध्ये एक पाउनुपर्ने एमालेको मागलाई सम्बोधन गर्न सरकारको नेतृत्व आलोपालो गर्ने विकल्प पनि दलका नेताहरूबीच अनौपचारिक छलफलमा छ ।

कांग्रेस नेता महतले सत्ताको बाँडफाँड मिलाउने विषय जटिल रहेको बताए । राष्ट्रपतिको मुद्दा व्यवस्थापन गरेपछि पनि मन्त्रालयमा सहमति गर्न सजिलो देखिँदैन । शक्तिशाली र प्रभावशालीमा गृह, अर्थ, सञ्चार, स्थानीय, भौतिक योजना तथा निर्माण, ऊर्जा र शिक्षा मन्त्रालय मानिन्छन् । तीमध्ये गृह र अर्थमा दुई दलको मुख्य 'बार्गेनिङ' छ ।

'प्रधानमन्त्रीय प्रणालीलाई मर्यादित बनाउने दिशामा पनि एमालेले सोच्नुपर्छ,' गृह मन्त्रालय कांग्रेसले पाउनुपर्ने तर्क गर्दै उपाध्यायले भने, 'माधव नेपालले नेतृत्व गरेको सरकारका पालामा दोस्रो शक्ति भएर पनि कांग्रेसले उदारता देखाएकै हो । त्यतिबेला हामीले गृह, अर्थ मन्त्रालय दुवैमा दाबी गरेनौं ।'

काठमाडौ, माघ २३ - गुन्डाको खुकुरीको प्रहार रोक्ने क्रममा दाहिने हातको हड्डी दुई टुक्रा भएका बारा भरतगन्जका गोकर्ण थापाले रकम जुटाउन नसक्दा उनको अपरेसन हुन सकेको छैन । चिकित्सकका अनुसार उनको हड्डी काटिएको ठाउँमा अपरेसन गरी प्लेट राख्नुपर्ने भएको छ । तर रकम डिपोजिट गर्न नसकेपछि उनलाई 'खर्च जुटाएर आउनू' भन्दै अस्पतालले चार दिनअघि 'डिस्चार्ज' लेखिदिएको छ । तर घर जाँदैमा खर्च जुटाउने कसरी ? त्यसैले उनी बुधबारसम्म पनि नारायणी उपक्षेत्रीय अस्पतालकै बेडमा थिए । खुकुरीको घाउ निको पार्न बायाँ हत्केलामा १५ र कुममा आठ टाँका लगाइएको छ । 'अहिलेसम्म २० हजार खर्च भइसक्यो,' उनले भने, 'अब उपचार खर्च जुटाउने कुनै उपाय छैन ।'

अरूको १० कट्ठा जग्गा भाडामा लिएर केरा खेती सुरु गरेका थापासँग नगदेबाली लगाएबापत गुन्डाले रकम (हप्तावारी) मागेका थिए । नदिएपछि १७ गते उनीमाथि खुकुरी प्रहार भयो । जाहेरी दिए पनि आक्रमणकारी पक्राउ परेका छैनन् ।

धुनी ताप्दा आगोको लप्काले जलेकी पर्साको रानीगञ्जकी राजवंशी राउत पनि उपचारका लागि बेखर्ची छिन् । धान बेचेर, ऋण लिएर जुटाएको ९ हजार रुपैयाँ सिद्धिएको र थप पैसा जुटाउन नसकेको छोरा ध्रुव राउतले बताए ।

गरिबका लागि उपचार गर्न सरकारले नारायणी उपक्षेत्रीय अस्पताललाई वाषिर्क ६० लाख रुपैयाँ दिन्छ । 'तर सरकारी खर्चमा उपचार पाउन राजनीतिक दलका नेता वा अस्पतालका पदाधिकारीसम्म पहुँच हुनुपर्छ,' सोही अस्पतालका एक कर्मचारीले भने, 'बरु कर्मचारीले नै नक्कली बिरामी खडा गरेर वा आफंै माग फारम भरेर औषधि किनेको नक्कली बिल बनाई पैसा खान्छन् ।'

स्वास्थ्य उपचार खर्चसम्बन्धी निर्देशिकामा आर्थिक अवस्था कमजोर हुने व्यक्तिलाई बढीमा ५ लाख रुपैयाँसम्म औषधोपचार खर्च दिने व्यवस्था छ । त्यस्तो खर्च अस्पतालको बिलको आधारमा दिइने छ । क्यान्सर, मृगौलाजस्ता कडा रोग लागी विदेशमा उपचार गर्न जानुपर्दा अनिवार्य रूपमा मेडिकल बोर्डको अगि्रम स्वीकृति लिनुपर्ने छ । निर्देशिकाको उद्देश्य आफैं उपचार खर्च बेहोर्न नसक्ने व्यक्तिलाई मात्र सरकारले आर्थिक सहायता दिने हो ।

तर राजनीतिक नेता, प्रधानमन्त्री, मन्त्री वा उच्च सरकारी अधिकारीसँग पहुँच पुर्‍याउन सक्ने व्यक्तिले भने आफ्नो आर्थिक अवस्था राम्रै भए पनि निर्देशिका विपरीत सरकारी कोषबाट औषधोपचार खर्चबापत दसौं लाख रुपैयाँसम्म लिइरहेका छन् । यसैको उदाहरण हुन्- सर्वोच्च अदालतका न्यायाधीश रामकुमार साह । सरकारले साहलाई बैंककमा गरेको उपचारको ८० लाख रुपैयाँ हालै शोधभर्ना दिएको छ ।

न्यायाधीश साहले गरेको उपचारमा विदेशी मुद्रा अपचलन भएको देखिएको छ । साहले सुरुमा अपरेसन गर्दा लागेको खर्चबापत २९ लाख २६ हजार ९ सय रुपैयाँ (९ लाख ६ हजार १ सय ७३ भाट) अस्पताललाई भुक्तानी गर्न माग गरेका थिए । उक्त रकम दूतावासमार्फत पठाउन खोज्दा न्यायाधीशको परिवारले भुक्तानी भइसकेको भन्दै सोझै यहीं बुझेका थिए ।

फलोअपमा जाँदा मस्तिष्कमा रगत जमेको देखिएपछि थप उपचार गरेको भन्दै ५० लाख ३९ हजार रुपैयाँ (१५ लाख ६० हजार भाट) दोस्रो चोटि बुझेका थिए । '८० लाख रुपैयाँ बराबरको विदेशी विनिमय कसरी प्राप्त भयो भन्ने खोजीको विषय हो,' राजस्व अनुसन्धान विभागका एक अधिकारीले भने, 'यहाँ त सरकारले उल्टै शोधभर्ना पो गर्‍यो ।'

स्वदेशमा उपचार नहुने बेहोरासहितको सिफारिस अस्पतालले गरे राष्ट्र बैंकले विदेशी विनिमय उपलब्ध गराउने इजाजत दिन्छ । अस्पतालले लेखिदिएको अनुमानित खर्चको आधारमा विदेशी विनिमय पाइन्छ । उक्त रकम अपुग भए अस्पतालको बिल पेस गरी थप विदेशी विनिमय लिन सकिन्छ । न्यायाधीशले यस्तो सिफारिस पेस गरी विदेशी विनिमय लिएको नदेखिएको पनि स्रोतले बतायो । 

ट्युमर -सबड्युरल हेमाटोमा) का बिरामी साहले थाइल्यान्ड गएका बेलामा बैंकक अस्पतालमा गराएको शल्यक्रियाको खर्च दुई पटक दाबी गरी उक्त रकम मन्त्रिपरिषद्ले निर्णय गरी दिएको हो ।

न्यायिक स्वच्छता विषयको एक कार्यक्रममा भाग लिन गएका बेला उनले साउन १ गते बैंकक अस्पताल भर्ना भई शल्यक्रिया गराएका थिए । सुरुमा उनले कानुन मन्त्रालयमार्फत रकम माग गरेकामा अर्थले दिन नमिल्ने भनेपछि मन्त्रिपरिषद्ले निर्णय गरिदिएको थियो । मन्त्रिपरिषद्ले निर्णय गरेपछि अर्थले इन्कार गर्न मिल्दैन । अख्तियार दुरुपयोग अनुसन्धान आयोगको क्षेत्राधिकारमा पनि पर्दैन । अस्पतालको भुक्तानी गर्न भनेर निवेदन दिइएकाले अर्थले दूतावासमार्फत रकम पठाउन खोजेकामा न्यायाधीशले रकम भुक्तानी गरिसकेको भन्दै सोझै आफूलाई पठाइदिन निवेदन

दिएका थिए ।

सर्वोच्च अदालतका न्यायाधीशको पारिश्रमिकसम्बन्धी ऐन, २०२६ अनुसार न्यायाधीशले बिलबमोजिम उपचार खर्च पाउँछन् । तर यस्तो खर्च सेवा अवधिभरिमा एक वर्षको तलब बराबरको रकममा नबढ्ने गरी हुनुपर्छ । सरकारी अस्पताल भएका ठाउँमा निजी अस्पतालमा शल्यक्रिया गरे त्यो खर्च पाइन्न ।

न्यायाधीशले बैंककमा सिकिस्त भई आकस्मिक शल्यक्रिया गर्न परेकाले प्रक्रिया पूरा नभए पनि रकम पाउनुपर्ने जिकिर गरेका थिए । सरकारी कामकै सिलसिलामा बिरामी परेकाले रकम पाउनुपर्ने उनको दलिल थियो ।

निजामती सेवाका विशिष्ट श्रेणीका अधिकृत -सचिव) ले मृगौला र मुटुसम्बन्धी रोगका साथै क्यान्सर भए बढीमा ५ लाख रुपैयाँ उपचार खर्च पाउँछन् । 'अब अरूले पनि विदेश गएका बेला उपचार गराउने र खुत्रुक्क ढलेपछि अस्पताल भर्ना भएँ भन्दै पैसा माग्ने खतरा भयो,' मन्त्रिपरिषद् कार्यालयका एक अधिकारीले भने, 'राज्यकोषबाट पाइने भएपछि यहीं हुने शल्यक्रियामा पनि स्थानीय अस्पताललाई भर गर्ने कति नै हुन्छन् र ?' 

संगीतकार दीपक जंगम, साहित्यकार कुमारबहादुर जोशी, खेलाडी सुरेन्द्र हमाल, प्राध्यापक सौभाग्यजंग कार्कीले पनि उपचारका लागि सरकारबाट ५/५ लाख रुपैयाँ पाएका थिए । गायक फत्तेमान राजभण्डारीको मृत्यु भएपछि परिवारले ५ लाख रुपैयाँ पाएको छ ।

अन्यत्रबाट गरेको सिफारिसमा अर्थले आनाकानी गर्ने भएकाले मन्त्रिपरिषद्बाटै निर्णय गराएर आर्थिक सहायता लिनेक्रम बढेको

छ । गत आर्थिक वर्षमा आर्थिक सहायता शीर्षकमा भएकोभन्दा बढी खर्च चालू वर्षको ६ महिनामै भएको छ । सरकारले यो वर्ष बाँडेको आर्थिक सहायता ७ करोड रुपैयाँ पुग्न थालेको छ । गत वर्ष साढे ५ करोड रुपैयाँ सहायता दिएको थियो ।

मन्त्रिपरिषद् कार्यालयसम्बद्ध स्रोतका अनुसार राजनीतिक दलको सरकार हुँदा तिनकै नेता, कार्यकर्ता र आसेपासेले आर्थिक सहायता पाउने गरेकामा अहिले कर्मचारी पृष्ठभूमिकाले बढी फाइदा उठाएका छन् । यो वर्ष सहायता पाउनेमा पाल्पाका बासिन्दा बढी रहेको पनि स्रोतले जनायो । मन्त्रिपरिषद् अध्यक्ष्ा र शक्तिशाली मन्त्री माधव घिमिरे दुवै पाल्पाका हुन् ।

मन्त्रिपरिषद्ले निर्णय गरेपछि निकासा दिन बाध्य भइने अर्थसचिव शान्तराज सुवेदीले बताए । अर्थको सहमति नलिई आर्थिक सहायताको निर्णय नगर्न मन्त्रिपरिषद् कार्यालयलाई अनुरोध गरिएको पनि उनले बताए । 'न्यायाधीशको पछिल्लो निर्णय -पुस २५) यता आर्थिक सहायताको एउटै निर्णय भएको छैन,' उनले भने ।

काठमाडौ, माघ २२ - एमालेमा अध्यक्ष झलनाथ खनाल र नेता केपी ओलीको सम्बन्ध धेरै सुमधुर छैन । दुवै नेता पार्टीभित्र विगतदेखि नै आमने सामने जस्तो रहँदै आएका छन् । खनाल २०२५ र ओली २०२६ सालदेखि पार्टीमा लागेका हुन् । समकालीन भए पनि खनाल पार्टीको प्रमुखदेखि प्रधानमन्त्रीसम्म भएका छन् । ओली भने पार्टी र सरकार दुवै मोर्चामा पहिलो स्थानमा पुगेका थिएनन् । उनी यसअघि सरकारमा उपप्रधानमन्त्री, पार्टीका स्थायी समिति सदस्य र संसदीय दलमा उपनेतासम्म बनेका थिए ।

२०३९ देखि २०४६ सम्म तत्कालीन मालेको महासचिव, २०६४ को संविधानसभा चुनाव पराजयपछि महासचिव र २०६५ को आठौं महाधिवेशनबाट अहिलेसम्म अध्यक्ष गरी खनाल झन्डै १३ वर्ष पार्टीको प्रमुख भूमिकामा छन् । माले र माक्र्सवादीको एकीकरण्ाबाट एमाले बनेपछि महासचिवमा मदन भण्डारी आए । भण्डारीको उदयपछि खनालको भूमिका कमजोर भयो । भण्डारीको सहयोगीका रूपमा ओलीको पार्टीमा प्रभाव जम्यो । पाँचौं महाधिवेशनमा ओली भण्डारीले ल्याएको बहुदलीय जनवादको कार्यक्रमका पक्षमा उभिए । खनालले महासचिव सीपी मैनालीलगायतसँग मिलेर 'नौलो जनवादी' कार्यक्रम अघि सारे । महाधिवेशनले बहुदलीय जनवादको कार्यक्रम पारित गर्‍यो । त्यसपछि सैद्धान्तिक रूपमा खनाल र ओली फरक- फरक कित्तामा रहे । महाधिवेशनमा आफ्नो कार्यक्रम पारित भएपछि पार्टी प्रमुख भइसकेको व्यक्ति भए पनि खनाललाई भण्डारीले वास्ता गरेनन् । केन्द्रीय सदस्यको हैसियतमा मात्र सीमित गरिदिए ।

०५० मा मदन भण्डारीको निधनपछि एमालेमा माधव नेपाल महासचिव भए । नेपाल प्रमुख पदमा आएपछि पनि खनाल पार्टीभित्र छायामा परे । नेपालको कार्यकालमा ओली पार्टीभित्र प्रतिपक्षको भूमिकामै रहे । अघिल्लो संविधानसभा चुनावमा नेपाल र ओली दुवै हारेपछि खनाललाई फेरि नेतृत्व गर्ने अवसर जुट्यो । त्यसपछि फेरि खनाल र ओलीको टकराव सुरु भयो । २०६५ को आठौं महाधिवेशनमा अध्यक्षमा दुवै नेता भिडे । खनालले जिते । जित स्वीकारे पनि ओलीले सुरुमै फर्जी प्रतिनिधिका आधारमा जितेको भन्दै आरोप लगाए । चुनाव जितेपछि खनालले पनि ओली र उनको पक्षलाई समेटेर लानेमा ध्यान दिएनन् । ओलीले पनि खनालको जितलाई स्वीकारेर पार्टी सञ्चालनमा सहयोग गरेनन् । आठौं महाधिवेशनपछि उनीहरूबीच प्रमुख रूपमा एमाओवादीलाई हेर्ने दृष्टिकोणको विषयलाई लिएर मतभेद भयो । खनाल एमाओवादीसँग मिलेर जानुपर्ने पक्षमा रहे भने ओली एमाओवादी नभई कांग्रेससँग सहकार्य गर्नुपर्ने पक्षमा उभिए । एमाओवादीसँगको समीकरण मिलाएर खनाल प्रधानमन्त्री बने तर ओली पक्षको सहयोग भएन । प्रधानमन्त्रीकालमा एमाओवादीले पनि सहयोग नगरेपछि खनालको पनि उसलाई हेर्ने दृष्टिकोणमा केही परिवर्तन आयो । तीव्र गुटबन्दीले पार्टी नै समाप्त हुने स्थिति आउन थालेपछि पहिलो राष्ट्रिय प्रतिनिधि परिषद्को बैठकको अवसर पारेर खनाल-ओलीले आन्तरिक एकताको घोषणा गरे । त्यसपछि झन्डै डेढ वर्ष उनीहरूबीच धेरै विवाद भएन । तर संविधानसभाको दोस्ा्रो निर्वाचन गर्ने बेलामा उम्मेदवारी चयन र पार्टीका आउँदो अधिवेशनको विषयलाई लिएर खनाल र ओलीबीच मनमुटाव बढ्यो । यसकौ कारण मंगलबार संसदीय दलमा दुवै नेता चुनावी प्रतिस्पर्धामा उत्रिए ।

काठमाडौं- संविधानसभा निर्वाचनमा दुई स्थानबाट विजयी सभासदले एक-एक निर्वाचन क्षेत्र छाडेका छन्। कांग्रेस सभापति सुशील कोइरालाले चितवन ४ छोडेर बाँके ३ रोजेका छन्।
संविधानसभा निर्वाचनमा काठमाडौं २ र रौतहट १ बाट विजयी एमाले नेता माधव नेपालले काठमाडौं छोडेका छन्।
संविधान सभा निर्वाचनमा २ ठाउँबाट विजयी सभासदले एक स्थान छोड्न पर्ने नियम अनुसार सभासदहरुले एउटा निर्वाचन क्षेत्र छोडेका हुन्। आज बसकेको संविधानसभा बैठकमा ज्यष्ठ सदस्य सुर्यबहादुर थापाले दुई स्थानमा विजयी सभासदले छोडेको निर्वाचन क्षेत्रबारे जानकारी दिए।
यस्तै कांग्रेस नेता शेरबहादुर देउवाले कैलाली ६ छोडेर डडेलधुरा १ रोजेका छन्। एमाले उपाध्यक्ष बामदेव गौतमले बर्दिया १ छोडेर प्युठान १ रोजेका छन्।
सभासदले निर्वाचन क्षेत्र छोडेको ६ महिना भित्र अर्को निर्वाचन गरिसक्नुपर्ने हुन्छ।

बलिउड नायक रणवीर सिंह यतिबेला साहरुख खान बन्ने सपना देखिरहेका छन् । यसैले त उनी साहरुख खानको सर्वाधिक सफल सिनेमा ‘दिलवाले दुल्हनिया ले जायंगे’ र ‘चक दे इन्डिया’को कुरा गर्न थालेका छन् ।

मिडियाले बलिउडका सर्वाधिक सफल निर्माता तथा निर्देशक आदित्य चोपडासँग काम गर्न लागेको बिषयमा सोधेको प्रश्नमा रणवीरले त्यस्तो भैदिए आफ्नो सपना पुरा हुने बताए । उनले आदित्यका ‘दुल्हनिया ले जायंगे’ र ‘चक दे इन्डिया’ कैयौ पटक हेरेको जनाएका छन् ।

जीवनमा एक पटक आदित्य चोपडासँग काम गर्ने उनको सपना छ । रणवीरले कैयौ पटक हेरेका यि दुई सिनेमाका निर्देशक आदित्य चोपडा हुन् भने नायक साहरुख खान ।

चलचित्र ‘रामलीला’ सफल भएपछि रणवीरले साहरुख जस्तो स्टार बन्ने सपना बोक्न थालेको टिप्पणी बलिउडमा गर्न थालिएको छ ।

हड्डी सम्वन्धी बिरामीलाई डाक्टरहरु ‘भिटामिन डी’को चक्की खान सल्लाह दिन्छन् । बच्चा, महिला र बृद्धबृद्धालाई भिटामिन डी पूरक आहारको रुपमा खान सल्लाह दिइन्छ ।

तर, एक अध्ययनले देखाएको छ कि स्वस्थ्य युवामा भिटिमन डीले कुनै खास असर गर्दैन । मेडिकल जर्नल लन्सेन्टमा प्रकाशित अध्ययन अनुसार १०० परीक्षणका क्रममा भिटामिन डीको चक्कीले स्वास्थ्य सम्वन्धी खतरामा कुनै कमी नल्याएको पाइएको छ ।

न्यूजिल्याण्डको अकल्याण्ड विश्वविद्यालयका अध्ययनकर्ताहरुको एक टोलीले यसअघि गरेको परीक्षणको मेटा-एलालाइसिसमा बोन मिनिरल डेन्सिटीमा भिटामिन डीको खास प्रभाव रहेको देखिएको थियो ।

अध्ययनकर्ताहरुका अनुसार हृदयरोग, हृदयघात, क्यान्सर र हड्डी भाच्चिएको सापेक्षिक खतरामा भिटामिन डीले निकै कम अर्थात १५ प्रतिशत मात्रै प्रभाव पार्छ । क्याल्सियमसँग भिटामिन डीको प्रयोग एक स्वस्थ व्यक्तिमा खतरा कम गर्दैन् ।

शोधका अनुसार क्याल्सियम समेत वा यो बिना भिटामिन डीको प्रयोग मृत्युको खतरा कम गर्नेमा शंका छ । रिर्पोटमा भनिएको छ-हाम्रो निष्कर्ष अनुसार मांसपेशी र मुटुसम्वन्धी विमारी, क्यान्सर, फ्र्राक्चर वा मृत्युको खतरा काम गर्न भिटामिन डी सेवनको सल्लाह दिनु राम्रो मान्न सकिदैन ।’

२१ माघ, नयाँदिल्ली । पूर्व क्रिकटर सचिन तेन्दुलकरलाई भारतको सर्वोच्च नागरिक सम्मान भारत रत्नबाट सम्मान गरिएको छ । भारत रत्न पाउने सचिन पहिलो खेलाडी हुन् ।
sachinराष्ट्रपति भवनमा आयोजित एक समारोहतमा राष्ट्रपति प्रणब मुखर्जीले सचिनसँगै रसायन शास्त्री प्राध्यापक सीएनआर रावलाई भारत रत्न प्रदान गरे ।
सम्मानपछि रचिनले भनेका छन्-मलाई गर्व छ कि म भारतमा जन्मिएँ । भलै मेरो व्याटिङ रोकिएको छ । तर, म भारतका लागि लगातार व्याटिङ गरिरहनेछु ।’
सचिनले गत नोभेम्बरमा मुम्बईमा वेष्टइण्डिजविरुद्धको आफ्नो २०० औं टेष्टमा सन्यास लिएका थिए । सचिनले अन्तिम टेष्ट खेलिरहेको बेला भारत सरकारले उनलाई यो सर्वोच्च सम्मान दिने घोषणा गरेको थियो ।
सचिनले करियरमा २०० टेष्ट खेलेका छन् र १५ हजार ९ सय २१ रन बनाएका छन् । टेष्टमा उनको उच्चतम स्कोर २ सय ४८ हो । टेष्टमा उनले ५१ शतक र ६८ अर्धशतक बनाएका छन् । एकदिवसीय क्रिकेटमा ४ सय ६३ खेल खेलेका उनले १८ हजार ४ सय २६ रन बनाएका छन् । जसमा ४९ शतक र ९६ अर्शशतक पनि पर्छ ।

सामाजिक सञ्जालबाट सञ्चारको परम्परागत परिभाषालाई चुनौती दिन सफल फेसबुक यसै सातादेखि १० वर्षको हुँदै छ। एकतर्फी सञ्चार प्रणालीमा रहेका आमसञ्चारका माध्यमलाई पछाडि छोड्दै यो सामाजिक सञ्जालले नयाँ मोडल नै तयार पार्न बाध्य पारेको छ। करिब एक अर्ब मानिस अहिले यो सामाजिक सञ्जालमा अटाएका छन्। यस अर्थमा फेसबुक संसारकै सबैभन्दा ठूलो परिवार बन्न सकेको छ।

मार्क जुकरबर्ग र उनका केही साथीको प्रयासमा फेसबुक तयार भएको थियो। सन् २००४ फेब्रुअरी ४ बाट सामाजिक सञ्जालले सामाजिक र आर्थिक जीवनका धेरै पक्षलाई प्रभावित पार्योए। फेसबुकले १० वर्षमा विश्वलाई एउटै छाताभित्र समेट्यो।
परम्परागत मिडियाका रेटिङहरू यो सामाजिक सञ्जालसामु निरीह बन्दै गए। फेसबुक सामाजिक सञ्जालको दुनियाँमा शीर्ष स्थानमा रह्यो। चर्चित सर्च इन्जिन गुगललाई समेत धेरै देशमा पछि पार्दै लोकप्रिय रहन सफल फेसबुकले कुनै पनि समाज, जाति, लिंग र परिवेशलाई आफूभन्दा बाहिर राखेन। फेसबुक आफैँ भने यस बीचमा अपग्रेड हुने क्रम जारी रह्यो। फेसबुक आफू धनी त भयो, समाजमा पनि यसले विशिष्ट छाप छाड्न सफल भयो। 'ह्याप्पी ए डिकेड फेसबुक!' भनिरहँदा यो सामाजिक सञ्जालले विश्व समुदायमा छाडेका प्रभावलाई बिर्सन सकिन्न।
जन्मदिनको शुभकामना
आफ्ना निकट जो कसैको पनि जन्मदिन सम्झाइदिन फेसबुकले महत्वपूर्ण भूमिका निर्वाह गर्योभ। जन्मदिन सम्झँदैमा हुने त केही होइन तर यसले सम्बन्धलाई नजिक्याउँछ। फेसबुकमा दर्ता भएकाहरूले आफ्नो जन्मदिन इन्ट्री गरेअनुसार उनीहरूसँग जोडिएका सबैले जन्मदिनको नोटिफिकेसन पाउन सके। फेसबुक आउनुअघि जन्मदिनको शुभकामना दिने १० जना हुन्थे भने त्यो दुई सयभन्दा माथि पुग्ने स्थिति बन्यो। कतिपय अवस्थामा सँगै रहेकाले समेत जन्मदिन बिर्सन्थे, फेसबुक नभएको भए।
भर्चुअल एल्बमले लियो ठाउँ
तपाईंको घरमा रहेको एल्बमबाट फोटो गायब भएको सम्झना छ? प्रिन्टको विकल्प नहुँदा मानिसहरू आफ्नो फोटो संग्रह गर्न अरूको एल्बम रित्याइदिन पछि पर्दैन थिए। फेसबुक आएपछि अभौतिक एल्बमले ठाउँ लियो। तपाईंका एल्बमबाट फोटो झिकिने दिन सकिए। अझ भनौँ, तपाईंको घरमा एल्बम राख्ने चलन नै सकिन थाल्यो। फोटो धुलाउने र साट्ने परम्परा समाप्त भयो। सामाजिक सञ्जालमा रहेको फोटोमा ट्याग गरिदिने प्रचलन सुरु भयो। फोटो हराउने पिर त गयो–गयो, धुलाउने परम्परा पनि सकियो। फोटो सेयर गर्ने र टाइमलाइनमा समावेश गर्ने प्रचलनले सबैभन्दा बढी त फोटोको व्यापार गर्नेलाई असर पार्योप। अनौपचारिक गतिविधिका फोटो धुलाउने प्रचलन अहिले समाप्तप्रायः भएको छ।
जोड्यो पुराना सम्बन्ध
फेसबुकले यो १० वर्षमा धेरैलाई पुनर्मिलन गराएको छ। साथीभाइ हुन् या नातागोता, लामो समयदेखि टाढा रहेको भए पनि यो सामाजिक सञ्जालले जोड्दै ल्यायो। नयाँ सम्बन्धका लागि आधार थियो नै तर पुराना साथीभाइलाई भर्चुअल दुनियाँमा भेट गराउनु आफैँमा महत्वपूर्ण घटना हुन्थ्यो। देशभित्र या बाहिर रहेकाबीच पुनर्मिलन हुन थाल्यो। यसले टुटेका सम्बन्धमा नयाँ आयाम ल्यायो। सँगै, समान रुचि र पेशा भएकालाई पनि एकता गराउने थलोको रूपमा विकास भयो फेसबुक। शिक्षक, पत्रकार, लेखक, कलाकार यसैबाट परिचित हुन थाले।
समाज सुधार्ने थलो
फेसबुक समाजका विभिन्न पक्षबारे आवाज उठाउने थलो बन्यो। कतिपय एजेन्डा फेसबुकमा तय हुन थाले। मिडियाले नदेखेका कुरा सामाजिक सञ्जालले उठाउन थाले। मिडियामाथि 'वाचडग'को भूमिकामा पनि रहन थाल्यो फेसबुक। च्यारिटीदेखि रक्तदानसम्मका गतिविधि यो सामाजिक सञ्जालको भरमा सफल हुन थाले। उपचार नपाएर थलिएकाले फेसबुकको सहयोगले उपचार पाउनसक्ने अवस्था भयो। सहयोगी हातहरूकै सञ्जाल बन्न थाल्यो।
व्यापार प्रवर्द्धनमा सहयोगी
व्यापार विस्तारका लागि सामाजिक सञ्जाल गतिलो थलो हो। फेसबुकमा कुनै प्रोडक्ट राख्नुस् र प्रवर्द्धन गर्नुस्। पैसा हुनेका लागि फेसबुकमा आफैँले विज्ञापन गर्नसकिने सुविधासमेत छ। फेसबुकमा कुनै पनि उमेर समूहको उपस्थिति छ। युवा पुस्ताको उपस्थिति त सबैभन्दा बलियो रहेको छ। यस अर्थमा व्यापार गर्न चाहनेका लागि यो राम्रो फोरम हो। पैसा तिरेर विज्ञापन नै गर्ने हो भने पनि फेसबुकसँग रहेको डेटाबेसका आधारमा लक्षित समूहमा मात्र पुग्ने गरी प्रचार गर्न सकिन्छ। पछिल्लो समय त कुनै उत्पादनलाई लाइक र सेयर गराउने होडबाजी नै चलेको छ। यसले ठूलो लगानीमा पत्रिका, टेलिभिजन वा रेडियोमा विज्ञापन नै नगरी प्रवर्द्धन गर्न सकिने अवस्था ल्याएको छ। धेरै कम्पनीले यसबाट फाइदा लिइरहेका पनि छन्।
सेलिब्रिटीसँग सम्बन्ध
तपाईं सेलिब्रिटी हुनुहुन्छ भने फेसबुकबाट तपाईं आफूलाई मन पर्ने फ्यानसँग जोडिन सक्नुहुन्छ। उनीहरूसमक्ष आफ्ना कुरा राख्न सक्नुहुन्छ र उनीहरूको प्रतिक्रिया थाहा पाउन सक्नुहुन्छ। कुनै पनि मुलुकमा रहेर कुनै पनि मुलुकका सेलिब्रिटीसँग नजिकिनु आफैँमा रमाइलो विषय हो। फ्यान पेजबाट पनि सेलिब्रिटीसँग नजिकिन सकिन्छ। टेलिभिजन कलाकारदेखि नेतासम्म फेसबुकभन्दा बाहिर छैनन्। भर्चुअल रूपमा उनीहरूसँग सम्बन्ध राख्ने यो अब्बल माध्यम बन्यो।
पारिवारिक सम्बन्धमा चिसोपन
फेसबुकले धेरैको जीवनमा नकारात्मक असर पनि पारेको छ। सामाजिक जीवनमा गरिने टिप्पणीबाहेक निजी जीवनमा पनि फेसबुक प्रभावकारी माध्यम बनेको छ। यसैकारण फेसबुकमा गरिने टिप्पणी, च्याटलगायत गतिविधिले पारिवारिक सम्बन्धमा जटिलता ल्याउने गरेको छ। फेसबुकका कारण सम्बन्ध–विच्छेदका घटना पनि सार्वजनिक भएका छन। तर, राम्रा पक्षका तुलनामा यस्ता घटनाको संख्या भने ज्यादै न्यून रहने गरेको छ।
आपराधिक गतिविधि र दुष्प्रचार
फेसबुकले सबैलाई लागेको कुरा लेख्न दियो। यसको प्रयोग राम्रोका लागि जसरी भयो, नकारात्मक प्रचारका लागि पनि हुने क्रम सुरु भयो। कसैको विरुद्ध जेहाद नै छेड्ने अभियानहरू पनि यो सामाजिक सञ्जालबाट हुन थाल्यो। अश्लील तस्बिर पोस्ट गर्ने र मानिसका निजी कुरालाई सार्वजनिक गरिदिने माध्यम पनि बन्यो यो।
०००
सिक्काका दुइटा पाटा हुन्छन्। सामाजिक सञ्जाल फेसबुकका पनि दुवै पाटा छन्। तर, महत्वपूर्ण के हो भने यसको सकारात्मक पाटो यति धेरै बलियो छ कि त्योसँग टाँसिएको नकारात्मक पक्ष तुलनात्मक रूपमा ज्यादै कमजोर छ। अर्को कुरा, फेसबुक आफैँमा राम्रो या नराम्रो भन्ने होइन। राम्रा या नराम्रा मानिसले फेसबुकलाई राम्रो या नराम्रो दुई भागमा विभाजित गरिदिएका छन्।

काठमाडौ, माघ २१ - एमाले संसदीय दलको नेताको बिषयमा विवाद मिलाउन शिर्ष नेताहरुबीच भएको अन्तिम प्रयासमा पनि कुरा नमिलेपछि नेताहरु चुनावी प्रक्रियाका लागि सिंहदरवारस्थित संसदीय दलको कार्यालय पुगेका छन् । केहीबेर अघि उपाध्यक्ष बामदेव गौतको निवास भैसेपाटीमा भएको छलफलमा नेताहरुबीच सहमतिमा संसदीय दलको नेता छान्ने विषयमा सहमति जुट्न सकेन । भैंसेपाटीबाट केन्द्रीय कार्यालय बल्खु पुगेका नेताहरु ५ मिनेट जति मात्र केन्द्रीय समितिको बैठकमा सहभागी भएका थिए । बैठकले चुनावी प्रक्रियामा जाने ढोका खोलेको हो । बैठकमा अध्यक्ष खनालले मात्र बोलेका थिए । उनले सहमति गरेरै जाँदा राम्रो हुने भन्दै अझै सहमतिका लागि प्रयास गरिने बताए ।

गौतम निवासको बैठकमा खनाल-नेपाल पक्षबाट अध्यक्ष झलनाथ खनाल, बरिष्ठ नेता माधव नेपाल, सुरेन्द्र पाण्डे, भिम रावल र घनश्याम भुसाल तथा ओली-गौतम पक्षबाट नेता केपी ओली उपाध्यक्ष बामदेव गौतम, महासचिव इश्वर पोखरेल, सचिवद्वय शंकर पोखरेल र विष्णु पौडेल सहभागी थिए । शिर्ष नेतासहितको छुट्टै बैठक चलिरहेकाले केन्दि्रय समितिको ११ बजे बस्ने भनिएको बैठक समयमा बस्न सकेन ।

सिंहदरबारस्थित संसदीय दलको कार्यालयमा भने चुनावी चहल पहल सुरु भइसकको छ । निर्वाचन समितिले २ देखि ३ बजेसम्म उम्मेद्वारी दर्ता र ४ बजे मतदान गर्नेगरी कार्यक्रम प्रकाशित गरेको सभासद् दिपक कार्कीले जानकारी दिए । विद्युतीय मतदान मेसिनबाट चुनाव मतदान गर्ने तयारी छ ।

गौतम निवासमा को छलफल अगाडि सोमबार राति अध्यक्ष खनाल, ओली र गौतमबीच खनाल निवास डल्लुमा  छलफल भएको थियो । उक्त छलफलमा ओली गौतमले पार्टीलाई प्राप्त हुने प्रमुख राजकीय पदहरुमा सर्वसम्मत रुपमा अघि बढ्ने आश्वासन दिदै खनाललाई उम्मेद्वारी नदिने आग्रह गरेका थिए ।

काठमाडौ, माघ २१ - कांग्रेसले भावी सरकारबारे छलफल गर्न मंगलबार केन्द्रीय समिति बैठक बोलाएको छ । बैठकले सत्ता बाँडफाँड लगायत विषयमा औपचारिक धारणा तय गर्ने वरिष्ठ नेता शेरबहादुर देउवाले बताए ।

कांग्रेस सभापति सुशील कोइराला निवासमा पदाधिकारी र केही केन्द्रीय सदस्य सम्मिलित अनौपचारिक बैठकले संयुक्त सरकार निर्माणका लागि अन्य दलसँगको वार्ता र सत्ताको बाँडफाँडबारे औपचारिक धारणा बनाउनुपर्ने निष्कर्ष निकालेको छ । 'केन्द्रीय समितिमा सरकार निर्माणलगायत विषयमाथि विस्तृत छलफल हुनेछ,' बैठकपछि देउवाले भने । एमालेसँग सत्ताको बाँडफाँडलगायत विषयमा समझदारी जुटाउन केन्द्रीय समितिबाट वार्ता समिति बनाउने तयारी कांग्रेसको छ । सभापति कोइरालाले सहमति जुटाउन अनौपचारिक तहमा केन्द्रीय सदस्यहरू रामशरण महत र दीपकुमार उपाध्यायलाई जिम्मा दिएका छन् ।

 उपसभापति रामचन्द्र पौडेलले केन्द्रीय समिति बैठकमा एमालेलगायत दलसँग गर्ने वार्ता, सरकार गठन र त्यसको स्वरूपबारे मंगलबारै औपचारिक धारणा तय गरेर अघि बढ्ने बताए । 'सहमतीय सरकार बन्न नसके पनि बहुमतीय सरकारमा अधिकतम दललाई सहभागी गराउन कांग्रेसको पहल हुनेछ,' उनले भने ।

प्रवक्ता दिलेन्द्र बडुले राजनीतिक दलसँग वार्ता गर्न बैठकबाट औपचारिक रूपमा समिति बनाइने बताए । अनौपचारिक रूपमा महत र उपाध्यायले एमाले वार्ता टोलीसँग छलफल गर्दै आएका छन् । एमालेले सत्ता साझेदारीबारे वार्ता गर्न उपाध्यक्ष वामदेव गौतम र सचिव विष्णु पौडेललाई जिम्मा दिएको छ । कांग्रेस र एमालेबीच राष्ट्रपतिको निर्वाचनबारे मुख्य विवाद छ ।

काठमाडौ, माघ २१ - चिकित्साशास्त्र अध्ययन संस्थानमा सोमबारसम्म डिन नियुक्त नभए पुनः आन्दोलन गर्ने प्रा.डा. गोविन्द केसीले चेतावनी दिएका छन् । सातबुँदे मागसहित १४ दिनसम्म आमरण अनशन गरेपछि सरकार बाध्य भएर डा. केसीको मागलाई सम्बोधन गरेको थियो ।

'मन्त्रिपरिषद्ले निर्देशन दिइसकेको छ, वरिष्ठताका आधारमा डिन नियुक्ति गर्नुपर्ने सबैको माग पनि छ । तर त्रिवि पदाधिकारीहरूले प्रक्रिया लम्ब्याइरहेका छन्,' डा. केसीले शनिबार कान्तिपुरसँग भने, 'यसले उनीहरूको नियतमा खोट देखिन्छ । त्यसैले सोमबारसम्म नयाँ डिन नियुक्ति नगरिए पुनः आन्दोलनको बाटो अख्तियार गर्न बाध्य हुनुपर्नेछ ।' आफ्नो अनशन रोकिए पनि मेडिकल माफिया र भ्रष्टाचारविरुद्घ अभियान जारी रहेको जनाउँदै उनले भने, 'यति हुँदाहुँदै अझै संस्थानमा गडबडी गर्न खोज्ने प्रयास किन भइरहेको छ भन्ने कतै लुकेको छैन ।'

पहिले–पहिले गाउँघरतिरका महिलाहरु आफ्नो परिवारलाई चाहिने स्वीटर लगायतका उनीका कपडा आफै बुन्थे । आजकल मेसिनको जमाना आयो र त्यो चलन हरायो ।

तर, चीनमा एक महिलाले उनीको हैन, आफ्नै कपालको प्रयोग गरी स्वीटर र टोपी बुनेर उपहार दिएकी छिन् । चोङकिङ निवासी यी अवकाशप्राप्त शिक्षिकाले आफ्ना १ लाख १६ हजार ५८ वटा रौैंको प्रयोग गरी स्वीटर बुनेकी छिन् । यसका लागि उनलाई ११ बर्ष लाग्यो ।

‘बैंसका बेला म चम्किलो लामो कपालका लागि प्रसिद्ध थिएँ’ आफ्ना यौवनकाल सम्झँदै ६० बर्षिय सियान रेनसियानले भनिन–‘जब म बढ्दै गयो, मलाई लाग्यो मेरो सौन्दर्यजस्तै यो पनि नासिएर जाँदैछ ।’

‘मैले यसलाई सम्हालेर राख्न चाहान्थेँ’ उनले डेलीमेलसँग भनिन–‘ र, आइडिया निकालेँ– श्रीमानका लागि केही सम्झनायोग्य चीज बनाइदिने ।’
३४ बर्षको उमेरदेखि उनको कपाल झर्न थालेको थियो । उनले ती कपाललाई एक–एक गरी जम्मा पारेर राखिन् । त्यसलाई के मा प्रयोग गर्ने भन्ने उनीसँग केही योजना थिएन् ।

४९ बर्षको उमेरमा अथार्त सन् २००३ मा उनलाई आइडिया आयो श्रीमानका लागि स्वीटर बुनिदिने । ‘पछिल्ला ११ बर्षमा मैले सवै कपालका रौं गनेँ र तीनलाई स्वीटर बुन्न प्रयोग गरिरहेँ ।’ उनी भन्छिन–‘ मैले १ लाख १६ हजार ५८ वटा रौं प्रयोग गरेर स्वीटर बनाएँ जसको तौल ३ सय ८२ दशमलव २ ग्राम छ ।’

आफ्नै कपालबाट उनले ११९ दशमलव ५ ग्रामको टोपी पनि बनाएकी छिन् । ‘जब मैले बुन्ने तरिका जानेँ, तब मलाई यो सवै गर्न कुनै कठिनाई भएन् ।’ उनी भन्छिन–‘यसका लागि मात्र धैर्यता चाहिन्छ र समय पनि ।’

‘यो स्वीटरले मेरो जवानी सम्झाइदिने छ, मैले र मेरा श्रीमान्ले बिताएका सुन्दर क्षणलाई बाँकी जीवनभर ताजा बनाइदिने छ’ उनले भनिन् ।

अब श्रीमानका लागि कट्टु बनाइदिने ? संचारकर्मीको प्रश्नमा उनले भनिन– ‘यो प्रोजेक्ट त सकियो, अब के बनाउने भनेर सोच्दै छु ।’

 ‘म सेमिनारमा भाग लिन अफ्रिका आएको, पैसा लुटिएर बिचमै अलपत्र परेँ मलाई पैसा पठाउनु’ भन्दै तपाईको साथी वा आफन्तबाट इमेल आएको छ ?

साथीको इमेल ठेगानाबाटै यस्तो इमेल आएपछि तपाईंलाई साथीबारे चिन्ता लाग्नु स्वभाविक हो । तर, यसरी आउने इमेल लगभग सवैजसो फर्जी हुन्छन् । साथीकै इमेल ठेगानाबाट आएको पनि कसरी फर्जी हुन सक्छ ? कारण– उनीहरुको इमेल ठेगाना ह्याक गरेर अरु कसैले प्रयोग गरिरहेको हुन्छ ।

आजकल धेरै नेपालीहरुको इमेल ठेगाना ह्याक भएर पिडीत बन्नुपरेका खवरहरु सार्वजनिक हुन थालेका छन् । कतिपय सेलिब्रिटी र नेताहरु नै इमेल ह्याक भएको भन्दै पीडा पोख्ने गर्छन् ।

आफ्नो इमेल ह्याक हुनबाट बचाउन धेरै सुरक्षाका उपायहरु अपनाउनु जरुरी छ । यदि कसैले तपाईको जानकारी बिनै तपाईको इमेल चलाइरहेको छ भने कसरी थाहा पाउने ? आज हामी तपाईलाई जीमेल ह्याक भएको कसरी थाहा पाउने भन्नेबारे केही महत्वपूर्ण जानकारी दिँदै छौं ।

जीमेलमा यस्ता धेरै सूचकहरु छन जहाँबाट तपाईको जीमेल ह्याक भएको छ कि छैन भन्ने जानकारी लिन सकिन्छ ।

वर्षको सुरुवातमै बलिउडस्टार सलमान खानलाई ठूलो झट्का लाग्यो । उनको बहुप्रतिक्षीत फिल्म ‘जय हो’ ले बक्सअफिसमा कमाल गर्न नसकेपछि वर्षको सुरुवातमै निराश हुनुपरेको छ।

जसोतसो फिल्मले सय करोडका आँकडा छोए पनि दर्शकले जय हो लाई सलमानकै फिल्मका रुपमा ठान्न सकेनन् । दर्शकलाई आफ्ना पि्रय सल्लुबाट ठूलो धमाकाको अपेक्षा गरेका थिए तर न त धमाका नै हुनसक्यो न नै फिल्मले कुनै रेकर्ड तोड्न सक्यो ।

वर्षको सुरुमै झट्का बेहोरेपनि सलमानमा फिल्म रिमेक गर्ने भुत भने उत्रेको छैन । जानी राख्नुस् जय हो दक्षिण भारतीय फिल्म स्टालिनको रिमेक हो । जय होले निराश बनाएपछि फिल्म रिमेक गर्ने रहर सलमानले त्यागेको अुनमान गरिएको थियो ।

सबैको अनुमानलाई गतल सावित गर्दै सलमानले भनेका छन्, ‘कसले भन्यो कि म दक्षिण भारती फिल्मको रिमेक गदिर्न ? के मैले यस्तो भनेको छु ?, भनेको छैन । जब मेरो हातमा कुनै राम्रो रिमेक आउँछ म जरुर गर्नेछु ।’

सलमानले अहिलेसम्म वान्टेड, बडिगार्ड र रेड्डीसहित चार रिमेक फिल्ममा काम गरिसकेका छन् । यी फिल्मले रेकर्ड बे्रक कमाई गरेका थिए । सलमानलाई अब उनको आउन लागेको फिल्म किकबाट ठूलो आशा रहेको छ । किकको निर्देशन साजिद नाडियावालाले गरिरहेका छन् । फिल्मको निर्माण भने सलमान आफैंले गरेका हुन् । यो फिल्ममा सलमानकी हिरोइन जेकलिन फर्नान्डिज रहेकी छन् । यो फिल्म इदका अवसरमा रिलिज हुँदैछ ।