बैंक लुटेको आरोपमा प्रवन्धकका भाइसहित ५ पक्राउ
पक्राउ पर्नेमा नबिल बैंक शाखा महेन्द्रगरका प्रबन्धक बिसन सिंहका भाइ दिलबहादुर सिंह समेत छन् । उनलाई चाँदनीबाट पक्राउ गरिएको कैलालीका प्रहरी नायब उपरीक्षक रमेश पण्डितले बताए ।
बैंकका कर्मचारी र सवारी चालकसमेत अनुसन्धानमा तानिएका छन् । यसअघि पक्राउ गरी हिरासतमा राखिका कर्मचारीलाई पनि पुनः सोधपुछका लागि पक्राउ गरिएको हो ।
गत मंसिर २४ गते नबिल बैंक शाखा कार्यालय महेन्द्रनगरबाट धनगढीस्थित राष्ट्र बैंकमा रकम जम्मा गर्न जाने क्रममा हतियारधारी समूहले कैलाली र कञ्चनपुरको सीमा क्षेत्र मालाखेतीबाट दुई करोड ३१ लाख लुटपाट गरेका थिए । रासस
0 comments
Write Down Your Responses