रौतहटका सयबढी झोले विद्यालयको खाता रोक्का
अख्तियारको टोलीले झोले विद्यालय बन्द गर्न कडा रुपमा प्रस्तुत हुन निर्देशन दिएपछि जिल्ला शिक्षा कार्यालयले सयभन्दा बढी त्यस्ता विद्यालयको खाता रोक्का गरेको जनाएको छ ।
कागजम सीमित झोले विद्यालयबारे अख्तियार दुरुपयोग अनुसन्धान आयोगमा उजुरी परेपछि आयोगबाट सहसचिवको नेतृत्वमा आएको टोलीले जिल्लाका सम्पूर्ण विद्यालयको अनुगमन गरी जिल्ला शिक्षा कार्यालयबाट कागजपत्र नियन्त्रणमा लिइसकेको छ ।
टोलीले अनुगमन गरी फर्किसकेपछि सामुदायिक प्राथमिक विद्यालयहरु सञ्चालन गर्न स्वीकृत लिएका विद्यालय व्यवस्थापन तथा त्यससाग सरोकार राख्ने व्यक्तिहरु प्रमाण जुटाउन व्यस्त रहेका छन् । ०६४ यता सरकारले सबै बालबालिकालाई सहजरुपमा शिक्षा प्रदान गर्न विद्यालय खोल्ने नीति ल्याएको थियो ।
जिल्लाका अधिकांश झोले विद्यालयले धमाधम विद्यालय निर्माण कार्य सुरु गर्न थालेका छन् । स्वीकृति लिएका २ सय २० सामुदायिक प्राथमिक विद्यालयमध्ये अधिकांश कागजमा मात्रै सीमित रहेको पाइएको थियो । रासस
0 comments
Write Down Your Responses